लूका 9:25 - Sirmouri

²⁵ जे कोसी आदमी खे बादी संईसारी को राज भेंटलो अरह् से आप्णी जीयाँन गुवाँऐ देला तअ तैस्का का फाय्दा हंदा?

सिरमौरी नौवाँ नियम

²⁵ ऐक आदमी खै का भेटलो जै तैसीकै पूरी दुनिया की चीज़ौ भेटली? पौरौ हमैशा कै जिन्दगी खोए दैला, तौ तैसीखै का फायदा हौंदा?

लूका 9:25 ပူးပေါင်းရင်းမြစ်များ

मत्ती 13:48

अरह् जबे जाल़ भरी गुओ, तअ मंछवारे तेथू जाल़ खीचियों टिराँव्टी गाशी आँणों, अरह् बऐठियों आछी-आछी माँछी तअ बाँस्णों दी कठी करी, परह् निकारी-निकारी माँछी तिन्दें शी फैरकाऐं दिती।

मत्ती 13:50

अरह् तिनू आगी के कुँड दे पाँऐ देंई दे; जेथै सिर्फ रूणा-धोणाँ अरह् दाँद ही च़ाक्णें ही पड़ले।”

मत्ती 16:26

जे आदमी खे बादी संईसारी भेंटी ज़ाँव, अरह् आप्णा अमर-जीवन गुवाँऐंयों आप्णा नुकसाँन करह्, तअ तेस्का का फाऐंदा हंदा? के आदमी अमर-जीवन के बद्ल़े का देऐ सको; से किऐं भे ने देऐ सक्दा?

मरकुस 8:36

का फाय्दा असो, के आदमी खे बादी संईसारी को राज भेंट्लो; अरह् से आप्णी जीवन प्राण का नुकसाँन करला?

प्रेरितो कै काम 1:18

(तेंने आप्णी पाप की कंमाँई लई, ऐक खैच़ मोंले कोरो; अरह् से तिन्दा आगु मुँऐं पड़ा, अरह् तेस्को पेट फाटी गुओ; अरह् तैस्की आँज़ी की बाँईडी नींक्ल़ियों ऐके ढैरी लागी;

प्रेरितो कै काम 1:25

के से ईयो सेंवकाई, अरह् खास-चैले का पद्-भार संहम्भाल़ो; जुण्जा यहूदा इसकरियोंती छ़ुड़ियों आप्णी जागा खे हुटा।”

1 कुरिन्थियों 9:27

परह् हाँव आप्णी देह्-शरीर खे कष्ट देऐयों तियों आप्णें बष दी थंऊँ; के कोदी ऐशो ने हईयों के हाँव ओकी खे प्रचार करियों अरह् आपु तेसी प्रचारो के प्रत्तिफल़ शा बाँईडा ने होऊँ।

इब्रानियों 10:34

किन्देंखे के तुँऐं कय्दी के दुःख्ह शे भे दुःख्हि हुवे, अरह् आप्णी घरोऊँची भे चुप्प-चाँण लुट्णों दिती, ऐजो जाँणियों के तुँओं कैई ऐक ओकी भे खास अरह् हंमेशा खे रंहणों वाल़ी घरोऊँचीं असो।