लूका 6:14 - Sirmouri

¹⁴ तिन के नाँव ऐशे थिऐ, शमौन जैस्को नाँव तिन्ऐं (पतरस) थो, अरह् तैस्का भाऐ अन्द्रियास, अरह् याकूब, अरह् यूहन्ना, अरह् फिलिप्पुस, अरह् बरतुल्मै,

सिरमौरी नौवाँ नियम

¹⁴ औरौ सै ऐजै औसौ: शमौन जैसकौ नांव तैणै पतरस बै राखौ, औरौ तैसका भाई अन्द्रियास, औरौ याकूब औरौ यूहन्ना औरौ फिलिप्‍पुस औरौ बरतुल्मै,

लूका 6:14 ပူးပေါင်းရင်းမြစ်များ

मत्ती 10:2

प्रभू यीशू के तिनू बारंह् खास-चैले के नाँव ऐजे असो: आगला शमौन, जेस्खे संत्त-पतरस बुली थिया, अरह् तेस्का भाऐ अन्द्रियास; जब्दी का बैटा याकूब, अरह् तेस्का भाऐ यूहन्ना;

मत्ती 10:3

फिलिप्पुस, अरह् बरतुल्मै, थोमा, अरह् कंण-चूंगी लोणों वाल़ा मत्ती, हलफई का बैटा याकूब, अरह् तद्दै,

मत्ती 4:18

गलील झील, की टिराँव्टी दे चाल्दे-फिर्दे प्रभू यीशू ऐ, दो भाऐ दे:खे: शमौन जेस्खे पतरस बुली थिया, अरह् तेस्का भाऐ अन्द्रियास जेसी झील दा ज़ाल़ो लई पणंकाँदें दे:खा थिया; किन्देखे के से झियोंर मंछ़वारे थिऐ।

मत्ती 4:21

जबे से तेथै शे आगुड़े हुटे, तअ प्रभू यीशू ऐ ओके दो भाऐ तेथै दे:खे, जब्दी के बैटे, याकूब अरह् तेस्का भाऐ यूहन्ना। तिनू दुई भाई ऐ आप्णे पिता की गईलो नाँव गाशी, आप्णें जाल़ सुवाँरी लुऐ थिऐ, प्रभू ऐ तिनू भे बईदे।

मरकुस 1:19

दाँणिक आगुड़े हुटियों, प्रभू यीशू ऐ जब्दी के बैटे याकूब, अरह् तेस्का भाऐ यूहन्ना दे:खा, से भे नाँव दा थिया, अरह् तिन्ऐं आप्णें जाल़ स्वारी-संनाँल़ी लुऐं थिऐ।

मरकुस 1:29

प्रभू यीशू तेख्णी आप्णे साथी आरी यहूदी लोगो के यहूदी-च़ोंतरे शे निक्ल़े, अरह् याकूब, यूहन्ना की गईलो शमौन अरह् अंन्द्रियास के घर दे आऐ।

मरकुस 14:33

अरह् प्रभू यीशू ऐ पतरस, याकूब, अरह् यूहन्ना, आप्णी गईलो नींऐं, अरह् बैजाऐ बैच्यन अरह् ब्याकूल हुऐ।

मरकुस 3:16

प्रभू यीशू के चूणें-छ़ाँटे अंदे तिनू बारह् चैले के नाँव ऐजे असो: शमौन जेस्को तिन्ऐ पतरस नाँव थो।

मरकुस 5:37

प्रभू यीशू ऐ आप्णी गईलो पतरस, याकूब अरह् याकूब का भाऐ यूहन्ना के सुवाऐ ओकी कसी भी आप्णी गईलो आँणों ने दिती।

मरकुस 9:2

छ: देसो बेत्त्णो गाशी प्रभू यीशू ऐ पतरस, याकूब अरह् यूहन्ना आप्णी गईलो, ऐकलाल़े दे कोसी ऊँची धारंह् गाशी नींऐं। तेथै चैले के साँमणिऐं प्रभू यीशू का रूप बद्ल़ी गुआ।

लूका 5:10

अरह् तैष्णेंं ही जब्द्दी के बैटे याकूब अरह् यूहन्ना के भे जू शमौन के साथी थिऐ, तिनके भे तुर्बाणच़ूटे, अरह् तबे प्रभू यीशू ऐ शमौन खे बुलो, डरे ने; “मुँह पाछी आओं, तअ हाँव तुँओं आप्णे चैले बंणाँणों वाल़े बाँणूबा।”

लूका 5:8

ऐजो दे:खियों शमौन-पतरस प्रभू यीशू के लातो गाशी पड़ा अरह् बुलो, “हे प्रभू मुँह कैई शे आगू ज़ाव किन्देंखे के हाँव पापी आदमी असो।”

लूका 6:13

तबे झ़िषों तिन्ऐं आप्णे चैले बईदे अरह् तिनू मुझ्शे किऐ बारंह् चैले छाँटे अरह् तिनखे प्रभू यीशू के खास-चैले बुले गुऐ,

लूका 6:15

मत्ती, थोमा, हलफई का बैटा याकूब, अरह् शमौन जैस्खे जेलोतेस बुली थिया।

यूहन्ना 1:45

तबे फिलिप्पुस, कैई शा नतनेएल भेटिया, अरह् तेने तेस्खे बुलो, “जैस्के बारे दो ऋषी-मूसा ऐं अज्ञाँ-निय्म दो, अरह् बरंम्बाँणीं कर्णों वाल़े ऋषी ऐं बुलो थियों; सेजै आँमों भेंटी गुऐ, अरह् सेजा यूसुफ का बैटा यीशू जुण्जें नाँसरंत गाँव के रंहणों वाल़े असो।”

यूहन्ना 14:8

फिलिप्पुस ऐ प्रभू यीशू खे बुलो, “हे प्रभू! आँमों कैई शे जे तुऐ सिर्फ बाबा के दर्षण ही कराव, तअ आँमों खे ऐजी भे बैजाऐ बड़ी बात असो।”

यूहन्ना 6:5

तबे प्रभू यीशू ऐं आप्णी आखिऐ लोगों के ऐक बड़ी बै-शुमाँर भीड़ आपु कैई आँदे देखी, अरह् तिन्ऐं फिलिप्पुस खे बुलो, “आँमें ईनू सोभी लोगो के खाँणों खे रोटी मोले केथै शी आँणों?”

यूहन्ना 6:8

प्रभू यीशू के चैले मुँझ्शो शमौन पतरस के भाऐ अन्द्रियास खे बुलो,

प्रेरितो कै काम 1:13

नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ।

प्रेरितो कै काम 12:2

तेने संत्त-यूहन्ना का भाऐ याकूब तरवारी लई काटियों माँरी दिता।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।