लूका 6:23 - Sirmouri

²³ “तेसी देसे खुशी हऐयों ऊष्टे, किन्देंखे के स्वर्गो दा तुँओं खे बड़ा ईनाँम भेंट्ला किन्दे खे के तिन के पुराँणियाऐं भे, ऋषी लोगो आरी ऐष्णों ही करिया करह् थिऐ।

सिरमौरी नौवाँ नियम

²³ “तैसी दूसै खुशी हौयौ उछल़ैया, जिथु दैखौ, तुऔं कारिए स्वर्ग दा बौड़ा इनाम राख राए। तिनकै पुराणिया पौरमेशवर कै बातौ बौताणौवाल़ै कै साथी बै तैशैकैई कौरौ थिए।”

लूका 6:23 ပူးပေါင်းရင်းမြစ်များ

मत्ती 5:12

आँन्दित्त-खुशी अरह् मंगन हुऐ, किन्देखे के स्वर्गो दा तुँओं खे बड़ा प्रतिफल़ असो। ईन्देंखे के तिनिऐं तिनू भे जुण्जे पंणमिश्वर की बरंम्बाणीं कर्णो वाल़े थिऐ, तिनू भे तिन्ऐं आगे ऐष्णें ही सताऐ थिऐ।

लूका 1:41

जैई तिऐं इलीशिबा ऐ मरियम के नमंष्कार शुणीं, तेई तियारे पैटो दो नहाँन्ड़िया छाटियो; अरह् इलीशिबा तेख्णी पबित्र-आत्त्मा के शक्त्ति लई भरपूर हऐ गऐ।

लूका 1:44

दे:ख जैई तेरा नमंष्कार मेरे काँने पड़ा, तैई मेरो नहाँन्ड़िया मेरी पेटो दो खुशी शो छाटियो।

लूका 6:35

परह् तुऐं आप्णें बईरी आरी पियार करह्, अरह् तिनका भला करह्; अरह् उधार देऐयों पाछ़ू लअणों के आशा ने करे, तबै ही तुवाँरा ईनाँम बड़ा हला, अरह् तबै ही तुऐं परमप्रधान पंण्मिश्वर के अलाद बण्लें, किन्देंखे के पंण्मिश्वर तिनू गाशी भे जुण्जे धन्यबाद ने कर्दे, अरह् बुरे लोगो गाशी भे दया-कृपा करह्।

प्रेरितो कै काम 14:10

संत्त-पौलुस ऐ जूराल़ो बुलो, “आप्णी बाँगणी के सहारे सीधा खह्ड़ा हों” से ऊष्टियों आप्णी बाँगणीं के सहारे खह्ड़ा हुआ, अरह् ऊडा-पुडा हाँडा।

प्रेरितो कै काम 3:8

से तैख्णीं ऊष्टियों ऊबा खह्ड़ा हुऐ गुवा, अरह् ऊँडा-पुडा हाँड्दा-फिरदा लागा; अरह् ऊष्टोंणीं देंदू ही, खास-चैले आरी पंण्मिश्वर का धन्यबाद करदा देऊँठी दा हुटा।

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

रोमियों 5:3

सिर्फ ऐजो ही ने, परह् आँमें दु:ख कल़ेषो दा भे आँन्द करह्, ऐजो जाँणियों के कल़ेष शा धीरज,

2 कुरिन्थियों 12:10

ईन्देखे हाँव मसीया खे कंमजूरी दा, अरह् निदया दा, अरह् गरीबी दा, अरह् हारकुँण्जी दा, अरह् संकटो-असाँनीं दा खुशी असो; किन्देंखे के जबे हाँव कंंमजोर हंऊँ, तबे ही हाँव बलवाँन बंणू।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।

इब्रानियों 11:26

तेस्की नंजरी दे मसीया की ताँईऐं संह्ई गंई शर्मिन्दगी, मिस्र देश के धंन-खाजाँनें शी भे जादा किमम्त्ति थी; किन्देंखे के तेस्की नंजर जीवन दी आँणों वाल़े ईनाँम गाशी लागी अंदी थी।

इब्रानियों 11:6

अरह् बिश्वाष के बिना पंण्मिश्वर खुष करणा कठींण असो, तअ: जुण्जा कुँऐ पंण्मिश्वर के नंजीक ज़ाँणों चहाँव, तेस्खे बिश्वाष करणाँ जरूरी ही असो; के “पंण्मिश्वर असो ऐ”! अरह् से तिनू लोगों खे प्रत्तिफ़ल़ दियों; जुण्जे तिनके खोंज़ दे लागें अंदे रंह्।

याकूब 1:2

“हे भाऐ बंईणों, जबे तुँऐं ओकी बातो की परख-अजमाँऐषों दे पड़ो तअ ऐजी बादी बातो मंजे की ही बातो जाणों।

1 पतरस 4:13

परह् खुशी मनाँव, के तुँऐं मसीया के दु:खो के भागी बंणें; किन्देंखे के जबे तिनकी बड़ियाऐ पर्गट हली, तअ तुँऐं भे तिन्दे मंगन हऐयों खुशी मनाँले।

प्रकाशितवाक्य 2:17

जिनके काँन हों, से शुँणी पाँव, के पबित्र-आत्त्मा कलीसियाओं खे का बुलो। के जू जींत्ती ज़ाँव, तिन्खे हाँव चुप्पी के मंन्ना मुँझ्शो देऊँबा, अरह् तैस्खे ऐक चीटा पात्त्थर भे देऊँबा; अरह् तेसी पात्त्थर गाशी ऐक नुंवों नाँव लिखो अंदो हलो, तेसी पात्त्थर भेंट्णों वाल़े के सुवाऐ ओका कुँऐं ने जाँण्ला।

प्रकाशितवाक्य 2:26

जुण्जा जींत्ती ज़ाँला, मतल्व आखरी तोड़ी मेरी हिछ़्या पुरी करला, तअ हाँव तैस्खे राज्य गाशी हंक-अधिकार देऊँबा।

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”

प्रकाशितवाक्य 21:7

जुण्जा जींत्ती ज़ाला से ही ईनू चींजों का हंकदार हंदा, हाँव तेस्का पंण्मिश्वर हंदा; अरह् से मेरी अलाद हंदी।

प्रकाशितवाक्य 3:12

जू जींत्ती ज़ाँव तेसी हाँव आप्णें पंण्मिश्वर की देऊँठी दा ऐक खँम्बा बंणाँऊबा, अरह् से कद्दी भे बाऐर ने नींकल़्ला; अरह् हाँव आप्णे पंण्मिश्वर को नाँव अरह् आप्णे पंण्मिश्वर के नंगर, मतल्व नुऐं यरूशलेम को नाँव, जू मेरे पंण्मिश्वर कैई शो स्वर्गो शो ऊँदो आऐ रूवों, अरह् आप्णों नुंवों नाँव तिन्दो लिखूबा।

प्रकाशितवाक्य 3:5

जू जींत्ती ज़ाँव तेस कैई शे ऐष्णें ही चीट्टें खोट्णों बम्बाईले, अरह् हाँव तिनको नाँव जीवन की कताबे शो बिल्कुल ने काट्दी; परह् तिनको नाँव आप्णे परमं-पिता अरह् स्वर्गदूत्तों के सहाँम्णें माँनुबा।