लूका 5:15 - Sirmouri

¹⁵ परह् तिन्दे के चर्चा तबे भे बादे दे फऐल्दे लागी, अरह् लोगो के बैशुमार बडी भीड़ तिन्कै बचन का बखाँण शुण्दे, अरह् आप्णी बीमारी शी चंग्गाई पाँणों की हिछ़्या शे आँदें लागे।

सिरमौरी नौवाँ नियम

¹⁵ पौरौ यीशु कै खोबर हौजौ बै जादा फोल़दै लागै औरौ भीड़ कै भीड़ तैसी शुणणौ कारिए औरौ आपणी बीमारियों शै ठीक हौणौ कारिए कौठै हौए।

लूका 5:15 ပူးပေါင်းရင်းမြစ်များ

मत्ती 9:26

अरह् तियों बातो की चर्चा तेसी बादे ईलाके दी फऐली गऐ।

मत्ती 9:31

परह् तिन्ऐ तेथै शो नीक्ल़ियों बादे ईलाके दा तिनका ज़ष-कारा फईलाऐ दिता।

मरकुस 1:28

अरह् प्रभू यीशू को नाँव तेख्णी बादे गलील के ईर्द-गिरद के बादे पर्देशो दो फऐली गो।

मरकुस 1:45

परह् तेसी आदमी ऐ ज़ाऐयों खुल्मं-खुला तियों बातो का प्रचार ऐते ज़ूगा फएलाऐ दिता के प्रभू यीशू मसीया तबे नंगर दे खुल्म-खुला ने ज़ाऐ सकी, अरह् तिनू नंगर शे बाऐर शुन-शाँन जागा दो रंहणों पड़ो, तबे भे ढिक्कों च़ौऊ ढबे शे लोग तिन कैई आँदें लागे।

मरकुस 3:7

प्रभू यीशू आप्णे चैले आरी झीलो के ढबे हुटे: तअ गलील, अरह् यहूदिया, ईलाके शी लोगो के ऐक बैजाऐ बैशुमाँर बड़ी भीड़ तिनू पाछी चाली।

लूका 12:1

तैतिऐखे जबे हजारंह् लोगो के बै-शुमाँर भीड़ लागी गऐ, ऐत्रें ज़ुगी के लोगो के ढोस्रोल़ै लई ओके लोग घींजिन्दे लागे; तअ तबे प्रभू यीशू सोभी शे आगे, आप्णें चैले खे बुल्दे लागे; के “यहूदी भाट-बाम्णों के खमीर जेष्णें कऊँट्ल़ो शे च़ौक्क्ष रूऐ।

लूका 14:25

प्रभू यीशू की गईलो लोगो के बै-शुमार भीड़ चाली रंऐ थी; तबे प्रभू यीशू ऐं लोगों की ढबे पाछ़ु फीरियों बुलो।

यूहन्ना 6:2

अरह् ऐक लोगो के बैजाऐ बड़ी बै-शुमाँर भीड़ तिनू पाछ़ी चाली, किन्देंखे के जुण्जे चींह्न-चंम्त्तकार प्रभू यीशू रोगी-बीमाँर चाँग्गै करियों देखाँव थिऐ; से तिन्दें देख्दे आँव थिऐ।

1 तीमुथियुस 5:25

तेष्णें ही कुछ आच्छै भले काँम-काज़ भे सपष्ट रूप शे पर्गट् हऐ ज़ाव; अरह् जुण्जे पर्गट ने हंदे, सेजे भे छ़ुपाऐ ने ज़ाँदे।