लूका 7:21 - Sirmouri

²¹ तैख्णी ही प्रभू यीशू ऐ बैजाऐ भहीतें बीमार-दु:खिया, अरह् दुष्ट-आत्त्मा के च़ूड़ै अंदे लोग, अरह् बैजाऐ बहीते शैड़े लोगों खे नंजर दिती।

सिरमौरी नौवाँ नियम

²¹ तैसी सौमय यीशुए बौहितै कै बीमारियों औरौ पीड़ो औरौ दुष्टआत्मा शै छुड़ाए औरौ बौहितै शै आन्धै की आखी खै ठीक कौरी।

लूका 7:21 ပူးပေါင်းရင်းမြစ်များ

मत्ती 4:23

प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

मरकुस 3:10

प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया।

मरकुस 5:29

प्रभू यीशू का पाला छूदें ही तियाँरा लह्ऊँ ढाल़ा तेख्णी खत्त्म हुवा; अरह् तिऐं चग्री पाव के हाँव हेबी आप्णी बीमारी शी चाँगी हऐ गऐ।

मरकुस 5:34

प्रभू यीशू ऐ तियों तिरंई खे अज्ञाँ दिती, “बेटी तेरे बिश्वाष ऐ ताँव चाँगी करी थऐ, शाँण्त्ति शी ज़ा, अरह् आछी रंह्।”

लूका 7:20

तिनू दूई संत्त-यूहन्ना के चैले ऐ आऐयों, प्रभू यीशू खे बुलो, के “संत्त-यूहन्ना नहाँण-कराणों वाल़े, ऐ आँमों ईन्देंखे डियाल़ी थुऐं, के तुँओं कैई शो ऐजो पुछो, के आँणों वाल़े तुँऐं ही असो, के आँमें कोसी ओकी की ठह्ल़णाई करह्?”

इब्रानियों 12:6

किन्देंखे के प्रभू जेसी आरी प्यार करह्, तेस्खे से डाँट-फ़ट्कार भे दियों; किन्देंखे के से तेस्खे आप्णीं अलाद जाँणियों तेस्दी छ़ीटै भे लाँव।”