लूका 19:7 - Sirmouri

⁷ ऐजो दे:खियों, बादे लोग आपु मुँझी तुड़-खुड़ाऐयों बुल्दे लागे; के “ऐजा आदमी तअ पापी आदमी का पाँऊणा ज़ाँदा लागा।”

सिरमौरी नौवाँ नियम

⁷ ऐजौ दैखैयो सौबै लोग बोड़बौड़ायो बौलदै लागै, “सै तौ ऐकी पापी आदमी कै घोरे पोऊंणा बोणेयो चालै रौआ।”

लूका 19:7 ပူးပေါင်းရင်းမြစ်များ

मत्ती 20:11

जबे सेजी धियाड़ी भेंटी गऐ, तअ से तेसी खेच़ौ के मालिक के बिरूध दे तुड़-खुड़ाऐयों बुल्दे लागे,

मत्ती 20:4

अरह् तेने तिनखे बुलो, “तुँऐं भे मेरी ‘दाख्ह्-अंगूरोह् की खेच़ौ दे काँम-काज़ कर्दे ज़ाव, अरह् जुण्जी किऐ धियाड़ी ठीक हली सेजी हाँव देऊँबा।’ तअ: से भे आगू हुटे।

मत्ती 9:11

ऐजो दे:खियों, यहूदी भाट-बाँम्णें तिनके चैले खे बुलो, “तुवाँरा गुरू चूंगी-कंण लोणों वाल़े अरह् पापी लोगो आरी खाँणों खे कैई खाँव?”

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 19:6

तबे सेजा जक्कंई तैख्णी डाल़ी ऊबे शा ऊदा आया, अरह् खुशी हऐयों तेने प्रभू यीशू का आप्णे कागी सू-स्वागत् करा।

लूका 19:8

जक्कंई सभी आदमी के सहाँम्णें खड़ा हुवा, अरह् तेने प्रभू यीशू खे बुलो; “हे प्रभू! दे:खो, हाँव आप्णी आधी घरोऊँच़ी गरीबो खे देऐ देऊँबा, अरह् जे मुँऐं कोसी कैई शो अ-नियाई करियों किऐ लऐ थुओ; तअ सेजो भे हाँव चार गुणाँ पाछू देऐ देऊँबा।”

लूका 5:30

ईन्दें गाशी यहूदी भाट-बाँम्ण अरह् यहूदी-निय्म के शिखाँणों वाल़े लोग, प्रभू यीशू के चैले कैई तुड़-खुड़ाँदे लागे, के “तुँऐं लोग चूंगी लअणों वाल़े; अरह् पापियों की गईलो खाँदे-पींदे कैई धूईयों?”

लूका 7:34

आदमी का बैटा खाँव-पीयो ऐ, अरह् तुँऐं तैस्खे ऊजराऐ पैटू अरह् पीयक्ड़ बुलो, ‘अरह् च़ूँग्गी लअणों वाल़े अरह् पापियों का साथी असो।’

लूका 7:39

जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”