लूका 22:8 - Sirmouri

⁸ प्रभू यीशू ऐ आप्णे चैले संत्त-पतरस, अरह् संत्त-यूहन्ना, ऐजो बुलियों भेजे: के “ज़ाऐयों आँमुखे फ़सह के जून बाँणों।”

सिरमौरी नौवाँ नियम

⁸ यीशुए पतरस औरौ यूहन्ना कै ऐजौ बौलेयौ कै छाड़ै, कै, “जाऐबा अमारै खाणौ कारिए फसह की तैयारी कौरौ।”

लूका 22:8 ပူးပေါင်းရင်းမြစ်များ

मत्ती 3:15

प्रभू यीशू ऐ तेस्खे ऐजा जबाब दिता, “ऐबे तअ ऐष्णों ही हणों दे, किन्देखे के आँमों खे पंणमिश्वर के धार्मिक्त्ता ईन्दी ही पुरी हों, आँमों खे ऐष्णों कर्णो ही ठीक असो।” तबे संत्त-यूहन्ना ऐ प्रभू यीशू की बात माँनी पाऐ।

लूका 1:6

से दुईनें पंणमिश्वर के साम्णें धरमाँईत्त थिऐ, अरह् प्रभू के बादी अज्ञाँ-निय्म, माँनों थिऐ, से बेकसूर चाल चाल़्णों वाल़े थिऐ।

लूका 22:9

तिनू चैले ऐ प्रभू यीशू कैई शो पुछो, “तुँऐं केथै चहाँव जेथै के आँमें फ़सह के जूंन बाण्णों के तैयारी करह्?”

प्रेरितो कै काम 3:1

ऐक देस ऐशो हुओं, के संत्त-पतरस अरह् संत्त-यूहन्ना ढल़किऐ के किऐ च़ीन बाजे, की प्रार्थना के बख्त्ते देऊँठी दे ज़ाँदे लागे थिऐ;

प्रेरितो कै काम 3:11

जबे सेजा आदमी जुण्जा आगे भीख्ह माँगों थिया, से संत्त-पतरस अरह् संत्त-यूहन्ना को साथ छ़ुड़ो ही ने थिया; तबे बादे लोग हराँन हंऐयों सुलेमान नाँव के थाँन-च़ौत्रें कैई खे धाँऐ-बिच़्डियों हुटे।

प्रेरितो कै काम 3:3

जबे तेने लंगड़ै भीख्हारिऐं संत्त-पतरस अरह् संत्त-यूहन्ना देऊँठी दे भींटे ज़ाँदें देखे, तअ तेने तिन कैई शी भीख्ह माँगी।

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।

प्रेरितो कै काम 4:19

ईन्दें गाशी संत्त-पतरस अरह् संत्त-यूहन्ना ऐ तिनू लोगो खे जबाब दिता, “तुँऐं ही फंऐस्ला करह्; के ऐजो पंण्मिश्वर के नंजरी दो ठीक हंदो, के आँमें पंण्मिश्वर की ने परह् तुवाँरी बातो माँनों?

प्रेरितो कै काम 8:14

जबे यरूशलेम दे रंहणों वाल़े, खास-चैले ऐं ऐजो शुँणों; के सामरिया के लोगे ऐ पंण्मिश्वर का बचन माँनीं पाया, तअ तिन्ऐं संत्त-पतरस अरह् संत्त-यहूना तिन कैई डेयाल़े।

गलातियौं 2:9

अरह् जबे तिन्ऐ तियों कृपा दी जुण्जी मुँह भेंटी रंऐ थी, सेजी जाँणी पाँऐ; तअ याकूब, अरह् कैफा, अरह् यूहन्ना ऐ, जू कलीसिया के मुँख्या माँने ज़ाँव थिऐ, तिन्ऐं साथ देणों के रूप दी ऐजी सहम्ति जताऐयों, मुँह आरी, अरह् बरनबास आरी हाथ मिलाया, के तुँऐं गऐर यहूदी लोगो के बीचो दे ज़ाऐयों प्रचार कर्दें रूवे, अरह् आँमें मतल्व याकूब, कैफा, अरह् यूहन्ना ऐ यहूदी लोगो के बीचो दा प्रचार करणा माँना, अरह् आँमें सभिऐं आपु मुँझी ऊडी-पुडी संई बाँऐं छुईयों मानों।