लूका 8:48 - Sirmouri

⁴⁸ प्रभू यीशू ऐ बुलो, “बैटी, तेरे बिश्वाषे ताँव चाँग्गी करी; ऐबै शाँन्त्ति खुशी शी ज़ा।”

सिरमौरी नौवाँ नियम

⁴⁸ तैणै तियौंखै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा।”

लूका 8:48 ပူးပေါင်းရင်းမြစ်များ

मत्ती 12:20

से कंमजोर सुरवाँठों ने च़ूड़दा, अरह् ना धुंवाँ छुड़णों वाल़ी बाटी हिशाल़्दा, जाँव तोड़ी नियाँव भारी ने बंणाऐं दियों।

मत्ती 8:13

तबे प्रभू यीशू ऐ सुबेदारो खे बुलो, “ज़ा, जेष्णाँ तेरा बिश्वाष असो, तेष्णों ही ताँव्खे हों।” अरह् तेसी सुबेदार का दास तेख्णी तियों ही घड़ी चाँगा हऐ गुवा।

मत्ती 9:2

अरह् दे:खो, कंई लोगे अदरंगो का ऐक दु:खिया लुह्थों दा थागियों तिन कैई आँणा। प्रभू यीशू ऐ तिनका बिश्वाष देखियों, तेसी अदरंगो के दुखिया खे बुलो, “हे बैटा हिम्मत थह्, तेरे पाप माँफ़ हुऐ।”

मत्ती 9:22

प्रभू यीशू ऐ पाछू फीरियों तियों दे:खी अरह् बुलो, “बेटी हिम्मत थंह्; तेरे बिश्वाष ऐ ताँव चाँगी करी थऐ।”, तबे: सेजी तिरंई तेख्णी चाँगी हऐ गऐ।

मरकुस 5:34

प्रभू यीशू ऐ तियों तिरंई खे अज्ञाँ दिती, “बेटी तेरे बिश्वाष ऐ ताँव चाँगी करी थऐ, शाँण्त्ति शी ज़ा, अरह् आछी रंह्।”

लूका 17:19

तबे प्रभू यीशू ऐ तैस्खे बुलो, “ऊबा बींऊँजियों आगू ज़ा, तेरे बिश्वाषे ही ताँव चाँग्गा करा।”

लूका 18:42

प्रभू यीशू ऐ तैस्खे बुलो, “दे:ख्दा लाग: तेरे बिश्वाषे ताँव भला-चाँग्गा करी दिता।”

लूका 7:50

प्रभू यीशू ऐ तियों तिरंई खे बुलो, “तेरे बिश्वाषे ताँव बचाऐ पाऐ, खुशी शाँण्त्ति शी ज़ा।”

लूका 8:47

जबे तियों तिरंई ऐं दे:खो, के हाँव चुरियों छूटी ने बल़्दी, तबे से काँम्बलियों आऐ, अरह् प्रभू यीशू के लात्तो गाशी पड़ियों बादे लोगो के साम्णिऐ बुलो; के मुँऐ तुओं कैई छ़ुऐ, अरह् हाँव तुओं छुदे ही तैख्णी च़ाँग्गी हऐ गंऐ।

प्रेरितो कै काम 14:9

तेने आदमी ऐ संत्त-पौलुस कैई शे बचन शुँणी लुऐ थिऐ, तबे संत्त-पौलुस ऐ तेस्की ढबे निजाऐयों देखो के ऐस्के मंन दा चाँग्गै हणों का बिश्वाष असो।

2 कुरिन्थियों 6:18

अरह् हाँव तुवाँरा परमं-पिता पंण्मिश्वर हंदा, अरह् तुँऐं मेरे बैटे अरह् बैटी हंदी। ऐजा सर्वशक्त्तिमाँन प्रभू पंण्मिश्वर का बचन असो।”

इब्रानियों 4:2

किन्देंखे के आँमों कैई भी तिनू ही जैष्णी खुषख्बरी शुँणाऐ गऐ थी, परह् शुँणें अंदें बचन लंई तिनके किऐ भे फ़ाय्दा ने हंई; किन्देंखे के तिनू शुँण्णों वाल़े के मंन दा बिश्वाष ने हंऐ रंई थी।