लूका 2:27 - Sirmouri

²⁷ अरह् से पबित्र-आत्त्मा की शक्त्ति शा, देऊँठी के आगणों दा आया; अरह् जबे माँ-बाबा ऐं तेसी बालक यीशू भिटा आँणा, के ऐस्खे मूसा खे भेटे गुऐ अज्ञा-निय्म के हिसाब शो करो ज़ाँव,

सिरमौरी नौवाँ नियम

²⁷ औरौ तैसी दूस पवित्र आत्मा कै अगुवाई शै शमौन मन्दिर दा ओऊवा औरौ जोबै माँ बापू तैसी भेइया यीशु खै भीतरै लियोऊवा, कै तैसी कारिए मूसा कै कानून कै भोवार कै हिसाब शै कौरौ।

लूका 2:27 ပူးပေါင်းရင်းမြစ်များ

मत्ती 4:1

तबे आत्त्मा के बुल्णों गाशी, प्रभू यीशू जाँगल़ों दे नींऐं, के शैतान के जाँणें तिनकी परख, करी ज़ाँव,

लूका 2:22

अरह् जबे ऋषी-मूसा के रित्ति-रूवाज के हिसाब शे शुद्ध हंणों के देसो पुरे हुऐ, तअ तेसी बालक के माँ-बाबा ऐ तेसी बालक यीशू यरूशलेम दे निऐ, के प्रभू के साम्णें अरप्ण करह्,

लूका 2:28

सेजा बालक दे:खियों तेने धर्मी-भगत्त शिमौन ऐ आप्णी हंगाल़ी दा करा, अरह् पंण्मिश्वर का धन्यबाद करियों बुलो:

लूका 2:41

प्रभू यीशू के माँ-बाबा हर साल फ़सह के तियारह् मुझी यरूशलेम खे ज़ाया करह् थिऐ।

लूका 2:48

तबे से तेसी दे:खियों हेराँन हुऐ; अरह् तेस्की माँ ऐ तैस्खे बुलो, “हे बैटा तुँऐं अमाँरी गईलो ऐष्णा बरताव कैई करा? दे:ख, हाँव अरह् तेरा बाबा बै-चंऐन हऐयों जुह्दें लागी रूऐ थिऐ।”

लूका 2:51

तबे सेजा टंड्का यीशू आप्णें माँ-बाबा आरी हुटा, अरह् से नासरत नंगर दे पाछू आऐ, अरह् से आप्णें माँ-बाबा की मंर्जी बष दा रूवा: अरह् तेस्की माँ ऐं सेजी बादी बातो आप्णें मंन दी थंई।

लूका 4:1

तबे प्रभू यीशू, पबित्र-आत्त्मा के भरपुरी लई यरदन नंदी शे पाछू आऐ, अरह् च़ाल़ीष देसो तोड़ी जैष्णें तिनू पबित्र-आत्त्मा ऐ चलाऐं तैष्णेंं ही से खाल़ो-नाँल़ो दे फीरे अदें रूऐ।

प्रेरितो कै काम 10:19

परह् संत्त-पतरस ऐं हेभी भी तेसी ही दर्शण के बारे दा सोंच-बिचार करी लुवा थिया, के आत्त्मा ऐं तेस्खे बुलो; “देख! च़ींनं आदमी ताँव जुह्दे आऐ रूऐ।

प्रेरितो कै काम 11:12

पबित्र-आत्त्मा ऐ मुँखे तिनकी गईलो बैझीझ्क ज़ाणों खे बुलो; अरह् सेजे छ: बिश्वाषी भाऐ भे मेरी गईलो आऐ। अरह् आँमें तेसी आदमी कागी हुटे।

प्रेरितो कै काम 16:7

अरह् तिन्ऐ मूसिया ईलाके के नंजीक पंह्ऊँचियों, बितूनिया दो ज़ाँणों चहाँव; परह् प्रभू यीशू की आत्त्मा ऐ तिनू ज़ाँणों ने दिती।

प्रेरितो कै काम 8:29

पबित्र-आत्त्मा ऐ फिलिप्पुस खे बुलो, “नंजीक ज़ाऐयों रंथो की गईलो चाल।”

गलातियौं 4:4

परह् जबे ठीक मोंक्का भेटा, तअ पंण्मिश्वर ऐ आप्णा बैटा डेयाल़ा, जू तिरंई शा पय्दा हुआ; अरह् निय्मों के बष दा जीयों थिया।

प्रकाशितवाक्य 1:10

हाँव प्रभू के देसे पबित्र-आत्त्मा दा भरा गुवा, अरह् आपु पाछी मुँऐ रंणशिंगें-कनाँल़ी के जेऐ बड़ी गूँह्ज शुँणाँई पड़ी।

प्रकाशितवाक्य 17:3

तबे तेने मुँह पबित्र-आत्त्मा शा जाँगल़ों दा नींयाँ, अरह् मुँऐ लाल रंग को बुँणेंर गाशी जू नीदया-चुगली के नाँमों लई भरो अंदो थियों, अरह् जेथ्के सात्त मुँढों थिऐ, अरह् दषं शिंगो थिऐ, तेथै मुँऐं ऐक तिरंऐंं आपु बऐठी अंदी देखी।