लूका 6:20 - Sirmouri

²⁰ तबे प्रभू यीशू ऐ आप्णें चैले की ढबे दे:खियों बुलो, तुँऐं “भाग्ईंत असो! जू शरीफ आदमी असो, किन्देंखे के पंण्मिश्वर को राज्य तुवाँरो असो।

सिरमौरी नौवाँ नियम

²⁰ तोबै तैणै आपणै चैलो कै ढौबौ दैखैयो बौल़ौ, “धन्‍य औसौ सैजै जिनु पौरमेशवर कै जौरुरत औसौ, जिथुखै पौरमेशवर का राज्य तोंवारा औसौ।”

लूका 6:20 ပူးပေါင်းရင်းမြစ်များ

मत्ती 11:5

शैड़े के दे:खिदों लागो, लगड़े उडे-पुडे हाड्दे लागो, कोढ़ी शुद्ध करे ज़ाँव, जाएरें के शुणिंदो लागो, मुँड़्दे ऊबे जींयाँल़े ज़ाँव, अरह् कंगालो कैई शी खुषख्बरी शुणाँऐं ज़ाँव।

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

मत्ती 5:1

प्रभू यीशू लोगों के बेशुमाँर भीड़ दे:खियों धार्टे गाशी हुटे, अरह् जबे बऐठी गुऐ, तअ तिनके चैले तिन कैई आऐं,

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

लूका 13:28

जबे तुऐं, अब्राहम, इसहाक, याकूब, अरह् सोभी ऋषियों के पंण्मिश्वर के राज्य दो दे:ख्ले, परह् आपु खे फींट्कारा ही पाले, तबे तुऐ रूले, अरह् आप्णें दाँदो की च़ुरी च़ाक्ले।

लूका 14:15

प्रभू यीशू की गईलो भोजन कर्णो वाल़े मुझ्शो ऐकी ऐ ऐजी बातो शुणियों, तिनखे बुलो, “भागोईत्त असो! सेजा जू पंण्मिश्वर के राज्य दा भोजन करला।”

लूका 16:25

परह् बाबा अब्राहम ऐं तैस्खे बुलो, ‘हे बैटा, देई तअ चींत्ते करह् के तुँऐं आप्णी जीवन दी आच्छ़ी च़ीजों लंऐ थंई; परह् ऐसी लाजर दु:ख्ह ही दु:ख भेटी रूवा, परह् ऐबे ऐसी ईथै शाँण्त्ति भेटी रंऐ; अरह् तू तड़फ़ी रूवा।

लूका 4:18

“प्रभू के आत्त्मा मुँह गाशी असो; इंन्देखे के गरीब कंगाल खे खुषख्बरी का बखाँण कर्णो के ताँईऐं प्रभू ऐ मुँह छाँटी थुवा; अरह् मुँह ईन्देंखे डियाल़ी थुवा, के कय्दी खे मुँक्त्ति, अरह् शैड़े खे नंजर देणों का बखाँण करू, अरह् दबाऐं अंदें छुड़ाऊँ।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

2 कुरिन्थियों 6:10

शोक मंनाँणों वाल़े जिऐं असो, परह् सदा आँनन्द करह्; कंगाल जिऐं असो, परह् ओकी भी भहिते धनवाँन बंणाँऐ दियों; तैष्णें असो, जैष्णों आँमों कैई किऐ ने आथी, तबे भे सब-कुछ थह्।

2 कुरिन्थियों 8:2

बैजाऐ दु:ख-क्ल़ेष के परख दी तिनकी बड़े आँनन्द अरह् बैजाऐ कंगाली दी देंण बंडी।

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

1 थिस्सलुनीकियों 1:6

तुँऐं बड़े कल़ेष दे पबित्र-आत्त्मा के मंजे आरी, बचन माँनींयों अमाँरी अरह् प्रभू की जैष्णी चाल चाल्दे लागे।

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

याकूब 1:12

भागोईत असो! सेजा आदमी जू परख दा डटा अंदा रंह्, अरह् से परख दा पास हऐयों सेजो जीवन को मुँकुट-ताज लंह्दा, जिन्दे का बाय्दा प्रभू ऐ आप्णें पियार कर्णो वाल़े आरी करी थुवा।

याकूब 2:5

हे मेरे प्यारे भाऐ बंईणों शुणों। कियों पंणमिश्वरे ईयों संईसारी के गरीब कंगाल छाँटी ने थई, के बिश्वाष दे सैठ-सहऊँकार अरह् तेसी राज्य के हंक-अधिकारी बण्ल़े, जिन्देका बाय्दा पंणमिश्वर तिनू आरी करा जुण्जे लोग तेछ़ौ पियार करह्?

प्रकाशितवाक्य 2:9

हाँव तेरे कल़ेष अरह् दाल़्ज़ि-पंण जाँणू ऐ, (खास करियों तुँऐं धनी-सैठ असो)! अरह् जू लोग आपु-आप्खे यहूदी बुलो, अरह् से यहूदी ने आथी, परह् दुष्ट-शैतान की मंडल़ी असो, तिनकी तुवाँरे बारे दी चुगली भे जाँणू ऐ।