लूका 6:19 - Sirmouri

¹⁹ अरह् बादे लोग प्रभू यीशू छ़ुणों के कोशिष करह् थिऐ, किन्देंखे के तिन शी शक्त्ति निक्ल़ियों बादे लोग चाँग्गै हऐ ज़ाँव थिऐ।

सिरमौरी नौवाँ नियम

¹⁹ औरौ सौबै तैसीखै छूणा चांव थिए, जिथुकै तैसी पौरैशै अनौखी शौकतै निकल़ैयो सौबी खै ठीक कौरौ थी।

लूका 6:19 ပူးပေါင်းရင်းမြစ်များ

मत्ती 14:36

तबे तेथै के लोग प्रभू यीशू खे ढालो-बिनती कर्दे लागे, के तुँऐं ईनू बीमार लोग आप्णें चोगै का पाला ही छूणों दियो; अरह् जै-तोड़े लोगे ऐ प्रभू यीशू छ़ूऐं, ते-तोड़े लोग चाँगे हऐ गुऐ।

मरकुस 3:10

प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया।

मरकुस 5:30

अरह् प्रभू यीशू के तेख्णी जाँणियों के मुँह शी शँक्त्ति-तागत निंकल़ी, अरह् तिन्ऐं पाछू फीरियों लोगो शो पुछो, “मेरे चोगें का पाला कुँणें छूँवा?”

मरकुस 6:56

प्रभू यीशू मसीया जेसी कसी नंगर, गाँव-गाँऊजी दे ज़ाँव थिऐ, तेथी लोग साजी जागे दे आप्णें बीमार लोग सुताल़ियों तिनखे ढाल-अरज करो थिऐ, के ईन के चोंगे के पाला ही छुँणों दियों, किन्देंखे के जुण्जा कुँऐं तिनू छुओं थिया, से तैख्णी चाँगा हऐयों बंची ज़ाँव थिया।

मरकुस 8:22

प्रभू यीशू अरह् चैले बैतसैदा दे आऐ, अरह् लोगे ऐक शैड़ा तिन कैई लियाऐया, अरह् ढाल-अरज करी के ऐसी छुवों।

लूका 5:17

ऐक देस ऐशो हईयों, के प्रभू यीशू ऐ शिक्क्षा देऐ लंऐ थी। अरह् यहूदी भाट-बाँम्ण, अरह् यहूदी-निय्म ले शिखाँणों वाल़े, तिनके ही नंजीक बऐठी रूऐ थिऐ; से गलील अरह् यहूदिया के बादे गाँव शे, अरह् यरूशलेम शे आऐ रूऐ थिऐ; अरह् चंग्गाई कर्णो खे प्रभू-पंण्मिश्वर के शक्त्ति तिन की गईलो थी।

लूका 6:18

सेजै लोग प्रभू यीशू कैई शा बंचन का बखाँण शुण्दें; अरह् आप्णें रोग-बीमारी शे मुक्त्त हंदें आऐ रूऐ थिऐ, अरह् तेथै बीच्की-आत्त्मा के सताऐ अंदें लोग भे आछ़ै करे ज़ाँव थिऐ।

प्रेरितो कै काम 19:12

ऐत्ते ज़ुगे के तेस्के रमाल अरह् साफे भे बीमारो कैई नींह्ऐयों, तिनकी बीमारी खत्त्म हऐ ज़ाव थी, अरह् दुष्ट-आत्त्मा तिनू लोगों शी भागी लागो थी।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।