लूका 22:19 - Sirmouri

¹⁹ तबे प्रभू यीशू ऐ रूटी करी, अरह्, धन्यबाद के प्रार्थना करियों तियों च़ुड़ी; अरह् ऐजो आप्णें चैले खे बुलो, “ऐजी मेरी देह्-शरीर असो; जुण्जी तुओं खे देऐ लऐ, अरह् मुँह च़ींत्तणों खे तुऐ ऐष्णों ही करिया करह्।”

सिरमौरी नौवाँ नियम

¹⁹ तोबै तैणै रोटी कौरी, औरौ पौरमेशवर का धन्यवाद कौरेयौ तुड़ी, औरौ तिनुखै एजो बौलेयौ दी, “ऐजा मैरा शोरीर औसौ, जू तुऔं कारिए दैय जांव: मैरै याद कारिए ऐशैखैई कौरेया।”

लूका 22:19 ပူးပေါင်းရင်းမြစ်များ

मत्ती 14:19

तबे तिन्ऐ लोगो खे ज़ुब्ड़ी गाशी बईठाल़्णों की अज्ञाँ दिती, अरह् तिनू पाँच रोटी अरह् दो माँछी लई; अरह् स्वर्गो की ढबे ऊबो दे:खियों धन्यबाद करा अरह् रोटी च़ूड़ी-च़ूड़ियों आप्णें चैले कैई दिती, अरह् तिन चैले लोगों खे दिती।

मत्ती 15:36

अरह् आपु प्रभू यीशू ऐ सेजी सात्त रोटी अरह् माछी आप्णें हाथों दी करियों, पंणमिश्वर का धन्यबाद करियों च़ूड़ी, अरह् आप्णें चैले कैई देंदे गुऐ, अरह् चैले ऐ लोगो खे बाँडी दिती।

लूका 22:17

तबे प्रभू यीशू ऐ अंगूरोह् के रंस शा भरा अंदा बैलुवा करा, अरह् प्रार्थना करियों धन्यबाद देऐयों बुलो, “ऐथू आगू करह्, अरह् आपु मुँझी बाँडी पाव।”

लूका 22:20

तेष्णा ही प्रभू यीशू ऐ बियाल़ी खाऐयों, सेजा बैलुवा ऐजो बुल्दे दिता; के ऐजा बैलुवा मेरे लंह्ऊँ शा भरा अंदा असो; जुण्जो लंह्ऊँ तुवाँरी ताँईऐं बुवाऐ लो; ऐजा तुओं आरी ऐक “नुवाँ बाय्दा असो।”

लूका 24:30

जबे प्रभू यीशू तिनकी गईलो खाँदे धुईऐ तअ प्रभू ऐ रोटी आप्णें हाथों दी करी, अरह् धन्यबाद करियों आशिष माँगी, अरह् सेजी रोटी च़ूड़ियों से तिनखे देंदे लागे।

यूहन्ना 6:23

(तबे तिबिरियास नंगर शी ऊकी नाव तेसी जागे के नंजीक पंह्ऊँचीं गई, जेथै तिन्ऐं प्रभू यीशू के धन्यबाद कर्णो पाछ़ी रोटी खाई थी)

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

1 कुरिन्थियों 10:16

सेजा धन्यबाद का बैलुवा जिन्दे गाशी आँमें धन्यबाद करह्; कियों से मसीया के लह्ऊँ दी हिस्सेदारी आथी ने? अरह् सेजी रोटी जिनू आँमें च़ुड़ियों आपु मुँझी बाँडों, कियो से मसीया की देह्-शरीर की हिस्सेदारी आथी ने?

1 कुरिन्थियों 10:4

अरह् सभिऐं ऐक ही आत्त्मिक पाँणी पियों, किन्देंखे के से बादे झुणें तियों आत्त्मिक कऐड़ी शो नींक्ल़ो अंदो पाँणी पियों थिऐ, जुण्जी कऐड़ तिन्की गईलो-गईलो चालो थी; अरह् सेजी आत्त्मिक कऐड़ मसीया थिया।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

गलातियौं 4:25

हाजिरा अरब के सिन्नै-धारह् के जैष्णी असो; से अच़कालिऐ के यरूशलेम जेष्णी असो; किन्देंखे के हेभी भे आप्णें नहाँन्ड़या आरी, से ऐत्लो तोड़ी गुलामी दे असो।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

1 थिस्सलुनीकियों 5:18

बादी बातो दा प्रभू का धन्यबाद करह्; किन्देंखे के तुँओं खे प्रभू यीशू मसीया दी पंण्मिश्वर की ऐजी ही हिछ़या असो।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।