लूका 2:37 - Sirmouri

³⁷ से चरासी सालो शुभे बिधवा थी: अरह् से देऊँठी ने छुड़ो थी, परह् बरत अरह् प्रार्थना करी-करियों रात्ती देसो स्तुति दी लींन रंह् थी।

सिरमौरी नौवाँ नियम

³⁷ औरौ सै चौरासी सालो शै विधवा थै। औरौ मन्दिरो कै ना छोड़ो थी पौरौ उपवास औरौ प्रार्थना कौरेयौ रात दूस आराधना कौरौ थी।

लूका 2:37 ပူးပေါင်းရင်းမြစ်များ

लूका 5:33

तिन्ऐ प्रभू यीशू खे बुलो, “संत्त-यूहन्ना के चैले तअ बख्तो-बख्तो गाशी बरत कर्दे, अरह् प्रार्थना दे लागे अंदें रंह्; अरह् यहूदी भाट-बाँम्णों के चैले भे तैष्णों ही करह्, परह् तुवाँरे चैले तअ खाँव-पींदें रंह्?”

प्रेरितो कै काम 13:3

तबे तिनू बिश्वाषी भाऐ-बंईणी ऐं बरनबास अरह् शाऊल गाशी, आप्णें हाथ थंऐयों बरत्त अरह् प्रार्थना करियों तिनू दुईन्ने झुणें सेवकाई खे डेयाल़ी दित्ते।

प्रेरितो कै काम 14:23

संत्त-पौलुस अरह् संत्त-बरनबास ऐ ऐक नाँम कलीसिया दे तिनखे बुड़े बुजूरग चूणें-छाँटे, अरह् बरत्त आरी प्रार्थना करियों तिनू प्रभू के हाथों दे देंऐ दिते, जिनका तिन्ऐं बिश्वाष करा थिया।

प्रेरितो कै काम 26:7

तेसी ही बाय्दे के पुरे हंणों के भुर्षे दे, अमाँरे बारंह् गोत्र के लोग होंस्ले आरी; देसो-रात्ती पंण्मिश्वर के आरार्धना करह्: ‘हे राज! ऐसी ही भोर्षे के कारण यहूदी हाकम मुँदा दोष-ईल़्जाँम लाँओं।’

1 तीमुथियुस 5:5

अरह् जिनू बिध्वा के सोत्तिखे मंदत्त के जरूरत्त असो, अरह् तैयारा मंद्दतगार कुँऐं ने आथी; से सिर्फ पंण्मिश्वर गाशी भुरषा थंह्, अरह् से रात्त-देस बिन्त्ती अरह् प्रार्थना दे मंगन रंह;

प्रकाशितवाक्य 3:12

जू जींत्ती ज़ाँव तेसी हाँव आप्णें पंण्मिश्वर की देऊँठी दा ऐक खँम्बा बंणाँऊबा, अरह् से कद्दी भे बाऐर ने नींकल़्ला; अरह् हाँव आप्णे पंण्मिश्वर को नाँव अरह् आप्णे पंण्मिश्वर के नंगर, मतल्व नुऐं यरूशलेम को नाँव, जू मेरे पंण्मिश्वर कैई शो स्वर्गो शो ऊँदो आऐ रूवों, अरह् आप्णों नुंवों नाँव तिन्दो लिखूबा।

प्रकाशितवाक्य 7:15

ईन्देंखे, ऐजे जुण्जें पंण्मिश्वर के सिंगाँस्हणों के सहाँम्णें असो, अरह् तेस्की देऊँठी दी देसो-रात्ती तेस्की सेवा करह्, अरह् जू सिंगाँस्हणों गाशी बऐठी रूवा, से तिनू गाशी आप्णें ताँम्बू की छ़या करला।