लूका 8:2 - Sirmouri

² अरह् किऐ तिरंई भे, जुण्जी दुष्ट-आत्त्मों अरह् रोग-बीमारी शी चाँग्गी हऐयों अजाद हई थी, अरह् सेजी तिरंई ऐजी थी: मरियम जियो खे मगदलेनी बुली थी, जियो शी प्रभू यीशू ऐं सात्त दुष्ट-आत्त्मा गाड़ी थी;

सिरमौरी नौवाँ नियम

² औरौ किछै बैटमाणिशौ बै तैसकै साथै थी, जिनु दुष्टआत्माओं औरौ बीमारियों शै छुड़ाए रैई थी। औरौ सैजी ऐजी औसौ; जू मगदेला गांव कै मरियम थी, जियौं पौरैशी सात दुष्टआत्मा निकाल़ै रैई थी।

लूका 8:2 ပူးပေါင်းရင်းမြစ်များ

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

मरकुस 16:1

जबे बिषाँव को देस बिती गो, तबे मरियम मगदलीनी, अरह् याकूब के माँ मरियम अरह् सलोमी ऐ सैंट मोंले करो, के तेसी प्रभू यीशू के मड़दे दो छ़िड़कऊँबे।

मरकुस 16:9

बिषाँव के देसो पाछ़ी आगले हपते भेंयाँसरंह् दे प्रभू यीशू जीऊँदे हऐयों आगे मरियम मगदलीनी जियों शी तिन्ऐं सात्त दुष्ट-आत्त्मा गाड़ी थंई थी, तियों कैई शे से दे:खाई पड़े।

लूका 23:27

अरह् लोगो के ऐक बैशुमाँर भीड़ तिनू पाछ़ी-पाछ़ी चाली रंऐ थी; तिनू मुँझी तिरंई भे थी, जुण्जी आप्णी-आप्णी छात्ती पीटी-पीटियों प्रभू यीशू की ताँईऐं रूणा-धोणा करह् थी।

लूका 23:49

परह् प्रभू यीशू के जाँण्णों वाल़े आदमी किऐ दुर्के खह्ड़े थिऐ, तिनू मुँझी तिरंई भे थी; जुण्जी गलील प्रदेश शी प्रभू यीशू पाछ़ी-पाछ़ी आऐ रंई थी, अरह् तिन्ऐ सेजो सब-कुछ देखी लो थियों।

लूका 23:55

तिनू तिरंई ऐ जुण्जी यीशू की गईलो गलील शी तिनू पाछ़ी-पाछ़ी आऐ रंई थी; तिन्ऐं ज़ाऐयों तियों खात्त-कबर देखी, अरह् ऐजो भे देखो; के तिनको मित्तको कियों रित्ति शो थंऐ थुओं।

लूका 8:30

प्रभू यीशू ऐ तैच़्छौ पुछो, “तेरो नाँव का असो?” तेने बुलो, “सेना”, किन्देंखे के आँमें भहिती दुष्ट-आत्त्मा असो।

यूहन्ना 19:25

प्रभू यीशू के माँ, अरह् तियाँरी बंईण, मंतल्व प्रभू यीशू के मोंऊँसी क्लोपास के घहरवाल़ी मरियम, अरह् मरियम मगदलीनी तिनकी शुँल़ी-फ़ाँशी कैई खह्ड़ी थी।

प्रेरितो कै काम 1:14

तबे से बादे झुणें ऊकी कंऐ तिरोई आरी, अरह् प्रभू यीशू के माँ मरियम, अरह् प्रभू यीशू के भाई आरी ऐक मंन हऐयों प्रार्थना कर्दे लागे अंदे रूऐ।