लूका 8:43 - Sirmouri

⁴³ अरह् तेथै ऐक तिरंऐ थी, जियाँरे बारंह् साल शा लह्ऊँ ढाल़ा थिया; अरह् तिऐं आप्णी बादी कमाँऐ गंण्णों खोज्णों, अरह् भाट-बाम्णों बैद्-जड़यारे कंई लाऐं थंऐ थी; परह् से कोसी भे ईलाजो शी आच्छ़ी ने हई।

सिरमौरी नौवाँ नियम

⁴³ औरौ ऐक बैटमाणिश जियौं खै बारौ सालो शै लोऊ बौणौ का रोग थिया। औरौ जियैं आपणै सारै पोएसै वेदो पाछी खत्म कौरे दिए थिए, तोबै बै कोसी कै हाथौ लैई ठीक नै होई।

लूका 8:43 ပူးပေါင်းရင်းမြစ်များ

मरकुस 12:44

किन्देंखे के सभिऐं आप्णें भहीते धंनों मुँझ शो किऐ दाँणिक दाँण करी थो; परह् ईऐं तिरंई ऐ आप्णे जीवन गरीबी मुँझ शो जू किऐ ईयों कैई थियो, सेजो बादो कुछ-कुछ दाँण करी दितो।”

मरकुस 9:18

किन्देंखे के जबे सेजी गूँगी आत्त्मा ऐस्दी पिच़राल़ी ज़ाँव, तअ ऐसी थाँम्बड़ियों से पंट्की-पंट्कियों लाँव, अरह् ऐस्के ज़ात्ति-मुँहों शी शैफो लागो, अरह् ऐ दाँदो च़ाक्दे दन्दकिलो बईठाल़ों, ऐसी मुँऐ तुओं कैई आँणा थिया, परह् तुवाँरे चैले कैई ईयों दुष्ट-आत्त्मा गाड़णों की ढाल-अरज करी थी, परह् ऐ गाड़ी ने सकी।”

लूका 13:11

तेथै ऐक तिरंऐ थी, तियों अठारह् साल शी ऊँबी ऐक कंम्जोर कर्णो वाल़ी दुष्ट-आत्त्मा ऐं पाक्ड़ी थऐ थी; अरह् से तियों ही कारण कुँब्बड़ी ज़ाऐ रंऐ थी, अरह् से कोदी शुभे ऊबे सीधी ने खह्ड़ी हऐ सको थी।

लूका 13:16

शैताने ईयों नाँरी, जुण्जी अब्राहम की बैटी असो, ईयों अठारह् साल्ह शी ऊबी बाँनी थंऐ थी; तअ कियो ईयों बिषाँव के देसे ऐसी बंन्धण शी छ़ुड़ोंणी ठीक आथी ने थी?”

लूका 8:27

जबे प्रभू यीशू नाव गाच़्छ़ै ऊदे काट्ल़ो दे ऊत्रे तअ तैसी नंगर का ऐक दुष्ट-आत्त्माँ का भूचा अंदा आदमी तिन कैई आया; से कोद्दी शुभे खोटुणों मे बाँम्बो थिया; अरह् से घर दा ने, परह् षल़ी-मंड़ियों दा रंह् थिया।

लूका 8:42

किन्देंखे के तैस्के बारह् साल के लग-भग ऐक बैटी थी, जू बैजाऐ बीमाँर घड़ी लाऐयों मंर्णों वाल़ी थी; अरह् जबे प्रभू यीशू तैस कागी खे ज़ादे लागे तअ लोगो के भीड़ च़ोऊँ ढबै शी तिन गाशी पड़्दी लागी।

लूका 8:44

तिऐ तिरंई ऐ प्रभू यीशू के पाछू दाँई शी आऐयों, तिन के च़ूग्गै का पाछला पाला छुवा, अरह् से तैख्णी चाँग्गी हऐ; अरह् तियाँरा लह्ऊँ ढाल़ा तैख्णी बंद हऐ गुवा।

यूहन्ना 9:1

तेथै शे ज़ाँदी बई बाटो पुँडा प्रभू यीशू ऐ ऐक आदमी देखा, जुण्जा जन्म शा ही पेट्-आँधा थिया।

यूहन्ना 9:21

परह् आँमें ऐजो ने जाँण्दें के ऐस्के ऐबे कियो-कियो देखियों, अरह् कुँणें ऐस्की आँखी खुली; ऐ ऐबे नहाँन्ड़िया ने आथी, तुँऐ ऐसी ही कैई शो पुछ़ो; अरह् ऐ आप्णें बारे दो आपु सब-कुछ़ बुली देला।”

प्रेरितो कै काम 3:2

तेसी ही बख्त्ते किऐ लोगे ऐं ऐक आदमी जुण्जा पय्दा हंणों शा ऊबा, लंगड़ा थिया; सेजे लोग तेसी लंगड़ा आदमी रोज देऊँठी के “सुन्दर” फाटक कैई छुड़ी दियों थिऐ; जिन्दें लई से देऊँठी दे ज़ाँणों वाल़े लोगों कैई शी भीख्ह माँगो थिया।

प्रेरितो कै काम 4:22

सेजा आदमी जेसी गाशी ऐजा चाँग्गे हंणो का चम्तकार करा गुआ थिया, से च़ाल़ीष सालो शा जादा उमरी का थिया।