लूका 23:47 - Sirmouri

⁴⁷ अरह् सुबेदार ऐ ऐजी बादी घट्णा देखियों पंण्मिश्वर की बड़ियाऐ करी, अरह् ऐजो बुलो; के “जरूर ही ऐजा आदमी कुँऐं धर्मी थिया।”

सिरमौरी नौवाँ नियम

⁴⁷ सूबेदारे जू किछै हौए रौ थियु दैखैबा पौरमेशवर की बौड़ाए कौरे, औरौ बौल़ौ, “जौरुर ऐजा आदमी धरमी थिया।”

लूका 23:47 ပူးပေါင်းရင်းမြစ်များ

मत्ती 27:51

तेसी बख्त्ते तेख्णी देऊँठी का पड़दा, ओपरो शा ऊँदा तह्ल़ तोड़ी दो धड़ हऐ गुवा: अरह् धर्ती गाशी भूईच्ल़ लागों, अरह् कफाडो कऐड़ी ऊँक्क्षी गई;

मत्ती 27:54

तबे सुबेदांर अरह् जुण्जे तिनकी गईलो यीशू के पऐरे देंदे थिऐ, से भूईंच्ल़ो, अरह् जुण्जो किऐ तेथै हुओं थियों, तेथू दे:खियों बैजाऐ डरी गुऐ; अरह् बुलो, “सतिखे ऐ पंणमिश्वर का बैटा थिया!”

मत्ती 9:8

लोग ऐजो देखियों डरी गुऐ, अरह् पंणमिश्वर की बड़ियाऐं कर्दे लागे, जिन्ऐं आदमी खे ऐष्णा हंक-अधिकार देऐ थुवा।

मरकुस 15:39

शुँल़ी-फ़ाँशी के साम्णें खड़े जगवाल़े सुबेदार ऐ बुलो, के ऐजा आदमी सत्तिखे प्रभू पंणमिश्वर का बैटा थिया।

लूका 23:41

किन्देंखे के आँमों तअ नीयाँव के हिसाब शी सजा भट्दी लागी, किन्देंखे के आँमों तअ अमाँरी कंर्णी का फ़ल़ भेट्दा लागा; परह् ईन्ऐं तअ किऐ भे अपराध ने कंरी थंई।”

यूहन्ना 19:7

यहूदी अगवाल़ ऐ, जबाब दिता, “अमाँरे भे ऐक निय्म-रूवाज असो, अरह् तेसी निय्म-रूवाजो के मुँताबिक ऐ मंऊँत्ती की सजा ज़ूगा असो; किन्देंखे के ऐ आपु खे पंण्मिश्वर का बैटा बुलो।”