लूका 5:22 - Sirmouri

²² प्रभू यीशू ऐ तिनके मंन के बात जाँणियों तिन्खे बुलो, “तुँऐं आप्णे सासो दो का सोच्ची लो?

सिरमौरी नौवाँ नियम

²² यीशुए तिनकै मनो की बातौ जाणैयौ तिनु बौल़ौ, “तुऐं आपणै-आपणै मनो दै बुरै विचार किथुखै कौरे लोऐ?

लूका 5:22 ပူးပေါင်းရင်းမြစ်များ

मत्ती 12:15

ऐजो जाँणियों प्रभू यीशू तेथै शे आगू हुटे, अरह् बैजाऐ भहिते लोग तिनू पाछी हुटे, अरह् तिन्ऐ बादे लोग चाँगे-भले करे,

मत्ती 12:25

प्रभू यीशू ऐ तिनके मंन की बात जाँणियों तिनखे बुलो, जेसी-कसी राज्य दी, फूट हों, तेसी राज्य को ऊज़्डियों-छ़तिया नाँष हों; अरह् जे कोसी नंगर के घराने दी फूट पड़ो, तअ सेजा घर बंणाँ अंदा ने रंह्दा।

मत्ती 9:4

प्रभू यीशू ऐ तिनके मंन की बात जाँणियों बुलो, “तुँऐं लोगे आप्णे मंन दा बुरा बिचार कैई करी लुवा?

मरकुस 8:17

प्रभू यीशू ऐ ऐजो जाँणी पाओ, अरह् तिनखे बुलो, तुँओं कैई “रोटी ने आथी ईन्दें के बारे दी तुँऐ कैई भंऐस करी लऐ? कियों तुवाँरे ऐबे भे सम्झ आऐ ने रंई? कियों तुवाँरा दिल कुठूर हऐ रूआ।

लूका 24:38

प्रभू यीशू ऐ तिनखे बुलो, “तुऐं कैई डरी रूऐ? तुवाँरे मंन दा शंक कैई हंऐ रूवा?

लूका 5:21

तबे यहूदी-निय्म शिखाँणों वाल़े, अरह् यहूदी भाट-बाँम्ण आपु मुँझी ऐजा बाद-बिबाद कर्दे लागे, के “ऐजा कुँण असो? जू आपु-आप्खे पंण्मिश्वर आरी सनाँईयों? किन्देंखे के पंण्मिश्वर के सुवाँऐं ओका कुँण असो? जू कोसी ओकी के पाप माफ करी सको।”

लूका 5:23

कियो ऐजो बुल्णों सुखो असो? के तेरे पाप माँफ हुऐ, ‘बीऊँज अरह् आगू हाँड्दा लाग?’

प्रेरितो कै काम 5:3

ईन्दें गाशी संत्त-पतरस ऐ बुलो, के “ओ हनन्याह! कियो शैतान ऐ तेरे मंन गाशी ऐत्रा हंक-अधिकार करा, के तुऐ पबित्र-आत्त्मा शो झुठो बुलो; अरह् जुण्जे जीम्मीं तुऐं बीकी तिन्दें के दाँम किम्मत्त मुँझ़्शो तुऐ किऐ धन चुप्पी आपु कैई थुओ?

इब्रानियों 4:12

किन्देंखे के पंण्मिश्वर का बचन जीऊँदा, शक्त्ति-शाली, अरह् ऐक नाँम दू-धारी तरवारी शा भे बैगे पंईना असो; अरह् से पराँण, आत्त्मा, अरह् अमाँरे भेत्रें के बादे अंग छीन-भीन करियों आर-पार करह्; अरह् अमाँरे मंन की भाँवना अरह् मंन के बिचारो की परख करह्।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।