लूका 9:1 - Sirmouri

¹ तबे प्रभू यीशू ऐ आप्णे बारह खास-चैले बंईदे अरह् तिनू सोभी खे दुष्ट-आत्त्मा अरह् बीमारी दूर कर्णो के शक्त्ति अरह् अ-धिकार दिता।

सिरमौरी नौवाँ नियम

¹ तोबै तैणै बारौ चैलै खै बौएदैयौ तिनु सौबी दुष्टआत्माओं औरौ बीमारियों कै दूर कौरणौ कै अनौखी शौकतै औरौ औधिकार दिया।

लूका 9:1 ပူးပေါင်းရင်းမြစ်များ

मत्ती 16:19

हाँव ताँव्खे स्वर्गो के राज्य की ताल़ी-कुँन्जी देऊँबा: अरह् जू किऐ तू धर्ती गाशी बाँन्ला, सेजो स्वर्गो दो बाँनों ज़ालो; अरह् जू किऐ तू धर्ती दो खुल्ला, सेजो स्वर्गो दो खुल्लों ज़ालो।”

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

मत्ती 8:9

किन्देखे के हाँव भे कोसी अधिकारी थाई काम करू, अरह् मुँह थाँई भी ऊके सपाऐ असो, अरह् जबे हाँव ऐकी खे बुलू, ‘ज़ा!’ तअ से ज़ाँव ऐ; अरह् जबे ओकी खे बुलू, ‘आ!’ तअ से ऊडा आँव; अरह् जुण्जों हाँव आप्णें दास खे बुलू, से सेजो ही करह्!”

लूका 10:1

ईनू सब बातो पाछ़ी प्रभू यीशू ऐ ओके संत्तर चैले च़ूणें-छ़ाँटे, अरह् जैसी-जैसी नंगर, अरह् गाँव दे से आपु ज़ाँणों चहाँव थिऐ, तेथै-तेथै तिनू दो-दो झुणें आप्णें ज़ाँणों शे आगे डियाल़े।

लूका 10:19

मुँऐ तुँओं शोंगाव, अरह् बीच्छों, अरह् बईरी की बाद्दी शक्त्ति नाँष कर्णों का हंक-अधिकार तुओं खे देऐ थुऐ; किऐ भे च़ीज तुवाँरा नुक्साँन ने करी सक्दी।

यूहन्ना 14:12

“हाँव तुँओं खे ऐक खास बात बुलू: के जुण्जा कुँऐं मुँह्दा बिश्वाष करह्, से सेजे बादे काँम-काज़ करला; जुण्जे काँम-काज़ हाँव करू, परह् से ईन्दें शे भे जादा बड़े-बड़े काँम-काज़ कर्ले; किन्देंखे के ऐबे हाँव बाबा कैई ज़ाँदा लागा।

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 3:16

प्रभू यीशू के नाँव दा, बिश्वाष कर्णो के कारण; तिन्ही के नाँम शा ऐसी आदमी खे जेसी तुऐं देखी लुवा, अरह् जेसी तुऐं जाँणों ऐ, ऐसी ऐजी शक्त्ति-ताक्त्त तिन्ही शी भेटी रंऐ, अरह् तेसी ही बिश्वाष ऐ ऐसी तुवाँरे सहाम्णें भला चाँग्गा करी दिता।

प्रेरितो कै काम 4:30

अरह् चाँग्गा कर्णो खे तुऐं आप्णा हाथ थुऐ, के चींह्न-चंम्त्तकार की काँम-काज़ तुवाँरें पबित्र दास यीशू के नाँव शे करी सको।”

प्रेरितो कै काम 9:34

संत्त-पतरस ऐ तेस्खे बुलो, “हे एनियास! यीशू मसीया ऐ ताँव चाँग्गा करी लुवा; बीऊँज अरह् आप्णा बिछ़ाँव्णा आपु ठीक करह्,” तबे से तेख्णीं ऊबा बींऊँजियों खड़ा हुआ।