लूका 6:45 - Sirmouri

⁴⁵ भला आदमी आप्णे सासो के आच्छै भंडार शी आच्छ़ी बातो नीकाल़ो; परह् जुण्जा बुरा असो, से भे आप्णें मंन की बुरे भंडार शी बुरी बातो नीकाल़ो; किन्देंखे के जुण्जो आप्णें मंन के भंडार दो भरो हों सैजो ही तअ आप्णी मुँह-ज़ात्ती शो बाँईडो आँव।

सिरमौरी नौवाँ नियम

⁴⁵ आछा आदमी आपणै मनो कै आछै भण्डार शै आछी बातौ घाड़ो, औरौ बुरा आदमी आपणै मनो कै बुरै भण्डार शै बुरी ही बातौ घाड़ो; जिथुकै जू तैसकै मन दो भोरयोंदो औसौ सैजौई तैसकै मुँओं पौरैशौ बायरै आंव।”

लूका 6:45 ပူးပေါင်းရင်းမြစ်များ

यूहन्ना 7:38

अरह् जुण्जा कुँऐं मुँह गाशी बिश्वाष करह्, से आप्णी च़ींष बुझाँव; जेष्णों के पबित्र-ग्रन्थों दो लिखी थो: के ‘तेस्के सासो शी जीवन के जल की नंदियाँ बंह्दी’।”

प्रेरितो कै काम 5:3

ईन्दें गाशी संत्त-पतरस ऐ बुलो, के “ओ हनन्याह! कियो शैतान ऐ तेरे मंन गाशी ऐत्रा हंक-अधिकार करा, के तुऐ पबित्र-आत्त्मा शो झुठो बुलो; अरह् जुण्जे जीम्मीं तुऐं बीकी तिन्दें के दाँम किम्मत्त मुँझ़्शो तुऐ किऐ धन चुप्पी आपु कैई थुओ?

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 5:19

अरह् आपु मुझी भजन, अरह् स्तुति गाँन, अरह् आत्त्मिक गीत गाऐया करह्, अरह् आप्णें-आप्णें मंन दे प्रभू के साम्णें गाँदे अरह् बजाँदे रंह्।

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

कुलुस्सियों 4:6

तुँवारी बात-चीत्त सदा मिट्ठी मंन भाऊँ हों, जू तुँऐं ऐजो जाँणी पाँव के कोसी आदमी खे केष्णा जबाब देणा पड़ो।

इब्रानियों 8:10

तबे हजो प्रभू बुलो: के तबे जुण्जा वाचा हाँव तिनू देसो पाछ़ी इस्राएल के घराने आरी करूबा, से ऐजा असो; के हाँव आप्णी अज्ञाँ-निय्म तिनके मंन दे पाँऊबा, अरह् तिनू तिनके दिल दे लिखी देऊँबा; अरह् हाँव तिनका पंण्मिश्वर बंणूबा, अरह् से मेरे लोग बंण्दे।

यहूदा 1:15

के सोभी लोगो का नियाँव करह्, अरह् सोभी नाँस्तिकों खे दुष्टों के बादे कामों के बारे दा जुण्जे तिन्ऐं पाप की बुराई शे कुठूर्ता की बातो पापी बंणिंयों तिनके बारे दी करी थी, तिनू दुषी कसूरबार बंणाँऐं।”