लूका 8:54 - Sirmouri

⁵⁴ प्रभू यीशू ऐ तियों धियाँन्टी का हाथ थाँम्बड़ियों धाव देऐयों बुलो; “हे धियाँण्टी बींऊँज!”

सिरमौरी नौवाँ नियम

⁵⁴ पौरौ तैणै तियौं का हाथ पाकड़ा औरौ जोर शै बौल़ौ, “ओए रै कोन्या, बिज़ ऊबै!”

लूका 8:54 ပူးပေါင်းရင်းမြစ်များ

मत्ती 9:25

जबे लोगो की भीड़ तेथै शी आगू हुटी, तअ प्रभू यीशू ऐ भिटे ज़ाऐयों तियों धियाँण्टी का हाथ थाँम्बंड़ा, अरह् से ऊबी बीऊँजी।

मरकुस 1:31

तबे प्रभू यीशू तियाँरी नंजीक हुटा, अरह् तियाँरा हाथ थाँम्ब्ड़ियों तियों ऊबी बिऊँजाल़ी, अरह् तेख्णी तियाँरें ठोंह् ऐकाँन्द्रे च़ूंटे, अरह् तबे से प्रभू की सेवा-भंगत्त कर्दे लागी।

मरकुस 8:23

प्रभू यीशू ऐ तेसी शैड़ा थाँम्ब्ड़ियों गाँव शा बाऐरा नीयाँ, अरह् तेस्की आँ:खी दो थूको, अरह् तेस गाशी हाथ थह्ऐयों तेस कैई शो पुछो, “कियो तेरे किऐ दे:खींदों लागो?”

मरकुस 9:27

तबे प्रभू यीशू ऐ तेस्का हाथ थाँम्ब्ड़ा, अरह् तेसी ऊबा बिऊँजाल़ा अरह् तबे से तैख्णी खड़ा हुआ।

लूका 8:51

जबे प्रभू यीशू तैसी याईर के घरे पंईचे, तअ तिन्ऐं पतरस, यूहन्ना, याकूब, अरह् तियों धियाँण्टी के माँ-बाबा के सुवाऐं कोसी भे आप्णीं गईलो भिटे ने आँणों दिती।

लूका 8:53

तेथै बादे लोगे तिनू हस्णों खे ठाठै पाड़्दे लागे; किन्दें खे के से सेजो जाँणों थिऐ, के सैजी धियाण्टी मंरी रंऐ।

लूका 8:55

तियों धियाँण्टी के प्राण-सास पाछू फिरा, अरह् से तैख्णी ऊँबी बऐठी; प्रभू यीशू ऐं अज्ञाँ दिती के ईयों खे किऐ खाँणों खे दियों।

यूहन्ना 11:43

ऐजो बुलियों, प्रभू यीशू ऐ जुराल़ो बुलो, “ओ, लाज़र! बाँईडा आ!”

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

प्रेरितो कै काम 9:40

तबे संत्त-पतरस ऐ बादे लोग तेथै शे बाँईडे गाड़े, अरह् तेने घुडकुँणिऐं प्रार्थना करी; ईन्दें पाछ़ी तिन्ऐ तेसी मुँड़्दे के ढबै पाछ़ू फीरियों बुलो, “तबिथा, बीऊँज!” तबे तिऐं आप्णी आँख खुली, अरह् संत्त-पतरस देखियों से ऊँबी बंऐठी।

रोमियों 4:17

जेष्णों पबित्र-ग्रन्थों दो लिखी थो, के “पंणमिश्वर बुलो, के मुँऐं ताँव भहिती गऐर यहूदी का बाबा बंणाऐ थुवा,” तेसी पंणमिश्वर के नंजरी दा अब्राहम अमाँरे बाबा असो, अब्राहमें तेसी पंणमिश्वर गाशी बिश्वाष करा, जुण्जा मरे अंदे ऊबे जीयाल़ो; अरह् जुण्जी बातो आथी ने, तिनका नाँव से तेष्णों लों, के ऐजी बातो असो ऐ।