लूका 6:42 - Sirmouri

⁴² जबे तुवाँरे आप्णी आ:खी का लेक्ड़ा ने दे:खिदा, तअ तबे तू आप्णें भाई खे कैशो बुली सकै के हे ‘भाऐ! ऊडा आ हाँव तेरी आ:खी को साँट ऊडो गाड़ू?’ ओ कऊट्ल़ी! आगे तू आप्णी आ:खी का लेक्ड़ा तअ ऊडा गाड़। तबे ही तू आप्णें भाई की आ:खी को साँट सुओं करियों गाड़ी सकै।

सिरमौरी नौवाँ नियम

⁴² जोबै तैरी आपणी गौलती बैजाए औसौ तौ तू आपणै भाई खै कैशैखै बौल़ै सौकै कै, ‘ओए रै भाई रौकै जा हांव तैरी नानड़ी शी गौलती कै ठीक कौरु।’ ओए रै कपटी मन कै लोगौ, आगै आपणै खुद कै बौड़ी गौलती खै सुधारै पाव, तोबै तू ठीक ढंग शै आपणै भाई कि गौलती कै ठीक कौरे सौकै।”

लूका 6:42 ပူးပေါင်းရင်းမြစ်များ

मत्ती 26:75

तबे संत्त-पतरस के प्रभू यीशू की सेजी बात चींत्ते आऐ: के ऐतलो ही रात्ती तू “कुकड़े के बाँक देणों शा आगे तू च़ींई बई भाजी ज़ाँईदा के हाँव ने ऐसी जाँण्दा।” अरह् बाईडे ज़ाऐयों संत्त-पतरस फाटी-फाटियों रूदा लागा।

मत्ती 7:3

“तू कैई आप्णें भाई की आँ:खी को साट-तेण्का दे:खे, अरह् आप्णी आँ:खी का लेकड़ा तेरे दे:खिंदा ने?

मत्ती 7:4

जबे तेरी ही आँ:खी दा लेकड़ा असो, तअ तू आप्णें भाई खे कैई बुले, के ‘आ, हाँव तेरी आँ:खी का तेण्का-साट ऊडा गाड़ू?’

लूका 13:15

ऐजो शुणियों प्रभू यीशू ऐ तैस्खे जबाब दिता, “ओ, पार्ख्ंडियों, का बिषाँव के देसे तुँओं मुँझी कुँऐं आप्णे गाद्दै, के बोल़्दो कैई नियाँरा पाँदे ने, के तैसी थाच़ी शा खुलियों पाँणी प्‍याँदे नींदे ने?

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

लूका 6:41

तू आप्णे भाई की आँ:खी दो साँट कैई दे:खे, जबे तेरे आप्णी आँ:खी का लेक्ड़ा भे दे:खिदा ने?

लूका 6:43

“आच्छ़ी डाल़ी अरह् आच्छ़ी बैलो दा बूरा फल़ ने लागदा; अरह् तैष्णा ही बुरी डाल़ी अरह् बुरी बैलो दा आछा फल़ लागदा।

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

प्रेरितो कै काम 2:38

संत्त-पतरस ऐ तिनखे ऐजा जबाब दिता, के “आप्णा मंन बद्ल़ो अरह् तुँओं मुँझ्षे ऐक नाँम आप्णे-आप्णे पापो खे पंस्तावाँ करियों माँफी माँगो; अरह् यीशू मसीया के नाँव शो नहाँण-नहाँव; तबे ऐशा दाँई तुओं पबित्र-आत्त्मा का दाँण-बरंदाँण भेंट्ला।

प्रेरितो कै काम 8:21

ईयों बातो दा ना तअ तेरा किऐ हिस्सा-भाग आथी, अरह् ना तेरा किऐ हंक-अधिकार आथी; किन्देंखे के तेरा मंन पंण्मिश्वर खे साच्चा-नीछल़ा कप्ट के बीना ने आथी।

रोमियों 2:1

तअ: ओ दोष-ईल़जाम लाँणों वाल़े, तू भाँव कुँऐं भे असो, ताँव कैई जबाब ने आथी; किन्देंखे के जियों बातो दा तू ओकी गाशी दोष-ईल़जाम लाँऐ, तियों ही बातो का ताँदा भे दोष-ईल़जाम लागदा, ईन्देंखे के तू जू ओकी दा दोष-ईल़जाम लाँऐं, तू आपू भे सेजी ही टह्ल करे।

2 कुरिन्थियों 5:18

ऐजी बादी बातो पंण्मिश्वर की ढबे शी असो, जिन्ऐं मसीया के जाँणें आपु आरी अमाँरा मेल-मिलाप की सेवा आँमों खे देऐ थऐ।

2 तीमुथियुस 2:21

ईन्देंखे जुण्जा कुँऐ आदमी आपु आप्खे ईनू गंन्दिगी शा साफ करी दीयों; तअ से आदर-ईज्जत्त को बाँसोंण, अरह् शुँच़ा-शाँख्ल़ा बंणों; अरह् से आप्णें माँलिक के काँम आँदा, अरह् बादे भले काँम-धाँन्धे कर्णो खे तैयार रंह्दा।

2 पतरस 1:9

किन्देंखे के जेस्दी ऐजी बातो ने आथी, से शेड़ा असो, अरह् तैस्के दुर्के तोड़ी ने दे:खीन्दो, अरह् आप्णे पाछ्ले पापों शा धोऐयों से शुद्ध होंणों बिसरी रूवा।