लूका 21:34 - Sirmouri

³⁴ “ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

सिरमौरी नौवाँ नियम

³⁴ “इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

लूका 21:34 ပူးပေါင်းရင်းမြစ်များ

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मरकुस 13:9

“तबे भे तुँऐं च़ौक्क्ष-संकन्नें रूऐ, से तुओं थाँम्ब्ड़ियों खुम्ल़ी दे खूँम्ल़ाईच़ों कैई नियाँव खे देले, अरह् यहूदी-चौंतरें दे तुओं दे कोड़े मारे ज़ाले, अरह् मेरे कारण शे तुओं हाक्मों, राजाओं के साम्णें नीह्ले, के तुऐं तिनके साम्णें मेरे गुवाह्-शाज़्त बंणी ज़ाँव।

मरकुस 4:19

अरह् संईसारी का फिकर करियों, अरह् धंन दोंल्त का धोखा, अरह् कंई चींजो का लोभ-लाल़्च तिनके मंन दा समाँऐंयों, सेजा बचन दबाऐ दियों, अरह् से निंषफल़ हऐ ज़ाँव।

लूका 10:41

प्रभू यीशू ऐ तियों खे जबाब दिता, “मार्था ओ मार्था, तू भहिती बातो का फीकर करे, अरह् तेबे ही तू परीशाँन हंऐ।

लूका 12:40

तुँऐं भे तैयाँर रंह्, किन्देंखे के जैसी बख्त्ते तुँऐं सुच्ची भे ने थई हलो, तैसी ही बख्त्ते आदमी का बैटा आँदा।”

लूका 17:3

ईन्देंखे च़ौक्क्ष रूऐ, के जे कुँऐं तेरा भाऐ गलती करला; तअ तू तेसी सम्झाऐ, अरह् जे से पस्त्तावा करह्, तअ तैस्खे माँफ करी दिऐ।

लूका 21:35

किन्देंखे के सेजै देसो बादी धर्ती गाशी रंहणों वाल़े, लोगो गाशी जरूर पड़्दे।

लूका 21:8

प्रभू यीशू ऐ तिनखे जबाब दिता, “च़ौक्क्ष रूऐ, के तुँऐं कोसी के बंकावे दे ने आँओ; बैजाऐ लोग मेरे नाँव शे आले, अरह् बुल़्लै, के ‘हाँव ही मसीया असो’ अरह् ‘सेजा बख्त्त आऐ गुवा’ परह् तुऐं तिनू पाछी ने ज़ाऐ।

लूका 8:14

जुण्जो झाल्ह-झाड़ी मुँझी पड़ो, सेजो बीज़ ऐजो असो: के जुण्जे बचन तअ शुण्णों ऐ, परह् थोड़े देसो बित्त्णों गाशी से धन-दोल्त्त अरह् जीवन के भोग-बिलास दे दब्बी ज़ाँव, अरह् तैसी बचन शुणियों तिनू तिन्दें का किऐ फ़ल़ ने भेट्दा।

1 कुरिन्थियों 5:11

परह् मेरा ऐजा बुल्णा असो, के जे कुँऐं भाऐ, चुर-जार, के लुभी, के मुर्त्तियों पुजणों वाल़ा, के गाल़ी, देणों वाल़े, के पियाक्ड़, के अनियाँऐं कर्णो वाल़ा हों, तअ तिनको साथ-हाथ ने करे; परह् ऐष्णें आदमी आरी खाणों खे भे खाऐ ने।

1 कुरिन्थियों 6:10

ना चोर, ना लोभी, ना पियक्ड़-शराबी, ना गाल़ी देणों वाल़े, ना अनियाँऐ, कर्णो वाल़े, पंणमिश्वर के राज्य के वारिस हंदी।

गलातियौं 5:20

मुर्त्तियों की पूजा, गणाँदी, बईर, झगड़ा, रीष, झोक, बिरोध, फूट, पाप,

फिलिप्पियों 4:6

कोसी भे बात का फिकर ने करे, परह् बादी बातो दे तुवाँरे ढाल-अरज, प्रार्थना अरह् ढाल-अरज के जाँणें धन्यबाद आरी पंण्मिश्वर के संहाम्णें हाजिर हों।

इब्रानियों 12:15

ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

2 पतरस 3:10

परह् प्रभू को देस चुप्पी चोर जिया आँदा, तेसी देसे अस्माँनों दी बैजाऐ बैशुमाँर-बड़ी-बडी गुड़ाको लई अस्माँन लुप्त होंदो, अरह् अस्माँनों के ग्रह्-पीन्ड आगी लई पगल़ी ज़ाँदे, अरह् धर्ती अरह् धर्ती गाष्ली बादी चींजो अरह् काँम-काज़ जल़ी ज़ाँदी।

2 पतरस 3:14

ईन्देंखे, हे प्यारे साथियों, जबे के तुँऐं ईनू बातों का भूर्षा थह्, तअ कोशिष करह् के तुँऐं शाँण्त्ति शे तिनके साम्णें निरदोष-बै-कसूर भेटे चैई,

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।