लूका 7:14 - Sirmouri

¹⁴ अरह् नंजीक आऐयों प्रभू यीशू ऐं तियों आर्थी छ़ुई; तबै तियों आर्थी दे काँनों लाँणों वाल़े खड़े हुऐ; अरह् प्रभू यीशू ऐं बुलो, “हे जवाँन! हाँव ताँव खे बुलू, बीऊँज!”

सिरमौरी नौवाँ नियम

¹⁴ तोबै तैणै नेड़िक आयौ लाश कै छोऐं, औरौ टिपणौ वाल़ै रौकै गौवै, तोबै तैणै बौल़ौ, “ओए रै नोजवान, हांव ताखै बुलू, ऊबा बिज़!”

लूका 7:14 ပူးပေါင်းရင်းမြစ်များ

मरकुस 5:41

अरह् प्रभू यीशू ऐ तियों धियाँन्टी का हाथ थाँम्ब्ड़ा अरह् बुलो, “तलीता कूंमीं”! जिन्दे का मतल्व असो, “ओ धियाँण्टी मुँऐ ताँव खे बुली लो, के ऊबी बिऊँज”।

लूका 7:13

तियों माँ दे:खियों प्रभू यीशू के आप्णी सासो दी बैजाऐ असेरो लागी; अरह् दया करियों तियों माँ खे बुलो, “रूऐ ने”

लूका 7:15

सेजा मंरा अंदा तैख्णी ऊबा बींऊँजियों बईठा, अरह् बुल्दा लागा। प्रभू यीशू ऐं तैसी तैस्की माँ कैई दिता।

लूका 7:17

प्रभू यीशू के बारे दे ऐजी बात बादे यहूदिया अरह् ईर्द-गिर्द के बादे प्रदेशो दे फऐली गऐ।

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

रोमियों 4:17

जेष्णों पबित्र-ग्रन्थों दो लिखी थो, के “पंणमिश्वर बुलो, के मुँऐं ताँव भहिती गऐर यहूदी का बाबा बंणाऐ थुवा,” तेसी पंणमिश्वर के नंजरी दा अब्राहम अमाँरे बाबा असो, अब्राहमें तेसी पंणमिश्वर गाशी बिश्वाष करा, जुण्जा मरे अंदे ऊबे जीयाल़ो; अरह् जुण्जी बातो आथी ने, तिनका नाँव से तेष्णों लों, के ऐजी बातो असो ऐ।

इफिसियों 5:12

किन्देंखे के तिनके चुप्पी के काँम-काज़ की चर्चा भे बैशर्मी की बात असो।