लूका 8:13 - Sirmouri

¹³ अरह् जुण्जो बीज़ पाथरो-शगाल़ी मुँझी पड़ो, सेजो बीज़ ऐजो असो, के जुण्जे बचन शुण्दे ही तैसी बचन माँनी पाँव; परह् तैसी बचन दे से पाक्कै हऐयों जड़ ने पाक्ड़दे, से कुछ बख्तो तोड़ी तअ तैसी बचन दा बिश्वाष करह्, परह् परख के बख्ते से अट्ल़ ने रंह्दे अरह् से ऊँदे ज़ाँव।

सिरमौरी नौवाँ नियम

¹³ शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

लूका 8:13 ပူးပေါင်းရင်းမြစ်များ

मरकुस 6:20

राजा हेरोदेस संत्त-यूहन्ना धर्मी पबित्र आदमी जाँणियों डरो थिया, तबे ही तेने तेसी बंचाऐ थुवा थिया; अरह् तेस्का बचन शुण्णाँ तेसी आछा लागो थिया।

लूका 8:12

जैष्णों बाटो पुडो पड़ो, सेजो बीज़ ऐजो असो, के जुण्जे बचन शुणों, तिन कैई शैतान आऐयों तिन के सासो शा सेजा बचन आगु नींयों; के कोदी ऐशो ने हंईयों के से तैसी बचन दा बिश्वाष करह्, अरह् से पापो शे छुट्टी ज़ाँव;

लूका 8:14

जुण्जो झाल्ह-झाड़ी मुँझी पड़ो, सेजो बीज़ ऐजो असो: के जुण्जे बचन तअ शुण्णों ऐ, परह् थोड़े देसो बित्त्णों गाशी से धन-दोल्त्त अरह् जीवन के भोग-बिलास दे दब्बी ज़ाँव, अरह् तैसी बचन शुणियों तिनू तिन्दें का किऐ फ़ल़ ने भेट्दा।

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

यूहन्ना 15:6

ईन्देंखे जे कुँऐ मुँदा ने बंणा अंदा रंह्दा, तअ तेसी तियों च़ूट्टी अंदी डाल़ी के जेष्णाँ फैरकाया ज़ाँव; अरह् तबे से शुक्की ज़ाँव, अरह् लोग तिनू शुक्की अंदी डाल़ी कंट्ठी करियों आगी आँऊड़ो दी पाऐयों जल़ाऐ दियों।

यूहन्ना 5:35

संत्त-यूहन्ना नहाँण-कराँणों वाल़ा, ऐक बोल़्दा अरह् चंम्कोंदा दिवा थिया; जेस्के ऊँजाल़े लंई, तुओं किऐ बख्त्तों तोड़ी आनन्द-खुशी मंनाँणीं आछ़ी लागी।

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

1 कुरिन्थियों 15:2

तियों ही खुषख्बरी के जाँणें तुवाँरे मुँक्त्ति भे हों; अरह् जे तुँऐं तियों ही खुषख्बरी दे अट्ल़ हों, जुण्जी मुँऐ तुँओं कैई शी शुणाऐ थऐ, तअ तुवाँरा बिश्वाष बै-कार ने ज़ाँदी।

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

गलातियौं 3:4

कियों तुँऐं ऐत्रा दु:ख बै-कार ही भूगा? परह् बिल्कुल् बै-कार ने भूगी।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

1 थिस्सलुनीकियों 3:5

ईन्देंखे के जबे मेरे ठहरी ने, तअ तुवाँरे बिश्वाष के बारे दो जाँण्णों की ताँईऐ तीमुथियुस डेयाल़ा, के कद्दी ऐशो ने हईयों के पर्ख्णों वाल़े ऐ तुँवारी परख करी हली, अरह् अमाँरी मेंह्न्त बै-कार हऐ गऐ हली।

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

इब्रानियों 10:39

आँमें तिनू लोगो मुँझ़्शे ने आथी, जुण्जे पाछ़ू फीरियों नाँष हंऐ ज़ाँव; परह् आँमें तिनू लोगों मुँझ़्शे असो, जिनखे आप्णें बिश्वाष के कारण जीवन भेंटो।

याकूब 2:26

अरह्: जैष्णी देह्-शरीर आत्त्मा के बिना मरी अंदे असो, तेष्णा ही बिश्वाष भे कर्मों के बिना मंरा अंदा असो।

2 पतरस 2:20

जुण्जा आदमी अमाँरे प्रभू मतल्व बंचाँणों वाल़े प्रभू यीशू मसीया पछयाँणियों, अरह् संईसारी के खोट् शे बंचियों निक्ल़ी ज़ाव, से हजो तिन्दे ही फशियों संईसारी के शैतान आरी ज़ाव, तअ तिनकी बुरी दशा तेसी आगली दशा शी भे जादा बुरी हों।

2 पतरस 2:22

तिन गाशी तअ ऐजो ही अनाँणों ठीक असो, के “कुत्ता आप्णी ही छाद्दो कैई पाछू हुटो। जैष्णी नुहाँऐ अंदी सूहरी पाछू चीक्ड़-गारे मुँझी पंसर्णों खे पाछू तेथी हुटो।”

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

यहूदा 1:12

ऐजे लोग तुँवारी पियार की खुम्ल़ी दो तुँवारी गईलो खाँदें, पींन्दें रंह्, ऐजे लोग संमुन्द्रो दी छुपी कऐड़ी जेई असो; अरह् बै-झीझ्क बै-धड़क आप्णों पेट-ओजरा भरो; से बिना पाँणी के बाद्ल़ो जिऐ असो, जुण्जे बागूरिऐ ऊड़ाऐ ज़ाँव; ऐ बै-मोस्मी फल़ की जेई डाली जुण्जी दूबंई मंरी गुऐ अरह् जंड़ शै ऊखलियों हुटे।