लूका 4:43 - Sirmouri

⁴³ तबे प्रभू यीशू ऐ तिनू लोगो खे बुलो के “मुँखे ओकी नगर दा भे पंण्मिश्वर के राज्य का बखाँण करणा जरूरी असो, किन्देंखे के मुँह ईन्देखे ही डियाल़ी थुवा।”

सिरमौरी नौवाँ नियम

⁴³ पौरौ यीशुए तिनुखै बौल़ौ, “मुखै ओकी नोगरो दा बै पौरमेशवर का राज्य का सुसमाचार प्रचार कौरणा जौरुरी औसौ जिथुकै मुखै इथकारिए छाड़ै राए।”

लूका 4:43 ပူးပေါင်းရင်းမြစ်များ

मत्ती 4:23

प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

मरकुस 1:35

झीष हणों गाशी झूल-मूँली, आरी भियाँसरंह् दे प्रभू यीशू बींऊँजे अरह् ऐक शुन-शाँन जागे दे हुटे, अरह् तेथै से प्रार्थना कर्दे लागे।

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

यूहन्ना 9:4

जिन्ऐं मुँह डेयाल़ी थुवा; तिनकी ताँईऐं आँमों खे ऐजो जरूरी असो, के आँमें देसो के सकाल़ै ही तिनके काँम-काज़ करी दियों; किन्देंखे के सेजी रात्त आँणों वाल़ी असो, जबे कुँऐ आदमी किऐ भे काँम-काज़ ने करी सक्दा।

प्रेरितो कै काम 10:38

पंण्मिश्वर ऐ तिनू ही नाँसरत गाँव के यीशू पबित्र-आत्त्मा अरह् शक्त्ति शे अभिषिक्त्त करे गुऐ; अरह् से घूम्मी-फीरियों भलाई कर्दे रूऐ; अरह् शैतान के सताँऐ अंदे लोग चाँग्गै करदा रूऐ; किन्देंखे के पंण्मिश्वर तिनकी गईलो आपु थिऐ।

2 तीमुथियुस 4:2

के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।