लूका 8:44 - Sirmouri

⁴⁴ तिऐ तिरंई ऐ प्रभू यीशू के पाछू दाँई शी आऐयों, तिन के च़ूग्गै का पाछला पाला छुवा, अरह् से तैख्णी चाँग्गी हऐ; अरह् तियाँरा लह्ऊँ ढाल़ा तैख्णी बंद हऐ गुवा।

सिरमौरी नौवाँ नियम

⁴⁴ तोबै तियैं तैसकै पौछौड़ियौ दै आयौ तैसकै खोटणो का पाला छुवा, औरौ तौलोंई तियांरा लोऊ बोहणौ बोन्‍द हौए गौ।

लूका 8:44 ပူးပေါင်းရင်းမြစ်များ

मत्ती 20:34

तबे तरष खाऐंयों, प्रभू यीशू ऐ तिन्की आँ:खी छ़ूई, अरह् से तेख्णी दे:ख्दें लागे; अरह् से प्रभू यीशू पाछी चाले।

मत्ती 8:3

प्रभू यीशू ऐ तेसी आप्णें हाथे छूवाँ, अरह् बुलो, “हाँव चहाऊँ के तू शुद्ध हऐ ज़ाऐं।” अरह् से तेख्णी कोढ़ शा शुद्ध हुआ।

मत्ती 9:20

अरह् देखो, ऐक तिरंऐ जीयाँरें बारंह् साल शी ऊबी लह्ऊँ ढाल़े की बीमारी थी; से तिनू पाछ़ी आऐ, अरह् तिऐं प्रभू यीशू के च़ूग्गै का पाछ्ला पाला छुआ।

मरकुस 6:56

प्रभू यीशू मसीया जेसी कसी नंगर, गाँव-गाँऊजी दे ज़ाँव थिऐ, तेथी लोग साजी जागे दे आप्णें बीमार लोग सुताल़ियों तिनखे ढाल-अरज करो थिऐ, के ईन के चोंगे के पाला ही छुँणों दियों, किन्देंखे के जुण्जा कुँऐं तिनू छुओं थिया, से तैख्णी चाँगा हऐयों बंची ज़ाँव थिया।

लूका 13:13

तबे प्रभू यीशू ऐ तियों गाशी आप्णा हाथ थुवा, अरह् से तैख्णी सिधी खह्ड़ी हऐ गऐ, अरह् से पंण्मिश्वर के बड़ियाऐं कर्दे लागी।

लूका 7:38

अरह् रूऐयों प्रभू यीशू के लात्तों कैई, पाछू दाँई खह्ल़ी गऐ; अरह् तिऐं आप्णी आँशुओं लई, तिन के लात्त धुऐ, अरह् आप्णें मुँढो के वाल़-कैष लई ऊबाँदी लागी, अरह् तिऐं बार-बार प्रभू के लात्तों दी खुप्टी देंदी रंऐ, अरह् सेजो सेंन्ट लात्तों दो मुँल़्दी रंऐ।

लूका 8:43

अरह् तेथै ऐक तिरंऐ थी, जियाँरे बारंह् साल शा लह्ऊँ ढाल़ा थिया; अरह् तिऐं आप्णी बादी कमाँऐ गंण्णों खोज्णों, अरह् भाट-बाम्णों बैद्-जड़यारे कंई लाऐं थंऐ थी; परह् से कोसी भे ईलाजो शी आच्छ़ी ने हई।

लूका 8:45

प्रभू यीशू ऐ ऐक-दंम बुलो, “मुँह कुंणिऐ छ़ुवाँ?” ऊँडे-पुडे के बादे आदमी के भाज्णों गाशी, पतरस ऐं बुलो; “हे प्रभू! ऐत्रै रंष भीड़ मुँझी जिन्दें का ढोस्रोल़ा तुओं गाशी भे पड़दा लागा ऐबै का जाँण्णों के तुओं कुँणें छ़ुऐं।”

यूहन्ना 5:13

परह् सेजा चाँग्गा हुवा अंदा आदमी ऐजो जाँणों ने थिया, के सेजा आदमी कुँण थिया; किन्देंखे के तेथै बैजाऐ बै-शुमार लोगो के बड़ी भीड़ थी, अरह् प्रभू यीशू तेथै शे आगु हुटी रूऐ थिऐ।

प्रेरितो कै काम 19:12

ऐत्ते ज़ुगे के तेस्के रमाल अरह् साफे भे बीमारो कैई नींह्ऐयों, तिनकी बीमारी खत्त्म हऐ ज़ाव थी, अरह् दुष्ट-आत्त्मा तिनू लोगों शी भागी लागो थी।

प्रेरितो कै काम 5:15

साच्ची बात तअ ऐजी थी, के लोग आप्णें कागी शे बीमार लोग षड़्की-बाटो दे लेयाऐ-लेयाऐयों रेड़ी माँजे गाशी सुताल़ी दियों थिऐ; ईन्देखे के जबे संत्त-पतरस तेथै बाटी आँव, तअ तिनकी प्रछाँऐं ही तिनू गाशी पड़ो; अरह् से चाँग्गै हंऐ ज़ाँव।