लूका 8:14 - Sirmouri

¹⁴ जुण्जो झाल्ह-झाड़ी मुँझी पड़ो, सेजो बीज़ ऐजो असो: के जुण्जे बचन तअ शुण्णों ऐ, परह् थोड़े देसो बित्त्णों गाशी से धन-दोल्त्त अरह् जीवन के भोग-बिलास दे दब्बी ज़ाँव, अरह् तैसी बचन शुणियों तिनू तिन्दें का किऐ फ़ल़ ने भेट्दा।

सिरमौरी नौवाँ नियम

¹⁴ जू झाड़ी मुंजी छुटै, ऐजै सैजै लोग औसौ, जू शुणौ तौ औसौए, पौरौ औगौड़ियौ चालैयौ आपणै जीवन कै चिन्‍ता, औरौ धन-दोलत औरौ जिन्दगी कै सुख चैन दै फोशे जांव, औरौ सै बिशवाश दै मोजबूत ना हौंव पांव।

लूका 8:14 ပူးပေါင်းရင်းမြစ်များ

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मरकुस 4:19

अरह् संईसारी का फिकर करियों, अरह् धंन दोंल्त का धोखा, अरह् कंई चींजो का लोभ-लाल़्च तिनके मंन दा समाँऐंयों, सेजा बचन दबाऐ दियों, अरह् से निंषफल़ हऐ ज़ाँव।

लूका 16:13

“कुँऐं भे सेंवक दु: माँलिक के सेंवा ने करी संक्दा; किन्देंखे के से ऐकी आरी प्यार, अरह् दुज़े आरी डामा-डोल रंह्ला; ईन्देंखे से ऐकी आरी मीलियों रंह्ला, अरह् दुज़ै आरी शा दुरका रंह्दा; तुँऐं पंण्मिश्वर अरह् धंन दुई के सेवा ने करी सक्दे।”

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

लूका 8:13

अरह् जुण्जो बीज़ पाथरो-शगाल़ी मुँझी पड़ो, सेजो बीज़ ऐजो असो, के जुण्जे बचन शुण्दे ही तैसी बचन माँनी पाँव; परह् तैसी बचन दे से पाक्कै हऐयों जड़ ने पाक्ड़दे, से कुछ बख्तो तोड़ी तअ तैसी बचन दा बिश्वाष करह्, परह् परख के बख्ते से अट्ल़ ने रंह्दे अरह् से ऊँदे ज़ाँव।

लूका 8:15

परह् आच्छ़ी बोंन्दरी जीम्मी दो पड़ो बीज़ सेजो असो, जू बचन शुणियों, आप्णे साच्चे मंन शा सेजा बचन सुवाँ करियों थों, आप्णें सबैर शाँण्त्ति शा तिन्दें का फ़ल़ पाँव।

लूका 8:7

किऐ बीज़ झाड़ी-झाल्ह मुँझी पड़ो, अरह् सेजो बीज़ झाल्ह-झाड़ी आरी जाँमियों झैव दो दबी गो।

यूहन्ना 15:6

ईन्देंखे जे कुँऐ मुँदा ने बंणा अंदा रंह्दा, तअ तेसी तियों च़ूट्टी अंदी डाल़ी के जेष्णाँ फैरकाया ज़ाँव; अरह् तबे से शुक्की ज़ाँव, अरह् लोग तिनू शुक्की अंदी डाल़ी कंट्ठी करियों आगी आँऊड़ो दी पाऐयों जल़ाऐ दियों।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

2 तीमुथियुस 4:10

किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

इब्रानियों 6:1

ईन्देंखे आँमें सीद्धत्ता आप्णाँ निशाणाँ बाणियों, मसीया शी मेल-झ़ोल थंणों वाल़ी पंह्-नींव की शिक्क्षाओं शे ऊबे बीऊँजियों पंबित्रत्ता की ढंबै बंड़ो; अरह् किऐ ओकी पंह्-नींव ने पाँव, ऐबे आँमें मंऊँत्ती की ढ़बै ज़ाँणों वाल़े कर्मो शे आप्णाँ मंन बंद्ल़ियों, पंण्मिश्वर दा बिश्वाष करह्।