लूका 22:32 - Sirmouri

³² परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

सिरमौरी नौवाँ नियम

³² पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

लूका 22:32 ပူးပေါင်းရင်းမြစ်များ

मत्ती 18:3

“हाँव तुँओं कैई ऐक खास बात बुल्णीं चहाँऊ, जाव तोड़ी तुँऐं आप्णा मंन बद्ल़ियों, ऐसी नहाँन्ड़िया जेष्णें ने बंणों, ताँव-तोड़ी तुँऐं स्वर्गो के राज्य दे कद्दी भे दाखिल ने हंऐ सक्दे।

मत्ती 26:75

तबे संत्त-पतरस के प्रभू यीशू की सेजी बात चींत्ते आऐ: के ऐतलो ही रात्ती तू “कुकड़े के बाँक देणों शा आगे तू च़ींई बई भाजी ज़ाँईदा के हाँव ने ऐसी जाँण्दा।” अरह् बाईडे ज़ाऐयों संत्त-पतरस फाटी-फाटियों रूदा लागा।

मरकुस 14:72

तबे तैख्णी कुक्ड़े ऐ दुज़ाल़िऐं बाँक दिता, अरह् पतरस के प्रभू यीशू मसीया के बुली अंदी सेजी बात चींत्ते आऐ: के “कुक्ड़े के बाँक देणों शा आगे तू च़ीं बई, भाजी ज़ाँईदा, के हाँव ने ऐसी जाँण्दा” अरह् पतरस ईयों बातो सुचियों पट्की-पट्कियों रूदा लागा।

मरकुस 16:7

परह् तुँऐं ज़ाव, अरह् तिनके चैले अरह् पतरस खे बुलो, के से तुँओं आगे गलील दे भेट्दे, जेष्णों तिन्ऐ तुँओं कैई बुलो थियों, तुँऐं तेथै ही तिनू दे:ख्ले।”

लूका 8:13

अरह् जुण्जो बीज़ पाथरो-शगाल़ी मुँझी पड़ो, सेजो बीज़ ऐजो असो, के जुण्जे बचन शुण्दे ही तैसी बचन माँनी पाँव; परह् तैसी बचन दे से पाक्कै हऐयों जड़ ने पाक्ड़दे, से कुछ बख्तो तोड़ी तअ तैसी बचन दा बिश्वाष करह्, परह् परख के बख्ते से अट्ल़ ने रंह्दे अरह् से ऊँदे ज़ाँव।

यूहन्ना 14:19

किऐ ही बख्त्त हजो असो, जबे ऐजी संईसारी मुँह ने देखी सको; परह् तुँऐं मुँह जरूर देख्ले; के हाँव जीऊँदी असो, अरह् तुँऐं भे जीऊँदी रंह्दे।

प्रेरितो कै काम 3:19

तअ तबे: तुऐं लोग पस्तावा करह्, अरह् आप्णा मंन बद्ल़ियों; पंण्मिश्वर कैई पाछू फीरियों आओं, जिन्दे लंई तुवाँरे पाप मिट्टी ज़ाँव।

रोमियों 8:32

जिन्ऐं आप्णा ऐकलता बैटा भे बंचाऐयों थंई ने, परह् तेसी भे अमाँरी पाप शे आँमों बंचाँणों खे बल़ीदाँण करी दिता; तअ ऐत्रों भहितों देणों गाशी भे से कियों आँमों खे सब-कुछ ऐई मुँझी देंदी ने?

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

2 तीमुथियुस 2:18

किन्देखे के सेजे भाऐ ऐजो बुल्दे-बुल्दे के दुज़ाल़िऐ पाछ़ू ऊबो जीऊँणों तअ कंद्दी हंऐ रूओं; अरह् से सच्चाई शे भट्की गुऐ; अरह् पताने तिन्ऐं कैतोड़े का बिश्वाष ऊल़्टा-पुल़्टा करी दिता।

तीतुस 1:1

संत्त-पौलुस की ढबे शी जू पंण्मिश्वर का दास अरह् यीशू मसीया का खास-चैला असो, पंण्मिश्वर के छाँटे अंदे लोगो का बिश्वाष अरह् तियों सच्चाई की पछ़याँण के मुँताबिक असो, जू भगत्ति के मुँताबिक शो असो,

इब्रानियों 12:15

ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

1 पतरस 1:1

संत्त-पतरस की ढबे शी जू प्रभू यीशू मसीया का खास-चैला, तिनू प्रदेशियों के नाँम जुण्जे पुन्तुस, गलातियों, कप्पदुकिया, आसिया, अरह् बिथुनिया दे खिदर-बिदर हऐयों रंह् थिऐ,

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 पतरस 1:5

जुण्जा बिश्वाष के जाँणें पंणमिश्वर की शक्त्ति, लई ज़ूगौ के आखरी दा पर्गट होंणों खे छुट्कारे खे सुवाँ करियों थऐ थुवा स्वर्गो दा।

2 पतरस 3:14

ईन्देंखे, हे प्यारे साथियों, जबे के तुँऐं ईनू बातों का भूर्षा थह्, तअ कोशिष करह् के तुँऐं शाँण्त्ति शे तिनके साम्णें निरदोष-बै-कसूर भेटे चैई,

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।