लूका 20:14 - Sirmouri

¹⁴ तबे तेसी माँलिक के बैटे दे:खियों तिनू जिम्दारे आपु मुँझी ऐजी ठाट करी, के ‘ऐजा तअ तैस्का बारीस असो; आँमें ऐसी माँरी देऊँबे, जीन्दें लई ऐस्के बादी जिम्मीं जजाऐत्त अमाँरी हंऐ ज़ाली।’

सिरमौरी नौवाँ नियम

¹⁴ जोबै किसाने तैसी दैखा तौ आपी मुंजी सुंचदै लागै, ‘ऐजाई तौ वारिस औसौ, चालौ, आमै ऐसीखै बै मारै दियुंबे, औरौ जमीन-जायदात अमारै हौए जालै।’

लूका 20:14 ပူးပေါင်းရင်းမြစ်များ

मत्ती 16:7

चैले आपु मुँझी ठाट कर्दे लागे, “आँमें रोटी ने लियाऐ थई, ईन्देंखे गुरू जी ऐ ऐष्णों बुली लो।”

मत्ती 21:25

संत्त-यूहन्ना को नहाँण कस्की ढबे शो थियों। स्वर्गो की ढबे शो, के आदमी की ढबे शो थियों?” तबे से आपु मुँझी ठाट-बाट कर्दे लागे, के “जे आँमें बुल्बे, स्वर्गो की ढबे शो”, तअ ऐ आँमों खे बुल्दा, के तबे तुँऐं कैई ने बिश्वाष करी?

मत्ती 21:34

जबे शाख्ह सह्लाणों का बख्त आया, तअ तेने आप्णें दास-बैठू तियों शाख्ह की अध्याल़ी लदें तेसी जींम्दारों कैई डियाल़े।

लूका 19:47

प्रभू यीशू रोज देऊँठी दे शिक्क्षा दियों थिऐ: अरह् मुँख्या-याजकों अरह् यहूदी-निय्म के शिखाँणों वाल़े, अरह् लोगो के मुँख्या लोग तिन की हंत्त्या कर्णो की ताक खोज दे थिऐ।

लूका 20:13

तबे अंगूरोह् के खेच़ौ के माँलिक ऐ बुलो, ऐबे हाँव का करू? ‘हाँव आप्णा प्‍यारा बैटा डेयाल़ूबा, हऐ सको, के सेजे जिम्दार ऐस्का आदर-ईज्त्त कर्ले।’

लूका 20:15

अरह् तिन्ऐ तेसी अंगूरोह् के खेच़ौ शा बाँईडा गाड़ा, अरह् जीयाँनिऐ माँरी दिता; ईन्देंखे दे:खो, के ऐबे सेजा अंगूरोह् के खेच़ौ का माँलिक तिनका का हाल करदा?

लूका 20:19

यहूदी निय्म के शिखाँणों वाल़े, अरह् मुँख्या-याजकों ऐ, तिनू तैख्णी थाँम्बड़णें चहाऐ; किन्देंखे के से संम्झी गुऐ थिऐ, के प्रभू यीशू ऐं ऐजो अंनाँणों अमाँरे बारे दो बुली लो; परह् से लोगो दे डरो थिऐ।

लूका 20:5

तबे से आपु मुँझी ठाट्दे लागे, के “जे आँमें बुल्बे के स्वर्गो के पंण्मिश्वर कैई शा भेंटी रूवा थिया; तअ ऐ बुल्दा के तबे तुँऐं तैस्का बिश्वाष कैई ने करी?”

लूका 22:2

मुख्या-याजकों अरह् यहूदी-निय्म के शिखाँणों वाल़े, लोग ईयों खोज-ताक दे थिऐ के यीशू कैषा दाँई माँरा ज़ाँव; परह् से लोगो दे डरो थिऐ।

प्रेरितो कै काम 2:23

से पण्मिश्वर की पाक्के पलान अरह् पुरे ज्ञाँन के मुँताबिक थंहम्बड़ाऐ गुऐ, अरह् तुओं लोगो ऐं, पापी गऐर-यहूदियों के हाथै तिनू शुँल़ी-फ़ाँषी गाशी चड़ाऐ अरह् मँराऐ दित्ते।

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

रोमियों 8:17

अरह् जे अलाद असो, तअ आँमें पंणमिश्वरो के बारिस भे असो, अरह् मसीया की गईलो सग्गै वारिस असो, के जे आँमें तिनू आरी दु:ख भुगबे तअ तिनकी गईलो आँमों बड़ियाऐ भे जरूर भेट्दी।

इब्रानियों 1:2

ईनू आखरी के देसो दे पंण्मिश्वर बैटे के जाँणें; आँमों आरी बात-चीत्त करी, जेसी तिन्ऐं बादी चींजो का हंकदार बाँणा, अरह् तिनके के जाँणें, तिन्ऐं बादी संईसारी की रचणाँ करी।