लूका 24:32 - Sirmouri

³² तबे चैले ऐं आपु मुँझी बुलो, के “जबे से अमाँरी गंईलो बाटो पुँडे थिऐ, अरह् आँमों आरी पह्ली रूऐ थिऐ; अरह् तिन्ऐं आँमों कैई तिन्ऐ पबित्र-ग्रन्थों का बखाँण करी लुवा थिया, अरह् आँमों संहम्झाऐ लुऐ थिऐ; तअ अमाँरे मंन दा कैत्रा ज़ौष थिया।”

सिरमौरी नौवाँ नियम

³² तिनुऐ आपी मुंजी बौल़ौ, “जोबै सै बाटो पुंडा आमुआरी बातौ कौरौ थिया औरौ पवित्र शास्त्र का मतलब आमु सौमझांव थिया, तौ इथकारिए अमारै मन रिजै रौवै थिए।”

लूका 24:32 ပူးပေါင်းရင်းမြစ်များ

मरकुस 4:34

बिना अनाँणें दिऐं, प्रभू यीशू तिनखे किऐ ने बुलो थिऐ, परह् ऐकलाल़े देसे आप्णे चैले कैई बादी बातो का मतल्व सम्झाँव थिऐ।

लूका 24:45

तबे प्रभू यीशू ऐ तिनू चैले के ज्ञान-बुद्धी खोली दिती, के ऐ पबित्र-ग्रन्थ संहम्झी पाँव।

यूहन्ना 6:63

आत्त्मा ही जीवन दियों, परह् देह्-शरीर शा किऐ भे फाय्दा ने हंदी; ईन्देंखे मुँऐं जुण्जे बचन तुओं कैई बुली थुऐ; सेजे ही आत्त्मा अरह् जीवन असो।

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

इब्रानियों 4:12

किन्देंखे के पंण्मिश्वर का बचन जीऊँदा, शक्त्ति-शाली, अरह् ऐक नाँम दू-धारी तरवारी शा भे बैगे पंईना असो; अरह् से पराँण, आत्त्मा, अरह् अमाँरे भेत्रें के बादे अंग छीन-भीन करियों आर-पार करह्; अरह् अमाँरे मंन की भाँवना अरह् मंन के बिचारो की परख करह्।