लूका 23:9 - Sirmouri

⁹ राजा हेरोदेस प्रभू यीशू कैई शे कंऐ सुवाल पुछ़्दा लागा, परह् तिन्ऐं तेस्खे किऐ जबाब ने दिती।

सिरमौरी नौवाँ नियम

⁹ सै यीशु कैईंदी बोरिशी बातौ पूछदा रौआ, पौरौ यीशुए राजा हेरोदेस कै किछै बै जोवाब ना दी।

लूका 23:9 ပူးပေါင်းရင်းမြစ်များ

मत्ती 27:12

जबे प्रधान-याजकों अरह् यहूदी लोगों के ठगड़ेें तिनू गाशी दोष-कसूर लाऐ लुऐं थिऐ, परह् प्रभू यीशू ऐ तिन्दें का किऐं जबाब ने दिती।

मत्ती 27:14

प्रभू यीशू ऐ पिलातुस खे कोसी भी दोष-आरोप का किऐ जबाब ने दिती, तबे हाक्म के तूरंबाँणच़ूटे।

मत्ती 7:6

“पबित्र चीजों कुत्ते खे ने दिऐं, अरह् आप्णे मोंत्ती सूऊँरों के मुँहों कैई ने पाँऐ; कद्दी ऐशो ने हऐयों के से तिनू लातो थाँई घीज्णों खे ने पाँव, अरह् तेई पाछू फीरियों तुँओं ऊपाड़ो।

मरकुस 15:5

परह् प्रभू यीशू मसीया ऐ किऐ जबाब ने दिती, तबे हाक्म पिलातुस के तूरंबाणच़ूंटे।

लूका 13:32

प्रभू यीशू ऐ तिनखे जबाब दिता, “ज़ाऐयों तैसी चप्लूस सियाल्टे खे बुलो, के हाँव ऐत्त्लो अरह् दोत्ती दुष्ट-आत्त्मा गाड़्दा, अरह् रूगी-बीमार चाँग्गै करदा, अरह् च़ीज़े के मेरी टह्ल पुरी हंदी।

लूका 23:10

अरह् तेख्णों मुँख्या-याजकों अरह् यहूदी-निय्म के शिखाँणों वाल़े भे तेथै खह्ड़े थिऐ, से प्रभू यीशू गाशी तंन-मंन शे दोष-कसूर लाँदे लागे।

यूहन्ना 19:9

तबे हाकम-पिलातुस हजो मंह्लों दा भीटा हुटा, अरह् तेने प्रभू यीशू कैई शो पुछ़ो, “तुऐं केथै के असो?” परह् प्रभू यीशू ऐ तेस्खे किऐ भी जबाब ने दित्ती।

प्रेरितो कै काम 8:32

तेने पबित्र-ग्रन्थों का जुण्जा पाठ पढ़ी लुवा थिया, से ऐजा थिया: के जेष्णीं भैंड़ काट्णों-माँर्णों खे आगू नींह्, अरह् गाब्टा ऊँन कत्रर्णों वाल़े कैई चूप्प-चाँण रंह्, तेष्णों ही तिन्ऐं आप्णों मुँह ने खुली।

1 पतरस 2:23

से गाल़ी शुणियों गाल़ी ने दियों थिऐ, अरह् दु:ख भूगियों कोसी खे धम्मकी ने दियों थिऐ, परह् आपु-आप्खे साच्चै नीयाऊँच़ू के हाथो दा देऐ दिता।