लूका 9:2 - Sirmouri

² तबे प्रभू यीशू ऐं तिनू आप्णें खास-चैले खे पंण्मिश्वर के राज्य के खुष्खबरी शुणाँणी अरह् रूगी-बीमार च़ाँग्गै कर्दे डियाल़े।

सिरमौरी नौवाँ नियम

² औरौ तिनु पौरमेशवर कै राज्य का प्रचार कौरणौ, औरौ बीमारियों कै ठीक कौरणौ कारिए भैजै दिए।

लूका 9:2 ပူးပေါင်းရင်းမြစ်များ

मत्ती 10:5

तिनू बारंह् खास-चैले खे प्रभू यीशू ऐ ऐजी अज्ञाँ देऐयों डियाल़े: “गऐर यहूदी के ईलाके दे ने ज़ाऐं, अरह् ना सामरियों के कोसी नगर दे ज़ाऐं।

मत्ती 13:19

जुण्जा कुँऐं आदमी, पंणमिश्वर के राज्य के बचन शुणिंयों सम्झोंदा ने, तबे शैतान तेथै आँव अरह् तेथै जू भे किऐ बचन को बींज़ तेस्की सासो दो बऐ थो, से तेसी कैई शो तेथू दड़ियों आगू नियों, अरह् से सेजो ही बींज़ असो, जुण्जो बाटो पुडो पड़ो।

मत्ती 24:14

अरह् पंणमिश्वर के राज्य की ऐजी खुषख्बरी बादी संईसारी दा प्रचार करा ज़ाला। के सोभी गऐर यहूदी गाशी गुवाऐ-शाज़्त हों, तबे अंत्त आऐ ज़ाला।

मत्ती 3:2

“मंन बद्ल़ो, किन्देखे के स्वर्गो को राज नंजीक आऐ रूओ।”

मरकुस 16:15

अरह् प्रभू यीशू ऐ तिनखे बुलो, “तुँऐं बादी संईसारी दे ज़ाऐयों बादी संईसारी खे ऐजी ईयों बातो के खुषख्बरी का प्रचार करह्।

मरकुस 6:12

तबे बारह् खास-चैले तेथै शे आगू हुटे, अरह् ऐजा प्रचार कर्दे रूऐ, के आप्णें पाप बुराई शा पसतावा करणा, अरह् आप्णा मंन बद्ल़णाँ सभी लोगो खे जरूरी ही असो।

लूका 10:1

ईनू सब बातो पाछ़ी प्रभू यीशू ऐ ओके संत्तर चैले च़ूणें-छ़ाँटे, अरह् जैसी-जैसी नंगर, अरह् गाँव दे से आपु ज़ाँणों चहाँव थिऐ, तेथै-तेथै तिनू दो-दो झुणें आप्णें ज़ाँणों शे आगे डियाल़े।

लूका 10:11

‘आप्णें लात्तो दी लागी अंदी धुड़-माँट्टी भे आँमें तुवाँरे नंगर दी तुवाँरे साम्णें झ़ाड़ी दियों; परह् तुऐं तबे भे जाँणी पाव के पंण्मिश्वर को राज्य तुवाँरे नंजीक आऐ गुओ।’

लूका 10:9

तेथै के रूगी-बीमार चाँग्गै करे, अरह् तिनखे बुले, के ‘पंण्मिश्वर को राज्य तुवाँरे नंजीक आऐ पुझ़ौ।’

लूका 16:16

“संत्त-यूहन्ना नहाँण-कराणों वाल़े की आँऊणीं तोड़ी, अरह् ऋषी मूसा खे भेंटे गुऐ निय्म, अरह् ऋषी लोगों का दब-दबा बंणा अंदा रूवा; तबे संत्त-यूहन्ना नहाँण-कराँणों वाल़े के आँणों के बख्तो शे ऊबी पंण्मिश्वर के राज्य के खुष्खबरी का प्रचार शुणाँया ज़ाँदा लागा; अरह् बादे लोग ईन्दें दाखिल हंणों की जूरे-जबरिऐ कोशिष कर्दे लागी रूऐ।

लूका 9:11

परह् लोगो कैई ईयों बादी बातो का पत्ता लागा, अरह् तबे लोगो के बैजाऐ बड़ी भीड़ तिनू पाछ़ी-पाछ़ी तैसी ही जागे दी हुटी; अरह् से बादे मंज्जे के तिन कैई शे भेंटिऐं, अरह् प्रभू यीशू ऐं खुशी हऐयों तिनू सोभी कैई पंण्मिश्वर के राज्य का बखाँण शुणाँया, अरह् जुण्जे लोग बीमार थिऐ अरह् से आछो हंणों चहाँव थिऐ; तिनू सोभी भे प्रभू ऐ चाँग्गै भले करे।