लूका 19:47 - Sirmouri

⁴⁷ प्रभू यीशू रोज देऊँठी दे शिक्क्षा दियों थिऐ: अरह् मुँख्या-याजकों अरह् यहूदी-निय्म के शिखाँणों वाल़े, अरह् लोगो के मुँख्या लोग तिन की हंत्त्या कर्णो की ताक खोज दे थिऐ।

सिरमौरी नौवाँ नियम

⁴⁷ यीशु ऐई दूसै मन्दिर दा उपदैश दैया कौरौ थिया, औरौ मुख्य यहूदी पुरोहित औरौ यहूदी शास्त्री औरौ लोगौ कै नेता तैसीकै मारणौ का मौका जूओं थिए।

लूका 19:47 ပူးပေါင်းရင်းမြစ်များ

मत्ती 21:23

प्रभू यीशू ऐ जबे देऊँठी दी ज़ाऐयों शिक्क्षा देऐ ही लऐ थी, तअ प्रधान-याजकों अरह् लोगो के ठगड़े ऐ तिन कैई शो आऐयों पुछो, “तुँऐं ऐजे काँम-काज़ कस्की हंक-अधिकार शे करह्? अरह् ऐजा हंक-अधिकार तुँओं खे कुँणें दिता?”

मत्ती 26:55

तेसी बख्त्ते प्रभू यीशू ऐ तिनू लोगो की भीड़ खे बुलो, “कियों तुँऐं तरवारी अरह् डींग्गै थागियों मुँह डाकू जेष्णें थाँम्ब्ड़दे आऐ रूऐ? हाँव रोज देऊँठी दा बऐठियों शिक्क्षा देऐया करू थिया, अरह् तुँऐं मुँह थाँम्ब्ड़ी ने।

मरकुस 11:18

ऐजो शुणियों प्रधान-याजकों अरह् यहूदी-निय्म के शिखाँणों वाल़े, ऐ प्रभू यीशू मसीया खत्त्म कर्णो का मोंक्का जूँऐं लुवा थिया, से तिन्दे डरह् थिऐ, किन्देंखे के तिनके शिक्क्षा लई लोगो के तूरंबाँणच़ूँटी रूऐ थिऐ।

मरकुस 12:12

यहूदी लोगे प्रभू यीशू मसीया थाँम्बड़णें के तियारी तअ करी थऐ थी; परह् से लोगो की भीड़ो दे डरो थिऐ, किन्देंखे के से ऐजो आछो-भलो जाँणों थिऐ, के ऐने ऐजो अनाँणों आँमों खे ही बुली लो, तबे से तेथै शे आगू हुटे।

मरकुस 14:1

दू देसो बेत्तणों गाशी फ़सह अरह् बिना खटाई की रोटी को तियार थियों, प्रधान-याजक अरह् यहूदी-निय्म के शिखाँणों वाल़े ईयो ताक दे थिऐ, के प्रभू यीशू किऐ-किऐ छल़-कप्ट, शे थाँम्ड़ियों मारी ज़ाईदे।

मरकुस 14:49

हाँव तअ रोज देऊँठी दा तुँवारी गईलो रंऊँ थिया, तंदी तअ तुँऐं मुँह थाँह्बड़ी ने, परह् ऐबे जू हंदो लागो, से ईन्देंखे हंदो लागो के पबित्र-ग्रन्थों का सेजा लिखा पुरो हों।”

लूका 19:48

परह् तिनू लोगो किऐ मोक्का ने भेटो थिया; किन्देंखे के बादे लोग प्रभू यीशू की बातो बड़ी चाव शी शुँणों थिऐ।

लूका 20:19

यहूदी निय्म के शिखाँणों वाल़े, अरह् मुँख्या-याजकों ऐ, तिनू तैख्णी थाँम्बड़णें चहाऐ; किन्देंखे के से संम्झी गुऐ थिऐ, के प्रभू यीशू ऐं ऐजो अंनाँणों अमाँरे बारे दो बुली लो; परह् से लोगो दे डरो थिऐ।

यूहन्ना 10:39

ईन्दें गाशी तिन्ऐं हजो प्रभू यीशू ऊडे थाँह्म्बड़णों के कोशिष करी, परह् से तिनके हाथै ने लागी, अरह् से तेथै शे नीक्ल़ी गुऐ।

यूहन्ना 18:20

प्रभू यीशू ऐ तेस्खे जबाब दिता, “मुँऐ संईसारी के सहाँम्णें खुल्म-खुल्ली बातो करी थंई; मुँऐ हमेशा यहूदी च़ौत्रें अरह् देऊँठी दे शिक्षा दिती, जेथै बादे यहूदी निय्म के शिखाँणों वाल़े लोग हों थिऐ; अरह् मुँऐ चूप्पी कंद्दी भे किऐ ने बुली।

यूहन्ना 7:19

कियो ऋषी-मूसा ऐ तुँओं खे अज्ञाँ-निय्म देऐ ने थंऐ? तबे भे तुँओं मुँझी कुँऐं भे अज्ञाँ-निय्म का पाल़्ण ने करदा, तअ तबे तुँऐं लोग मुँह माँरणाँ कैई चहाँव?”

यूहन्ना 7:44

किऐ लोग प्रभू यीशू थाँहम्बड़ियों बाँनणें चहाँव थिऐ; परह् कुँणिऐं तिनदी पाची ने पाई।