लूका 7:39 - Sirmouri

³⁹ जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

सिरमौरी नौवाँ नियम

³⁹ ऐजौ दैखैयो सैजा फरीसी जैणै तैसी बोइदै राए थिया, आपणै मनो दो सुंचदा लागा, “जै यीशु पौरमेशवर कै बातौ बौताणौवाल़ा हौंदा तौ जाणै पांदा कै ऐजै जियैं ऐसीखै छुए लौआ, सै कुण औसौ, औरौ ऐजै कैशणी बैटमाणिश औसौ, जिथुकै ऐजै तौ वेश्या बैटमाणिश औसौ।”

लूका 7:39 ပူးပေါင်းရင်းမြစ်များ

मत्ती 20:16

“ऐशे ही दाँई जुण्जे पाछे असो, से आगे हले; अरह् जुण्जे आगे असो से पाछे हले।”

मत्ती 21:11

भीड़ के लोगे तिनखे जबाब दिता; “ऐजा ही तअ सेजा बरंम्बाणीं कर्णो वाला, गलील, के नासरत का यीशू असो।”

मरकुस 7:21

किन्देंखे के भित्रो शी मतल्व आदमी के मंन शे बुरे-बूरे बिचार, चोरी-जारी, चोरी, हंत्त्या, पराई तिरोंई आरी कुकर्म कर्णें।

लूका 12:17

तबे तेने आप्णे सासो दो सुच्चो, के ‘हाँव ऐबे का करू? मुँह कैई आप्णी शाख्ह थंणों खे जागा ने आथी, जेथै हाँव आप्णी शाख्ह-बाल सलाऐयों थंऊँ।’

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 16:3

तबे तेने खजाँन्च़ी ऐ आप्णें मंन दो सुच्चो, ‘हाँव का करू? किन्देंखे के मेरे माँलिके मुँहँ कैई शा ऐजा खजाँन्च़ी का पद्-भार तअ आगु करा; ऐबे हाँव धियाड़ी-मंजदूरी भे करी ने सक्दा, अरह् भीख माँग्दा भे हाँव सरमाँऊँ ऐं; ऐबे हाँव का करू।

लूका 18:4

किऐ बख्तो तोड़ी तअ तेने सियाँणें तियारी बात मानी ने, परह् जबे तिऐं अंन्त्ती करी; तअ तेने आप्णे सासो दो ऐजो सूँचियों बुलो, के ‘हाँव ना तअ पंण्मिश्वर दा डरदा, अरह् ना कोसी आदमी की किऐ परवा करदा;

लूका 3:8

तअ: मंन बद्ल़णों का परमाँन दियों, अरह् ऐसी धोखे दे आपु खे धोखा ने दिऐ: के ‘आँमें तअ अब्राहाम के अलाद असो!’ किन्देंखे के ऐजो जाँणी पाव के पंण्मिश्वर ईनू पाथरो शी भे अब्राहम खे अलाद पय्दा कर्णो की शक्त्ति थंह्।

लूका 7:16

ऐजो दे:खियों बादे लोग डरी गुऐ, अरह् से पंण्मिश्वर के बड़ियाऐ कर्दे लागे, अरह् बुलो “आँमों मुँझी ऐक बड़ा ऋषी पय्दा हऐ रूऐ, अरह् पंण्मिश्वरे आप्णे लोगो गाशी कृपा के नंजर थऐ।”

लूका 7:37

अरह् तेथै ऐक नंगर के पापी-कू-करंम कर्णों वाल़ी तिरंई कैई ऐजा पता लागा, के प्रभू यीशू ऐं तैसी यूहदी भाट-बाँम्ण कागी खाणों खे खाऐ लो, तबे तिऐ संगमरमर की कुँन्ड़ी थो, सेंन्ट आणों।

लूका 7:38

अरह् रूऐयों प्रभू यीशू के लात्तों कैई, पाछू दाँई खह्ल़ी गऐ; अरह् तिऐं आप्णी आँशुओं लई, तिन के लात्त धुऐ, अरह् आप्णें मुँढो के वाल़-कैष लई ऊबाँदी लागी, अरह् तिऐं बार-बार प्रभू के लात्तों दी खुप्टी देंदी रंऐ, अरह् सेजो सेंन्ट लात्तों दो मुँल़्दी रंऐ।

लूका 7:40

ईन्दें गाशी प्रभू यीशू ऐ तैस्खे बुलो, “हे शमौन, मेरे ताँव्खे किऐ बुल्णों ऐ” तेने जबाब दिता, “हे गुरू जी! बुलो।”

यूहन्ना 4:19

तिऐं तिरंई ऐ बुलो, “हे महाँराज! हाँव ऐबे संहम्झ़ीं गंऐ, के तुऐं कुँऐ ऋषी असो।

यूहन्ना 7:12

अरह् लोगो मुँझी काँने-काँन बैजाऐ बातो हंदी लागी थी: के से कुँऐं “आछ़ा आदमी असो।” अरह् कुँऐ बुलो थिऐ, के “ना, से लोग भड़काँणों वाल़ा असो।”

यूहन्ना 9:24

ईन्देंखे यहूदी भाट-बाम्णें ऐ तेसी जुण्जा आगे पेट्-आँदा थिया, तेसी हजो दुज़ाँल़िऐ बंईदा, अरह् तेस्खे बुलो; के “पंण्मिश्वर ईथै हाजीर जाँणियों साच्चो बुले; अरह् आँमें तअ ऐजो जाँणों ऐ, के से कुँऐ पापी आदमी असो।”