लूका 5:30 - Sirmouri

³⁰ ईन्दें गाशी यहूदी भाट-बाँम्ण अरह् यहूदी-निय्म के शिखाँणों वाल़े लोग, प्रभू यीशू के चैले कैई तुड़-खुड़ाँदे लागे, के “तुँऐं लोग चूंगी लअणों वाल़े; अरह् पापियों की गईलो खाँदे-पींदे कैई धूईयों?”

सिरमौरी नौवाँ नियम

³⁰ इथपांदी फरीसी लोग औरौ तिनकै यहूदी शास्त्री लोग तैसकै चैलै कै कुड़कुड़ायो बौल़ौ, “तू मामला लोणो वाल़ै औरौ पापियों कै साथै किथुखै खाएं पियैं?”

लूका 5:30 ပူးပေါင်းရင်းမြစ်များ

मत्ती 5:46

किन्देखे के जे तुँऐं आपु शो पियार कर्णो वाल़े आरी पियार करह्, तअ तुँओं खे का प्रतिफल़ भेंट्दा? कियों चूगीं-कंण लणों वाल़े भे ऐष्णों ही कर्दे ने?

मत्ती 9:11

ऐजो दे:खियों, यहूदी भाट-बाँम्णें तिनके चैले खे बुलो, “तुवाँरा गुरू चूंगी-कंण लोणों वाल़े अरह् पापी लोगो आरी खाँणों खे कैई खाँव?”

मरकुस 2:16

प्रभू यीशू मसीया पापी लोगों की गईलो भोजन कर्दे दे:खियों यहूदी रिंत्ति-रूवाज बाँण्णों वाल़े, अरह् यहूदी-निय्म के शिक्क्षा देणों वाल़े, जू के यहूदी भाट-बाँम्ण थिऐ, तिन्ऐं प्रभू के चैले शे सुवाल करे, “तुवाँरा गुरू जी, चूंगी लणों वाल़े, अरह् पापी लोगो आरी कैई खाँव-पीयों?”

मरकुस 7:3

यहूदी भाट-बाँम्ण अरह् बादे यहूदी लोग हाथ आछे करियों धुऐ बिना, भोजन ने करो थिऐ, ऐष्णों कर्दे से आप्णें बुड़े पुराँणियाऐं शुभी चाले अंदे रीत्ति-रूवाज का पाल़्ण करो थिऐ।

मरकुस 9:16

प्रभू यीशू मसीया ऐ तिन कैई शो पुछो, “तुँऐं ईनकी गईलो, का भंऐस करी लऐ थी?”

लूका 18:11

यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

लूका 19:7

ऐजो दे:खियों, बादे लोग आपु मुँझी तुड़-खुड़ाऐयों बुल्दे लागे; के “ऐजा आदमी तअ पापी आदमी का पाँऊणा ज़ाँदा लागा।”

लूका 5:17

ऐक देस ऐशो हईयों, के प्रभू यीशू ऐ शिक्क्षा देऐ लंऐ थी। अरह् यहूदी भाट-बाँम्ण, अरह् यहूदी-निय्म ले शिखाँणों वाल़े, तिनके ही नंजीक बऐठी रूऐ थिऐ; से गलील अरह् यहूदिया के बादे गाँव शे, अरह् यरूशलेम शे आऐ रूऐ थिऐ; अरह् चंग्गाई कर्णो खे प्रभू-पंण्मिश्वर के शक्त्ति तिन की गईलो थी।

लूका 5:21

तबे यहूदी-निय्म शिखाँणों वाल़े, अरह् यहूदी भाट-बाँम्ण आपु मुँझी ऐजा बाद-बिबाद कर्दे लागे, के “ऐजा कुँण असो? जू आपु-आप्खे पंण्मिश्वर आरी सनाँईयों? किन्देंखे के पंण्मिश्वर के सुवाँऐं ओका कुँण असो? जू कोसी ओकी के पाप माफ करी सको।”

लूका 7:34

आदमी का बैटा खाँव-पीयो ऐ, अरह् तुँऐं तैस्खे ऊजराऐ पैटू अरह् पीयक्ड़ बुलो, ‘अरह् च़ूँग्गी लअणों वाल़े अरह् पापियों का साथी असो।’

लूका 7:39

जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

प्रेरितो कै काम 23:9

तबे तअ तेथै हारकुँजी हऐ, अरह् यहूदी द्ल़ के किऐ भाट-बाँम्ण ऊँबे बीऊँजियों झ़ह्गड़िन्दें लागे, अरह् ऐजो बुल्दे लागे; “आँमें ऐसी आदमी का किऐ दोष-कसूर ने जाँण्दें। अरह् ऐजो हंऐ सको, के आत्त्मा ऐ, के कोसी स्वर्गदूत्त ऐ ऐस्खे किऐ बुली थो, तअ तबे का असो?”