लूका 6:13 - Sirmouri

¹³ तबे झ़िषों तिन्ऐं आप्णे चैले बईदे अरह् तिनू मुझ्शे किऐ बारंह् चैले छाँटे अरह् तिनखे प्रभू यीशू के खास-चैले बुले गुऐ,

सिरमौरी नौवाँ नियम

¹³ जोबै दूस हौ, तोबै तैणै आपणै चैलै कै बौएदैयौ तिनुमुंजी दै बारौ चैलै चोणे दिए, औरौ तिनुकै चोणेयौंदे चैलै बौल़ै।

लूका 6:13 ပူးပေါင်းရင်းမြစ်များ

मत्ती 10:2

प्रभू यीशू के तिनू बारंह् खास-चैले के नाँव ऐजे असो: आगला शमौन, जेस्खे संत्त-पतरस बुली थिया, अरह् तेस्का भाऐ अन्द्रियास; जब्दी का बैटा याकूब, अरह् तेस्का भाऐ यूहन्ना;

मत्ती 19:28

प्रभू यीशू ऐ तेस्खे बुलो, हाँव तुँओं खे खास बात बुलू, के नंई संईसारी दा जबे आदमी का बैटा आप्णी बड़ियाऐं की सिंगास्हणों गाशी बईठला, तअ तुँऐं भे जुण्जे मुँह पाछी चाली रूऐ, से बारंह् सिंगास्हणों गाशी बऐठियों इस्राएल के बारंह् गोत्रह् का नियाँव कर्ले।

मत्ती 9:36

जबे प्रभू यीशू ऐ लोगो की भीड़ दे:खी, तअ तिनके लोगो गाशी तरष आया, किन्देखे के सेजे लोग तिनू भैड़ो के जिऐ थिऐ जिनका कुँऐं भैड़वाल़ा ने हों।

मरकुस 6:30

चैले पाछू आऐ, अरह् तिनू सभिऐं साथी जू किऐ तिन्ऐ करो, अरह् जू किऐ तिन्ऐं शिक्क्षा दिती तिन्दे का बादा बखाँण प्रभू यीशू मसीया कैई शा शुणाँया।

मरकुस 6:7

प्रभू यीशू ऐ आप्णे बारह् चैले आपु कैई बईदे अरह् तिनू दो-दो झुणे कठे डियाल़े, अरह् तिनखे हंक-अधिकार दिता के, दुष्ट-आत्त्माओं गाड़णों की अज्ञाँ शक्त्ति दिती।

लूका 11:49

ईन्देंखे पंण्मिश्वर की ज्ञाँन-बुद्धी ऐ ऐजो बुलो; हाँव तिन कैई ऋषियो, अरह् खास-चैले डियाल़ूबा; अरह् से तिन मुझ्के कंई लोगो के हंत्त्या कर्ले, अरह् कंई गाशी आप्णा अंत्त्याचार करियों सताले।

लूका 22:30

के तुँऐं भे मेरी राज दो मेरी गईलो तैसी ही मैजो गाशी खाले-पीले; अरह् सिगाँस्णों गाशी बऐठियों इस्राएल के बाहरंह् गोत्र का नियाँव कर्ले।

लूका 6:14

तिन के नाँव ऐशे थिऐ, शमौन जैस्को नाँव तिन्ऐं (पतरस) थो, अरह् तैस्का भाऐ अन्द्रियास, अरह् याकूब, अरह् यूहन्ना, अरह् फिलिप्पुस, अरह् बरतुल्मै,

यूहन्ना 4:33

तबे चैले ऐ आपु मुँझी बुलो, “कियों कुँणिऐं किऐ ईनखे खाँणों खे लियाऐ थो?”

प्रेरितो कै काम 1:13

नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ।

इफिसियों 2:20

तुँओं लोग घरह् के जिऐ लोग असो, प्रभू यीशू के खास-चैले अरह् ऋषियों की शुरूवात की पह्-नींव गाशी खह्ड़े असो, अरह् जिनके कुँणें का पाथर आपु यीशू मसीया असो।

इफिसियों 4:11

तिन्ऐं कईयों तअ प्रभू यीशू के खास-चैले च़ूणें-छ़ाँटे; अरह् कंऐ लोग ऋषी बंणाँऐ, अरह् किऐ खुषख्बरी शुँणाँणों वाल़े बंणाऐं; अरह् कोसी लोग कलीसिया के रंखवाल़े बाँणें, अरह् कोसी खे शिक्क्षा देणों का बरंदाँण दिता।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

2 पतरस 3:2

जू तुँऐं पबित्र ऋषियों के जाँणें आगे ही बुली गई, अरह् तबे प्रभू यीशू के खास-चैले के जाँणें आँमों खे छूट्कारा देणों वाल़े के जाँणें दिती गई अज्ञाँ-निय्म तुवों कैई शे हजो चींत्तै कराऐ ज़ाँव।

प्रकाशितवाक्य 12:1

तबे स्वर्गो दा ऐक बड़ा चंम्त्तकार नंजारा देखाई पड़ा: ऐक तिरंऐ, सुरूजो लई मेंह्ठी रंऐ थी, अरह् तियाँरे लातो थाँई चाँद थिया, अरह् तियाँरे मुँढों गाशी बारह् तारे को मुँकुट-ताज थियों।

प्रकाशितवाक्य 18:20

आँन्दित्त हों: ‘हे स्वर्गो! आँन्दित्त हों, हे पबित्र लोगो! खास-चैले अरह् ऋषियों! किन्देंखे के पंण्मिश्वर ऐ तिन्खे तुँवाँरी गईलो, करे गुऐं बुरे बरताव कर्णो खे सजा देऐ थंऐ।’”

प्रकाशितवाक्य 21:14

अरह् तेसी नंगर की जाँग्गी बारही पात्त्थरो, की पौ-नींव गाशी खड़ी थी, अरह् तिन्दें गाशी तेसी छ़ैल़्टे के बाहरी खास-चैले के नाँव भे लिखे अंदे थिऐ।