लूका 22:70 - Sirmouri

⁷⁰ ईन्दें गाशी बादे के बादे लोग बुल्दे लागे, तअ तबे कियो “तू पंण्मिश्वर का बैटा असो?” प्रभू यीशू ऐ जबाब दिता, “तुँऐं आपु ही बुली लो, के (हाँव असो)।”

सिरमौरी नौवाँ नियम

⁷⁰ इथपांदी सौबीए बौल़ौ, “तौ का तू पौरमेशवर का बैटा औसौ?” तैणै तिनु बौल़ौ, “तुऐं आपी बौल़ै लो कै हांव औसौ।”

लूका 22:70 ပူးပေါင်းရင်းမြစ်များ

मत्ती 26:25

तबे तिनू थँम्बड़ाणों वाल़ा यहूदा ऐ बुलो, “हे गुरू जी! कियों सेजा हाँव असो?” प्रभू यीशू ऐ बुलो, “तुँऐं आपु ही बुली पाव।”

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 27:11

जबे यीशू हाक्मों के साम्णें खड़ा थिया, तअ हाक्में तेस्शो पुछो, “कियों तू यूहदियों का राजा असो?” प्रभू यीशू ऐ तेस्खे बुलो, “तुँऐं आपु ही बुली लों।”

मत्ती 27:43

ऐ पंणमिश्वर दा बिश्वाष करह्, किन्देंखे के ऐने ऐजो बुली थो, के ‘हाँव ही पंणमिश्वर का बैटा असो’, तबे पंणमिश्वर ऐसी छुड़ोऐ देला जे से ऐसी शो पियार करह्।”

मत्ती 27:54

तबे सुबेदांर अरह् जुण्जे तिनकी गईलो यीशू के पऐरे देंदे थिऐ, से भूईंच्ल़ो, अरह् जुण्जो किऐ तेथै हुओं थियों, तेथू दे:खियों बैजाऐ डरी गुऐ; अरह् बुलो, “सतिखे ऐ पंणमिश्वर का बैटा थिया!”

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

मत्ती 4:3

तबे पर्ख्णों वाल़े शैतान नंजीक आऐयों प्रभू यीशू खे बुलो, “जे तू पंणमिश्वर का बैटा असो, तअ अज्ञाँ दे के पाथरो की रोटी बंणी ज़ाँव।”

मरकुस 14:62

प्रभू यीशू मसीया ऐ बुलो, “होर, हाँव ही असो! तुँऐं आदमी का बैटा सर्वशंक्त्तिमान के सोऐं ढबे बईठा अंदा अरह् असमाँनों शा बाद्ल़ो मुँझी आँदे दे:ख्ले।”

मरकुस 15:2

हाक्म पिलातुस ऐ प्रभू यीशू शो पुछो, “कियों यहूदियों का राजा तू असो?” प्रभू यीशू मसीया ऐ तैस्खे जबाब दिता, “तुँऐं आपु ही बुली लो।”

लूका 22:71

तिन्दें गाशी तिन्ऐं बुलो, “ऐबे आँमों ओकी कोसी गुवाह्-शाज़्त्त के किऐ जरूरत ने आथी? आँमें तअ आपु ऐस्के मुँऐं शुंणीं थो।”

लूका 23:3

तबे हाकम-पिलातुस ऐ प्रभू यीशू शा ऐजा सुवाल पुछ़ा, “कियों तू यहूदियों का राजा असो?” प्रभू यीशू ऐं तेस्खे जबाब दिता, “तुऐं आपु ही बुली लो।”

लूका 4:41

अरह् सेजी दुष्ट-आत्त्मा लेल्याँदू अरह् ऐजो बुलियों के “तुँऐं पंण्मिश्वर का बैटा असो” भहुते लोगो शी दुष्ट-आत्त्मा नीकल़ी, परह् प्रभू यीशू तिनू किऐ फिट्को थिऐ, अरह् बुल्णों ने दियों थिऐ, किन्देंखे के सेजी दुष्ट-आत्त्मा जाँणों थी, के ऐजा ही मसीया असो।

यूहन्ना 1:34

आपु मुँऐ ऐजो देखों, अरह् हाँव ईन्दें का गुवाह्-शाज़्त असो; के ऐजा ही पंण्मिश्वर का बैटा असो।”

यूहन्ना 1:49

नतनेएल ऐ प्रभू यीशू खे जबाब दिता, “हे रब्बी, गुरूजी! तू सोत्तिखे पंण्मिश्वर का बैटा असो: तू ही इस्राएल का महाँन राजा असो।”

यूहन्ना 10:30

‘हाँव अरह् बाबा ऐक जीऊँ असो।’”

यूहन्ना 10:36

तअ जेसी पंण्मिश्वर ऐं, पबित्र बंणाँऐयों; ईयों संईसारी दा डेयाल़ी थुवा: ‘तेस्खें तुऐ लोग पंण्मिश्वर की निदया कर्णो वाल़ा बुलो,’ से सिर्फ ईन्देंखे के मुँऐं ऐजो बुलो; के ‘हाँव पंण्मिश्वर का बैटा असो?’

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

यूहन्ना 19:7

यहूदी अगवाल़ ऐ, जबाब दिता, “अमाँरे भे ऐक निय्म-रूवाज असो, अरह् तेसी निय्म-रूवाजो के मुँताबिक ऐ मंऊँत्ती की सजा ज़ूगा असो; किन्देंखे के ऐ आपु खे पंण्मिश्वर का बैटा बुलो।”