लूका 8:25 - Sirmouri

²⁵ तबे प्रभू यीशू ऐ चैले खे बुलो, “तुवाँरा बिश्वाष केथै गुवा?” परह् से डरी गुऐ, अरह् तिन के सेजो सब-कुछ दे:खियों तुर्बाणच़ूटे अरह् आपु मुँझी बुल्दे लागे, “ऐ कुँण असो? जिन की अज्ञाँ ढोंढ-बागूर, अरह् पाँणी, भे माँनों ऐं?”

सिरमौरी नौवाँ नियम

²⁵ औरौ तैणै तिनु बौल़ौ, “तोंवारा बिशवाश कुकै थिया?” पौरौ सै डौरे गौवै, औरौ हैरान हौयौ आपी मुंजी बौलदै लागै, “ऐजा कैशणा आदमी औसौ? जू हवा औरौ फालो कै आज्ञा दैंव, औरौ सै तैसकी मानौए?”

लूका 8:25 ပူးပေါင်းရင်းမြစ်များ

मत्ती 14:31

प्रभू यीशू ऐ तेख्णी तेस दी पाची पाऐयों ऊडा थाँम्ब्ड़ा अरह् बुलो, “ओ कंम-बिश्वाषी, तुँऐं षकं-शुभा किन्देखे करा?”

मत्ती 17:20

तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी।

मत्ती 6:30

ईन्देंखे जबे पंणमिश्वर ज़ूब्ड़ी की घास जू ऐगड़ी खे असो, अरह् दोत्ती भाठ-अगयाव दी फूकी देंई दी, तबे भे तियों ऐष्णी शुभाल़ी बंणाँव, तअ ओ, बै-बिश्वाषियों तुँओं कैई शे से ईन्दें शे आछे शुभाल़े खोट्णों कैई ने बम्बाँ दे?

मत्ती 8:10

ऐजो शुणियों प्रभू यीशू के तूरंबाणच़ूंटे, अरह् जुण्जे तिनू पाछी आँदें लागे थिऐ, तिनिऐं तिनखे बुलो, “हाँव तुँओं खे खास बात बुलू, के मुँऐ इस्राएल दा भे ऐष्णा बिश्वाष दे:खी ने थई।

मत्ती 8:26

तबे प्रभू यीशू ऐ चैले खे बुलो, “ओ, अंध-बिश्वाषियों! कैई डरी रूऐ?” तबे तिन्ऐ बींऊँजियों ढोंढ अरह् पाँणी डाँटो-झाड़ो, अरह् सब-कुछ शाँण्त्त हऐ गुओं।

मरकुस 4:35

जबे संद पढ़ी, तअ प्रभू यीशू ऐ आप्णे चैले खे बुलो, “चालो आँमें पाईले ढबे ज़ाँऊबे।”

लूका 12:28

ईन्देंखे जे पंण्मिश्वर घास भे ऐत्रों शुभाल़ो बाँणों; जू ऐत्तलो तअ ज़ूब्ड़ी-पाट्णों दो असो, अरह् दोत्ती ही तैथू आगी मुँझी पाऐ देंईदो; तअ ओ, बै-बिश्वाषियों! तअ तबे से तुओं कैई शे आच्छे खोट्णों बंम्बाऐयो शुभाल़े कैई ने बाँण्दा।

लूका 8:24

तबे चैले प्रभू यीशू कैई आऐ, अरह् तिनू नींज़ो शे ऊबे बीऊँजाल़्दे लागे अरह् बुलो; “हे प्रभू-हे प्रभू आँमों बचाओ” आँमें तअ डुब्दे लागे। तबे प्रभू यीशू ऊबे बींऊँजे अरह् तिन्ऐ ढोढ-बागुर, अरह् झीलो की प्रचंन्ड फालो खे डाँटी-झाड़ दिती के थंबी ज़ाव, अरह् से तैख्णी शाँण्त्त हंई।

लूका 8:26

तबे प्रभू यीशू अरह् तिन के चैले गिरासेनियों के प्रदेश दे पऊँचे, जू पाईले ढबे गलील नंगर के साम्णें असो।

यूहन्ना 11:40

प्रभू यीशू ऐ तियों खे जबाब दिता, “कियों मुँऐं ताँव्खे ऐजो बुली ने थी, के जे तू बिश्वाष कर्लीं तअ पंण्मिश्वर की बड़ियाऐं देख्ली?”