लूका 8:18 - Sirmouri

¹⁸ ईन्देंखे च़ौक्क्ष रंह्, के तुँऐं कैष्णों शुण्णों? जिनू कैई आगे भे असो, तिन खे हजो भे भेंट्लो, अरह् जिन कैई किऐ ने आथी, तिन कैई शो सेजो भे आगू कर्दो जिन्देंखे से आप्णों जाँणों।”

सिरमौरी नौवाँ नियम

¹⁸ इथकारिए तुऐं चौकश रौया कै तुऐं कैशैखै शुणौ, जिथुकै जैसकैंई किछै सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”

लूका 8:18 ပူးပေါင်းရင်းမြစ်များ

मत्ती 13:12

किन्देखे के जिन कैई असो ऐ, तिनखे हजो दियो ज़ालो, अरह् तिन कैई बैजाऐ भहितो हऐ ज़ालो; परह् जेस कैई किऐ ने आथी, तेस कैई जुण्जो असो ऐ, सेजो भे ऊँडो करो ज़ाँदो।

मत्ती 25:29

किन्देखे के जेसी कोसी कैई असो ऐ, तेस्खे हजो दियों ज़ाँदो: अरह् तेस कैई भहितो हऐ ज़ाँदो; परह् जेस कैई आथी ने, तेस कैई शो सेजो भे ऊँडो कर्दों, जुण्जो तेस कैई असो।

मरकुस 13:14

“तअ जबे तुऐं तियों ऊगाल़्णों वाल़ी, शह्गाऊँणीं चींज जेथै से ठीक ने आथी तेथै खड़ी दे:खो, तअ (पढ़णों वाल़ा संम्झी पाँव) तबे जुण्जे यहूदिया दे असो, सेजे टिम्बै धारंह् गाशी भागी ज़ाँव।

लूका 19:26

‘तेने माँलिक ऐं बुलो, हाव तुँओं खे ऐशो बुलू, के जैस कैई आगे भे असो, तैस्खे हजो भे दियो ज़ादो; अरह् जैस कैई आगे भे किऐ ने आथी, तैस कैई शो सेजो भे ऊँडो कर्दो जुण्जो तैस कैई असो ऐ।

लूका 9:44

“तुँऐं लोग ऐजी बात काँन लाऐयों शुणों! आदमी का बैटा आदमी के हाथै थंम्बड़ाया ज़ाँदा।”

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

प्रेरितो कै काम 10:33

तबे मुँऐ तेख्णीं तुओं कैई लोग डेयाल़े, अरह् तुँऐं ऐजो बैगे ही आछो करो, के तुऐं ईथै ईनकी गईलो आऐ; अरह् प्रभू! ऐं तुओं खे जुण्जी-जुण्जी अज्ञाँ देऐ थंई, तिन्दें शुँण्णों खे आमें बादे झुणें, पंण्मिश्वर के सहाँम्णें हाजिर असो।”

प्रेरितो कै काम 17:11

ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

1 कुरिन्थियों 14:37

जे कुँऐं आदमी आप्खे-आपु ऋषी के आत्त्मिक जंण सम्झों, तअ ऐजो जाँणी पाँव के जुण्जी बातो हाँव तुँओं खे लिखू, सेजी प्रभू की अज्ञाँ असो।

1 कुरिन्थियों 3:18

कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

1 कुरिन्थियों 8:2

जे कुँऐं ऐशो जाँणों के हाँव किऐ जाँणू ऐ, तअ जेष्णों तेने जाँणों चेंई, तैष्णों से हेभी तोड़ी ने जाँण्दा।

फिलिप्पियों 3:4

परह् हाँव तअ देह्-शरीर दा भे भूर्षा करी सकू। जे कोसी ओकी देह्-शरीर गाशी भूर्षा थणों का बिचार हों, तअ हाँव तिनशा भे बड़ियों भूर्षा करी सकू।

इब्रानियों 2:1

ईन्देंखे ऐशो चेंई के आँमें तिनू बातो गाशी जू आँमें शुँणीं थई, तिदा हजो भे आप्णाँ मंन लाँव, जू कंद्दी ऐशो ने हऐयों; के आँमें भट्कियों तिनू बातो शे दूर्के ने हंऐ ज़ाँव।