लूका 4:25 - Sirmouri

²⁵ हाँव तुँओं खे खास बात बुलू, के जबे ऋषी-एलिय्याह के ज़ुगौ दो झोड़ पाँणी ने लागी, अरह् जीमी दा ऐक दाँणा ने जाँमी तअ साड़े च़ींन सालो तोड़ी बादे प्रदेश दा भैयानंक काल़ पड़ा, अरह् इस्राएल दे तेसी बख्ते बैजाऐ बिधवा थी।

सिरमौरी नौवाँ नियम

²⁵ मैरै बात शुणौ। हांव तुऔं साचौ बुलू, कै एलिय्याह पौरमेशवर कै बातौ बौताणौवाल़ै कै दूसौ दौ जौल़ौ साढ़े तीन सालो तौड़ी बोरखा ना होई, इथै तौड़ी कै सारै इस्राएल देश दा बैजाए बौड़ा काल़ पौड़ा, तौ इस्राएल देश दै बौहिती विधवाएं थी।

लूका 4:25 ပူးပေါင်းရင်းမြစ်များ

मत्ती 20:15

कियो ऐजा ठीक नियाँव आथी ने, के हाव आप्णी घंरोऊँच़ी शो जेतोड़ो देंणों चहाऊँ तेत्ती देऊँ? कियों मेरे भले काँम-काज़ कर्णो लई तुँऐं मिंषाऐं रूऐं?’

लूका 10:21

तैख्णी प्रभू यीशू पबित्र-आत्त्मा की खुशी शे भरपुर हऐयों बुलो; “हे पिता! स्वर्ग अरह् धर्त्ती के प्रभू! हाँव तुवाँरी प्रार्थना करू, किन्देंखे के तुऐं ऐजी बात्तो ज्ञाँनियों, अरह् बुद्धीमाँनों शी चुप्पी थंई; परह् नहाँन्ड़िया गाशी पर्गट कअरी; होर, पिता, तुओं ऐजो ही आच्छ़ो लागो।

रोमियों 9:15

किन्देंखे के से ऋषी-मूसा खे बुलो, के “हाँव जेसी कोसी गाशी दया-रंय्म कर्णी चहाँऊ, तेसी गाशी हाँव दया-रंय्म करूबा। अरह् जेसी कोसी गाशी तरष कर्णीं चहाऊँबा? तेसी ही गाशी तरष करूबा।”

रोमियों 9:20

हे आदमी भला तू कुँण असो; जू पंणमिश्वर का सामणा करे? कियों घड़ी-तराशी अंदी चींज घढ़णों वाल़े खे बुली सको, के “तुँऐं मुँह ऐष्णा कैई बाँणा?”

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

याकूब 5:17

ऋषी-एलिय्याह भे तअ आँमों जेष्णाँ ही ऐक आदमी थिया, अरह् तेने गिड़्-गीड़ाऐयों प्रार्थना करी, जू धर्ती गाशी बरखा ने पड़ो अरह् साड़े च़ींन साल तोड़ी धर्ती गाशी बर्खा ने हई।

प्रकाशितवाक्य 11:6

तिन कैई हंक-अधिकार असो, अस्माँन बंद कर्णो का, के तिनकी बरंम्बाँणीं के देसो दो पाँणीं ने आँव; अरह् तिनका बादे पाँणी गाशी हंक-अधिकार असो, के तिन्दें को लह्ऊँ बंणाव, अरह् जबे-जबे चहाँव तबे-तबे धर्ती गाशी साँत्त-भाँत्ती बिब्त्ति पाँणों के शँक्त्ति तिन कैई असो।