लूका 18:9 - Sirmouri

⁹ किऐ लोग आपु खे आप्णें आत्त्मबिश्वाष आरी धर्मी जाँणों थिऐ, अरह् से ओकी लोगो खे पापी अरह् छूत्त जाँणों थिऐ; तिनू लोगो के बिचार दे:खियों, प्रभू यीशू ऐ तिनखे ऐक अनाँणों दितो।

सिरमौरी नौवाँ नियम

⁹ तोबै यीशुए तिनु लोगौ खै जू आपणै बारै मुंजी सुंचौ थिए, कै आमु धरमी औसौ, औरौ ओकी खै बैकार जाणौ थिए, तिनुकै ऐजा उदारण दिया:

लूका 18:9 ပူးပေါင်းရင်းမြစ်များ

लूका 10:29

ईन्दें गाशी तैने यहूदी निय्म के शिखाँणों वाल़े ऐं, आपु खे धर्मी बंण्णों की हिछ़्या शो; प्रभू यीशू कैई शो पुछो, “तअ तबे मेरा पड़ोसी कुँण असो?”

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 16:15

ईन्दे गाशी प्रभू यीशू ऐ तिन खे बुलो, “तुँऐं लोग आदमी के साँम्णिऐ तअ आपु खे धर्मात्त्माँ बंणों; परह् पंण्मिश्वर तुवाँरें मंन-सासो के बात ज़ाणो ऐ; किन्देंखे के जुण्जी बात आदमी के नंजरी दे आच़्छ़ी असो, सेजी ही बात पंण्मिश्वर की नंजरी दी शंगाँव्णी असो।

लूका 18:11

यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

लूका 19:7

ऐजो दे:खियों, बादे लोग आपु मुँझी तुड़-खुड़ाऐयों बुल्दे लागे; के “ऐजा आदमी तअ पापी आदमी का पाँऊणा ज़ाँदा लागा।”

लूका 7:39

जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

यूहन्ना 8:48

यहूदी निय्म के शिखाँणों वाल़े ऐ, प्रभू यीशू खे बुलो, “कियो आँमें ऐजो ठीक बुल्दे ने, के तू सामरी असो; अरह् ताँव्दी दुष्ट-आत्त्मा संमाँऐ रंऐ?”

यूहन्ना 9:28

तबे से तेस्खे घीपियों खरी-खुट्टी शुँणाँदे लागे, के “तू ही असो, तेस्का चैला! आँमें तअ ऋषी मूसा के चैले असो;

यूहन्ना 9:34

ऐजो तेसी आदमी कैई शो जुण्जा आगे पेट्-आँदा थिया; सेजे यहूदी अगवाल़ लोग तबे: तेस्खे बुल्दे लागे! “तू, तअ बिलकुल पाप दा पंय्दा हऐ रूवा! तअ ऐबे कियों तू आँमों शिखाँई दा?” अरह् ऐजो बुलियों तिन्ऐं तेसी यहूदी च़ौत्रें शा बाँईडा गाड़ा।

प्रेरितो कै काम 22:21

अरह् प्रभू ऐ मुँखे बुलो, ‘आगू ज़ा: किन्देंखे के हाँव ताँव गऐर-यहूदी लोगो कैई दुर-दुर डेयाल़ी देऊँबा।’”

रोमियों 10:3

से पंणमिश्वर की नंजर दे बै-कसूर बंण्णों खे, जुण्जी बाट पंणमिश्वर बंणाँऐं थऐ, से तियों बाटो दे ने चाल्दे; परह् से आप्णी बाणी अंदी बाटो बाटी ज़ाऐयों से आप्खे पंणमिश्वर की नंजर दे बै-कसूर बंण्णों की खोज दे रंह्, अरह् तिन्ऐं पंणमिश्वर की बंणाऐ अंदी बाट ठुकराऐं दिती।

रोमियों 14:10

तू आप्णे भाऐ-बंईण कसूरबार कैई बाँणें? अरह् कैईं तू आप्णा भाऐ-बंईण छुटे जाँणें? आँमें बादे के बादे पंणमिश्वर के नियाँव के सिगास्णों के साम्णें खड़े हंदें।

रोमियों 14:3

सब-कुछ खाँणों वाल़ा, नीरमाँसी खे छुटा ने जाँणें, अरह् ना नीरमाँसी सब-कुछ खाँणों वाल़ा कसूरबार बाँणों; किन्देंखे के पंणमिश्वरे तेसी भी कबूल करी थुवा।

रोमियों 7:9

हाँव तअ ऋषी-मूसा खे भेटे गुऐ निय्म के बिना आगे जीऊँदा थिया, परह् जबे मुँऐं ऋषी-मूसा के निय्म के बारे दो जाँणी पाव, तअ के हाँव पापी असो, ऐजो मुँऐं जाँणीं पाव, अरह् हाँव पंणमिश्वर आरी के नाँत्ते शा दुरका हुवा।