लूका 5:17 - Sirmouri

¹⁷ ऐक देस ऐशो हईयों, के प्रभू यीशू ऐ शिक्क्षा देऐ लंऐ थी। अरह् यहूदी भाट-बाँम्ण, अरह् यहूदी-निय्म ले शिखाँणों वाल़े, तिनके ही नंजीक बऐठी रूऐ थिऐ; से गलील अरह् यहूदिया के बादे गाँव शे, अरह् यरूशलेम शे आऐ रूऐ थिऐ; अरह् चंग्गाई कर्णो खे प्रभू-पंण्मिश्वर के शक्त्ति तिन की गईलो थी।

सिरमौरी नौवाँ नियम

¹⁷ ऐक दूस ऐशै हौं कै तैणै उपदैश दैय लौआ थिया, औरौ फरीसी लोग औरौ यहूदी शास्त्र कै ज्ञानी तिथै बौठै रौवै थिए, जू गलील जिले औरौ यहूदिया प्रदेश कै हरेक गांव पौरैशै औरौ यरूशलेम शहर शै आए रौए थिए; औरौ बीमारों कै ठीक कौरणौ कारिए प्रभु कै अनौखी शौकतै तैसकै साथै थी।

लूका 5:17 ပူးပေါင်းရင်းမြစ်များ

मत्ती 11:5

शैड़े के दे:खिदों लागो, लगड़े उडे-पुडे हाड्दे लागो, कोढ़ी शुद्ध करे ज़ाँव, जाएरें के शुणिंदो लागो, मुँड़्दे ऊबे जींयाँल़े ज़ाँव, अरह् कंगालो कैई शी खुषख्बरी शुणाँऐं ज़ाँव।

मत्ती 15:1

तबे यरूशलेम शे किऐ यहूदी भाट-बाँम्ण अरह् यहूदी-निय्म के शिखाँणों वाल़े प्रभू यीशू कैई आऐयों बुल्दे लागे,

मरकुस 1:45

परह् तेसी आदमी ऐ ज़ाऐयों खुल्मं-खुला तियों बातो का प्रचार ऐते ज़ूगा फएलाऐ दिता के प्रभू यीशू मसीया तबे नंगर दे खुल्म-खुला ने ज़ाऐ सकी, अरह् तिनू नंगर शे बाऐर शुन-शाँन जागा दो रंहणों पड़ो, तबे भे ढिक्कों च़ौऊ ढबे शे लोग तिन कैई आँदें लागे।

मरकुस 16:18

से शोगाव आप्णे हाथो दे ऊबे थागले, अरह् जे से किऐ बिष्लो-बीष भे पीले तअ भे तिनके किऐ ने ज़ालो, अरह् जे से बीमाँरो गाशी आप्णें हाथ थह्ले, तअ सेजे बीमार भे आछे अरह् चाँगे हले।”

मरकुस 3:22

यरूशलेम नंगर शे तेथै आऐं, यहूदी-निय्म के शिखाणों वाल़े, का ऐजा मंत्त थिया, के यीशू मसीया दा शैतान असो, अरह् ऐ दुष्ट-आत्त्मा के राजा शैतान की सहाँऐता-मद्दत्त शी दुष्ट-आत्त्मा नीकाल़ो।

मरकुस 5:30

अरह् प्रभू यीशू के तेख्णी जाँणियों के मुँह शी शँक्त्ति-तागत निंकल़ी, अरह् तिन्ऐं पाछू फीरियों लोगो शो पुछो, “मेरे चोगें का पाला कुँणें छूँवा?”

मरकुस 7:1

तबे किऐ यहूदी भाट-बाँम्ण अरह् किऐ यहूदी-निय्म के शिखाणों वाल़े यरूशलेम शे आऐ, अरह् से प्रभू यीशू मसीया कैई कठे हुऐ।

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 2:46

अरह् च़ीज़े देसो बित्त्णों गाशी, तिन्ऐ तेसी शिक्क्षा देणों वाल़ो के बीचो दा बईठा अंदा; अरह् तिनकी शिक्क्षा शुण्दें अरह् तिन कैई शे सुवाल पुछ़्दे दे:खा।

लूका 5:21

तबे यहूदी-निय्म शिखाँणों वाल़े, अरह् यहूदी भाट-बाँम्ण आपु मुँझी ऐजा बाद-बिबाद कर्दे लागे, के “ऐजा कुँण असो? जू आपु-आप्खे पंण्मिश्वर आरी सनाँईयों? किन्देंखे के पंण्मिश्वर के सुवाँऐं ओका कुँण असो? जू कोसी ओकी के पाप माफ करी सको।”

लूका 5:30

ईन्दें गाशी यहूदी भाट-बाँम्ण अरह् यहूदी-निय्म के शिखाँणों वाल़े लोग, प्रभू यीशू के चैले कैई तुड़-खुड़ाँदे लागे, के “तुँऐं लोग चूंगी लअणों वाल़े; अरह् पापियों की गईलो खाँदे-पींदे कैई धूईयों?”

लूका 6:19

अरह् बादे लोग प्रभू यीशू छ़ुणों के कोशिष करह् थिऐ, किन्देंखे के तिन शी शक्त्ति निक्ल़ियों बादे लोग चाँग्गै हऐ ज़ाँव थिऐ।

लूका 7:30

परह् यहूदी भाटे-भाम्णें अरह् यहूदी-निय्म के शिखाँणों वाल़े ऐं संत्त-यूहन्ना के हाथै नहाँण-कराँणों माँनी ने, अरह् आप्णें बारे दी पंण्मिश्वर के हिछ़या बैकार करी दिती।

लूका 8:46

प्रभू यीशू ऐ बुलो, “कुँणिऐ मुँह छ़ुऐं थुवा; किन्देंखे के मुँऐ चगरी पाव, के मुँह शी शक्त्ति निक्ल़ी रंऐ।”

यूहन्ना 3:10

प्रभू यीशू ऐ तेस्खे जबाब दिता, “कियो तू इस्राएलियों का गुरू हऐयों भे ऐजी बातो सहम्झोईदा ने?”

यूहन्ना 3:21

परह् जुण्जा सच्चाई दा चालो, से पैयाषे के नंजीक आँव, ईन्देंखे के तेस्के करे अंदे आच्छे काँम-काज़ देखाई दे आँव, किन्देंखे के सेजे आछ़े काँम-काज़ पंण्मिश्वर की तरफ शे करे ज़ाँव।”

प्रेरितो कै काम 19:11

पंण्मिश्वर संत्त-पौलुस के हाथै शक्त्तिशाली अरह् नोंखें काँम-काज़ देखाँव थिऐ।

प्रेरितो कै काम 4:30

अरह् चाँग्गा कर्णो खे तुऐं आप्णा हाथ थुऐ, के चींह्न-चंम्त्तकार की काँम-काज़ तुवाँरें पबित्र दास यीशू के नाँव शे करी सको।”

प्रेरितो कै काम 5:34

परह् गमलीएल नाँव का ऐक यहूदी भाट-बाँम्ण थिया, जुण्जा रित्ती-रूवाज अरह् यहूदी-निय्म का माँष्टर थिया; अरह् बादी जंन्त्ता तेस्की आदर-ईज्त्त करह् थिऐ, तबे से खुम्ल़ी दा ऊँबा खह्ड़ा हुवा; अरह् तेने खास-चैले खे ऐग्ड़ी बाँईडे नींहणों के अज्ञाँ दिती।