लूका 21:12 - Sirmouri

¹² ईनू बादी बातो शे आगे से तुओं मेरे चैले हंणों के कारण तुँओं गाशी अनियाँऐ कर्ले, थाँम्बड़ियों खुम्ल़ी के चौत्रे दे निंले, अरह् कय्दखानें दे पाले; अरह् तुँओं राजाओं अरह् हाकमों के हाथों दे देऐ देले।

सिरमौरी नौवाँ नियम

¹² पौरौ इनु सौबी बातौ दै औगौड़ियौ सै मैरै नांव की बौजैह शै तुऔं पाकोड़दे, औरौ सतांदै, औरौ यहूदी सभा-घोरो दै सोंपदै औरौ ज़ेलो दै पांदै, औरौ राजाओं औरौ राज्यपालो कै सामणै लोए जांदै।

लूका 21:12 ပူးပေါင်းရင်းမြစ်များ

मत्ती 22:6

ओकिऐं तिनू दास-बैठू उडे थाँम्ब्ड़ियों तिनू आरी गलत बरताव करा, अरह् तबे तिन्की हत्त्याँ करी दिती।

मत्ती 24:8

परह् ऐजी सब बातो पीड़ो-बेद्णी की शुरूवात हंदी।

लूका 21:11

अरह् बड़े-बड़े भूईच्ल़ो, अरह् जागे-जागे दे काल़, रोग, मूँरी आली, अरह् गऐंणी दे कंऐ भूईको, अरह् बड़ी निंसाँणी देखाई दी पड़ली।

यूहन्ना 15:20

चींत्तें थुंऐ, के मुँऐ तुँओं खे का बुली थो: के दास सेंवक आप्णें माँलिक शा बड़ा ने हंदी, किन्देंखे के जबे तिन्ऐं मुँह सताँऐ थुवा; तअ से तुओं भे जरूर सताँदे ऐ; जे से मेरे बचन का पाल़्ण कर्दे, तअ से तुवाँरे बचन का भे पाल़्ण कर्दे थिऐ।

यूहन्ना 15:21

से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

प्रेरितो कै काम 22:30

दुज़े देसे सुबेदार ऐ ऐजो ठीक-ठीक जाँण्णों की हिछ़या शो के ऐजे यहूदी लोग ऐसी ऐत्रा दुषी-कसूर बार कैई बाणों ऐजो जाँण्णों खे तेने संत्त-पौलुस के बाँनणों खुली दिते, अरह् मुँख्या-याजकों अरह् बड़ी खुम्ल़ी कंट्ठी कर्णो के अज्ञाँ दिती; अरह् तेने संत्त-पौलुस आँणिंयों तिनके सहाँम्णें खह्ड़ा करी दिता।

प्रेरितो कै काम 5:40

तबे तिन्ऐ तेस्की बात माँनी पाऐ, अरह् तबे तिन्ऐ खास-चैले भीटे बऐदियों तिन दे कुड़ै मंर्णो के अज्ञाँ देऐयों छुड़ी दित्ते, जू से प्रभू यीशू के नाँव शो किऐ ने करह्।

प्रेरितो कै काम 8:3

शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

प्रेरितो कै काम 9:4

तबे से धनियों धर्त्ती गाशी पड़ा, अरह् तेने ऐक धाव शुँणीं; के मुँखे कुँणिऐं किऐ बुली लो, “शाऊल! शाऊल! तुऐं मुँह कैई स्ताऐ लुवा?”

1 पतरस 2:13

प्रभू खे ऐक नाँम आदमी हाक्मों के बष दे रूऐ,

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।