लूका 6:17 - Sirmouri

¹⁷ प्रभू यीशू तिनू बारंह् खास-चैले की गईलो तियों धारोह् गाच्छ़ै ऊदे ज़ुब्ड़ी दे आऐयों खड़े हुऐ। अरह् तेथै तिन के बैजाऐ चैले थिऐ, अरह् ऐक बैशुमार लोगो के बड़ी भिड़ थी; सेजै बादे लोग यहूदा प्रदेश, यरूशलेम नंगर, अरह् सूर, सेंदा, के संमुन्द्रो के टिराँव्टी शे भहुते लोग आऐ रूऐ थिऐ,

सिरमौरी नौवाँ नियम

¹⁷ तोबै सै तिनकै साथी ओतरेयो चकौर ठाँव दा खौड़ा हौआ, औरौ तैसकै चैलो कै बौड़ै भीड़ औरौ सारै यहूदिया प्रदेश, यरूशलेम शहर औरौ सूर औरौ सैदा शहर कै समुन्द्र कै किनारे शै बैजाए लोग,

लूका 6:17 ပူးပေါင်းရင်းမြစ်များ

मत्ती 11:21

“फींटकारा असो, खुराजीन! नंगर के लोगो गाशी, अरह् फींटकारा असो, बैतसैदा! नंगर गाशी, जेथै ऐत्रे चींन-चंम्त्तकार करे गुऐ; अरह् जे सेजे ही चींन-चंम्त्तकार सूर अरह् सैदा दे करे ज़ाँदे, तअ से टाटो लई मेंठियों अरह् खेऊँड़ों गाशी बऐठियों आप्णा मंन बंद्ल़्दे।

मत्ती 12:15

ऐजो जाँणियों प्रभू यीशू तेथै शे आगू हुटे, अरह् बैजाऐ भहिते लोग तिनू पाछी हुटे, अरह् तिन्ऐ बादे लोग चाँगे-भले करे,

मत्ती 14:14

तिनिऐं नीक्ल़ियों लोगों की ऐक बेशुमाँर बड़ी भीड़ दे:खी अरह् तिनू दे:खियों तिनके तिनू गाशी तरष आया, अरह् तिनके बीमार लोग चाँगे करे।

मत्ती 15:21

तबे प्रभू यीशू तेथै शे नीक्ल़ियों, सूर अरह् सैदा के इलाके के ढबे हुटे।

मत्ती 5:1

प्रभू यीशू लोगों के बेशुमाँर भीड़ दे:खियों धार्टे गाशी हुटे, अरह् जबे बऐठी गुऐ, तअ तिनके चैले तिन कैई आऐं,

लूका 5:15

परह् तिन्दे के चर्चा तबे भे बादे दे फऐल्दे लागी, अरह् लोगो के बैशुमार बडी भीड़ तिन्कै बचन का बखाँण शुण्दे, अरह् आप्णी बीमारी शी चंग्गाई पाँणों की हिछ़्या शे आँदें लागे।

लूका 6:12

तेसी देसे प्रभू यीशू धारंह् गाशी पंण्मिश्वर शी बिनती कर्दें लागे, अरह् तिन्ऐं बादी रात्त तियों धारंह् गाशी काटी।

लूका 6:16

अरह् याकूब का बैटा यहूदा, अरह् “यूहदा इस्करियोती जुण्जा बिश्वाषघात्ती गरदार निकल़ा।”

लूका 6:18

सेजै लोग प्रभू यीशू कैई शा बंचन का बखाँण शुण्दें; अरह् आप्णें रोग-बीमारी शे मुक्त्त हंदें आऐ रूऐ थिऐ, अरह् तेथै बीच्की-आत्त्मा के सताऐ अंदें लोग भे आछ़ै करे ज़ाँव थिऐ।