लूका 8:53 - Sirmouri

⁵³ तेथै बादे लोगे तिनू हस्णों खे ठाठै पाड़्दे लागे; किन्दें खे के से सेजो जाँणों थिऐ, के सैजी धियाण्टी मंरी रंऐ।

सिरमौरी नौवाँ नियम

⁵³ लोग ऐजौ जाणैयौ कै सै मौरे गौए, यीशु पांदी होसदै लागै।

लूका 8:53 ပူးပေါင်းရင်းမြစ်များ

मत्ती 9:24

ईन्देंखे तिनिऐं तिन्खे अज्ञाँ दिती, “ईथे शे आगु ज़ाओ, किन्देंखे के ऐजी धियाँण्टी मरी ने रंई ऐ सुत्ती रंऐ” तबे सेजे लोग प्रभू यीशू के ठाटे पाड़दे लागे।

लूका 16:14

यहूदी भाट-बाँम्ण जुण्जे धंन-दोलत के लोभी-लाल़्ची थिऐ, सेजे ऐजी बादी बातो शुँणियों, प्रभू यीशू के ठाठै पाड़्दे लागे।

लूका 8:52

बादे लोग तियों धियाँण्टी खे रूऐ थऐ, परह् प्रभू यीशू ऐ ति खे बुलो, “रूऐ ने! ऐ मंरी ने रंई, परह् सुत्ती रंऐ।”

लूका 8:54

प्रभू यीशू ऐ तियों धियाँन्टी का हाथ थाँम्बड़ियों धाव देऐयों बुलो; “हे धियाँण्टी बींऊँज!”

यूहन्ना 11:39

प्रभू यीशू ऐ बुलो, “पाथर आगु गाड़ो।” तेसी मँरे अँदे की बंऐणी मार्था ऐं तिनखे बुलो; “हे प्रभू जी! ऐबे तअ तेस्की मित्तके शी शड़ाँण आँदी लागी हली, किन्देंखे के तेसी मरियों तअ ऐबे चार देसो हऐ गुऐ।”