लूका 22:42 - Sirmouri

⁴² “हे बाबा! जे तुऐं चहाँव तअ ऐजा दुं:ख्ह का बैलुवा मुँह कैई शा दुरका करी सको; तबे भे मेरी ने परह् तुवाँरी हिछ़्या पुरी हऐ चेंई।”

सिरमौरी नौवाँ नियम

⁴² “ओए रै पिता, जै तू चांए तौ ऐसी दुख कै छानै कै मैरै धोरे दा हौटाए दै, तोबै बै मैरी नी पौरौ तैरै मोरजी पूरी हौंव।”

लूका 22:42 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

मत्ती 11:26

होर, सत्तिखे, हे पिता पंणमिश्वर, तुँवारी खुशी-आँनन्द ईन्दी असो।”

मत्ती 20:22

प्रभू यीशू ऐ तियों खे जबाब दिता, “तुँऐं ने जाँण्दी के तुँऐं का माँगी लों। जुण्जा दुख मेरे सहंणाँ कियों तुँऐं संह्ऐंन करी पाँदे?” तिनिऐं तिन्खे बुलो, पिं-पाँदे

मत्ती 26:39

तबे से दाँणिक आगुड़े हुटियों उटमुँल़े खे पड़े, अरह् ऐजी प्रार्थना करी, “हे मेरे पिता जे हऐ सको तअ ऐजा बड़ा दु:ख मुँह गाशी आँणों शा टल़ी दियों, तबे भे जेष्णों हाँव चहाँऊ तेष्णों ने, परह् जेष्णों तुँऐं चहाँव तेष्णों ही हों।”

मत्ती 26:42

तबे प्रभू यीशू ऐ दुज़ाल़िऐं ज़ाऐयों ऐजी ही प्रार्थना करी, “हे पिता जे ऐजा दु:ख मुँखे दिऐं बिना टल़ी ने सक्दा; तअ ईन्दी मेरी ने परह् तुँवारी हिछ़या पुरी हों।”

मत्ती 26:44

तिनू छुड़ियों से हजो आगु हुटे, अरह् तेष्णी ही च़ीज़ाल़िऐं प्रार्थना करी।

मत्ती 6:10

‘तेरो राज्य आँव: तेरी हिछ़या जेष्णी स्वर्गो दी पुरी हों, तेष्णी ही संईसारी धर्ती गाशी भे पुरी हों।

मरकुस 14:36

अरह् बुलो, “हे अब्बा, हे बाबा! तुँओं शो तअ सब-कुछ हऐ सको; मेरे साम्णें थुवा अंदा ऐजा बैलुवा आगु करह्, तबे भे मेरी ने परह् तुँवारी हिछ़या पुरी हों।”

लूका 23:34

(प्रभू यीशू ऐ बुलो, “हे परंम-पिता! ईन खे माँफ करे, किन्देंखे के ऐ ने जाँण्दें के ईन्ऐं का करी लो।”) अरह् तिन्ऐं “पार्ची पाऐयों प्रभू यीशू के खोट्णों आपु मुँझी बाँडी पाऐ।”

यूहन्ना 18:11

प्रभू यीशू ऐ संत्त-पतरस खे बुलो, “आप्णी तरवार पाछ़ू मियाँनों दी थो! कियों जुण्जा दु:ख्ह का बैलुवा बाबा ऐ, मुँह्खे देऐ थुवा, कियों हाँव तेसी पीऊँ ने?”

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 5:30

“हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

प्रेरितो कै काम 21:14

जबे संत्त-पौलुस अमाँरी बातो माँन्दा तैयार ने हंई, तअ आँमें ऐजो बुलियों चुप्पी हऐ गुऐ; के “प्रभू की हिछ़्या पुरी हों!”