लूका 7:19 - Sirmouri

¹⁹ तबे संत्त-यूहन्ना ऐ आप्णे चैले मुँझ्षे दो चैले आपु कैई बऐदियों तिनू प्रभू यीशू कैई ऐजो पुछ़णों खे डियाल़े; के “आँणों वाल़े तुँऐं ही असो, के आँमें कोसी ओकी की ठह्ल़णाँऐ करह्?”

सिरमौरी नौवाँ नियम

¹⁹ तोबै यूहन्ना बपतिस्मा दाताए आपणै चैलै मुंजीदै दु कै बौएदैयौ प्रभु कै धोरे ऐजौ पूछणो कारिए भैजै, “का तू ही सैजा मसीह औसौ, जैसी छाड़णौ का वादा पौरमेशवरे कौरे राए थिया या आमै कोसी ओकी कै ठोल़नाए कौरु?”

लूका 7:19 ပူးပေါင်းရင်းမြစ်များ

मरकुस 6:7

प्रभू यीशू ऐ आप्णे बारह् चैले आपु कैई बईदे अरह् तिनू दो-दो झुणे कठे डियाल़े, अरह् तिनखे हंक-अधिकार दिता के, दुष्ट-आत्त्माओं गाड़णों की अज्ञाँ शक्त्ति दिती।

लूका 10:1

ईनू सब बातो पाछ़ी प्रभू यीशू ऐ ओके संत्तर चैले च़ूणें-छ़ाँटे, अरह् जैसी-जैसी नंगर, अरह् गाँव दे से आपु ज़ाँणों चहाँव थिऐ, तेथै-तेथै तिनू दो-दो झुणें आप्णें ज़ाँणों शे आगे डियाल़े।

लूका 11:1

ऐकी बई प्रभू यीशू ऐ कैथी प्रार्थना करी लई थी। जबे प्रार्थना करी पाऐ, तअ तिन के ऐकी चैले ऐ बुलो, “हे प्रभू! आँमों कैई शी भे प्रार्थना कर्णी शिखाव, जैष्णी संत्त-यूहन्ना ऐ आप्णे चैले कैई शी प्रार्थना कर्णी शिखाऐ थऐ।”

लूका 11:39

प्रभू यीशू ऐ तैस्खे बुलो, “ओ यहूदी भाट-बाँम्ण, तुँऐं बैलुवा, अरह् मुगाल़ी बायरे-बायरे शी ही माँजो; परह् तुवाँरे मंन भीत्रो ईनाँरो अरह् कऊँट्ल़ ही भरो अंदो असो।”

लूका 12:42

प्रभू यीशू ऐ बुलो, के “सेजा बिश्वाष ज़ूगा, अरह् ईमाँनदार ठगड़ा भडारी कुँण असो; जैसी तेस्का माँलिक आप्णें ओकी दास-दासियों गाशला मुँख्या बाँणाओं; जू से तिनू सोभी बख्त्तों गाशी जै-तड़ो भोजन देंणो पड़ो तै-तोड़ा ही भोजन दियों।

लूका 13:15

ऐजो शुणियों प्रभू यीशू ऐ तैस्खे जबाब दिता, “ओ, पार्ख्ंडियों, का बिषाँव के देसे तुँओं मुँझी कुँऐं आप्णे गाद्दै, के बोल़्दो कैई नियाँरा पाँदे ने, के तैसी थाच़ी शा खुलियों पाँणी प्‍याँदे नींदे ने?

लूका 17:5

तबे खास-चैले ऐं प्रभू यीशू खे बुलो, के “अमाँरा बिश्वाष बढ़ाओं।”

लूका 17:6

प्रभू यीशू ऐ तिन खे जबाब दिता, “जे तुवाँरा बिश्वाष राई के दाँणे जै-तोड़ा भे हंदा; तअ जे तुँऐं बाँनों, बूरासो, अरह् सिसोऐं, के डाल़ों खे बुल्दे के जड़ी शे ऊख्लियों संमुन्द्रो दे लागो, तअ से तुँवारी शुँणेंदें अरह् माँन्दे।

लूका 18:6

प्रभू यीशू ऐ बुलो, “शुँणों, तैने अपराधि सियाँणें ऐं का बुलो?

लूका 19:8

जक्कंई सभी आदमी के सहाँम्णें खड़ा हुवा, अरह् तेने प्रभू यीशू खे बुलो; “हे प्रभू! दे:खो, हाँव आप्णी आधी घरोऊँच़ी गरीबो खे देऐ देऊँबा, अरह् जे मुँऐं कोसी कैई शो अ-नियाई करियों किऐ लऐ थुओ; तअ सेजो भे हाँव चार गुणाँ पाछू देऐ देऊँबा।”

लूका 22:61

तबे प्रभू यीशू ऐ पाछू फीरियो, पतरस दी झ़ैठ पाऐ, अरह् पतरस के सेजी बात चींत्ते आऐं; जुण्जी बात प्रभू यीशू ऐ तैस्खे आगे ही बुली थंऐ थी, के ऐत्त्लो रात्ती ही तू कुक्ड़े के बाँक देंणों शा आगे भाजी ज़ाँईदा के हाँव ने ऐसी जाँण्दा के ऐ कुँण असो।

लूका 24:34

जिन्ऐं ऐजो बुली लुओं थियों, के “प्रभू सोतिखें ऊँबे जींऊँदे हऐ रूऐ; अरह् से शमौन कैई शे देखाई पड़े।”

लूका 7:13

तियों माँ दे:खियों प्रभू यीशू के आप्णी सासो दी बैजाऐ असेरो लागी; अरह् दया करियों तियों माँ खे बुलो, “रूऐ ने”

लूका 7:20

तिनू दूई संत्त-यूहन्ना के चैले ऐ आऐयों, प्रभू यीशू खे बुलो, के “संत्त-यूहन्ना नहाँण-कराणों वाल़े, ऐ आँमों ईन्देंखे डियाल़ी थुऐं, के तुँओं कैई शो ऐजो पुछो, के आँणों वाल़े तुँऐं ही असो, के आँमें कोसी ओकी की ठह्ल़णाई करह्?”

यूहन्ना 11:2

से सेजी ही मरियम थी, जिऐं प्रभू यीशू के लात्तो गाशी सैंन्ट पाँऐयों आप्णें ही मुँढो के बाल़ो लई ऊँबाँदी लागी थी, तियाँरा ही भाऐ लाज़र बीमाँर थिया।

यूहन्ना 4:1

जबे यहूदी भाट्-बाम्णों कैई ऐजा पता लागा, के प्रभू यीशू संत्त-यूहन्ना नहाँण-कराँणों वाल़े शे जादा चैले बणाँव; अरह् तिन कैई शो नहाँण-कराँव,

यूहन्ना 4:25

तिऐं तिरंई ऐ प्रभू यीशू खे बुलो, “हाँव जाँणू ऐ के मसीया जेस्खे ख्रीस्त बुली, से आँणों वाल़े असो; अरह् जबे से आले, तअ आँमों कैई बादी बातो बुली देंदे।”

यूहन्ना 6:23

(तबे तिबिरियास नंगर शी ऊकी नाव तेसी जागे के नंजीक पंह्ऊँचीं गई, जेथै तिन्ऐं प्रभू यीशू के धन्यबाद कर्णो पाछ़ी रोटी खाई थी)

प्रकाशितवाक्य 11:3

हाँव आप्णे दो गुवाह्-शाज़्त्त खे ऐजा हंक-अधिकार देऊँबा, के टाट मेठियों ऐक हजार दो षौ षाठ देसो तोड़ी बरंम्बाँणीं करह्।”