लूका 18:43 - Sirmouri

⁴³ तबे सेजा शैड़ा भीखारी तैख्णी दे:ख्दा लागा, अरह् पंण्मिश्वर के बड़ियाऐं करियों प्रभू यीशू पाछी चाला; अरह् सेजा चंम्त्तकार दे:खियों बादे लोग पंण्मिश्वर के बड़ियाऐं कर्दे लागे।

सिरमौरी नौवाँ नियम

⁴³ औरौ सै तौलोंई दैखदा लागा औरौ पौरमेशवर कै बौड़ाए कौरदा रौआ, औरौ तैसकै साथी हौटै गौआ, औरौ सौबै लोग दैखैयो पौरमेशवर कै बौड़ाए कौरदै लागै।

लूका 18:43 ပူးပေါင်းရင်းမြစ်များ

मत्ती 11:5

शैड़े के दे:खिदों लागो, लगड़े उडे-पुडे हाड्दे लागो, कोढ़ी शुद्ध करे ज़ाँव, जाएरें के शुणिंदो लागो, मुँड़्दे ऊबे जींयाँल़े ज़ाँव, अरह् कंगालो कैई शी खुषख्बरी शुणाँऐं ज़ाँव।

मत्ती 21:14

तबे शैड़े अरह् लगड़े, देऊँठी दे प्रभू यीशू कैई आऐ, अरह् तिनिऐं तिनू चाँगे करे।

मत्ती 9:8

लोग ऐजो देखियों डरी गुऐ, अरह् पंणमिश्वर की बड़ियाऐं कर्दे लागे, जिन्ऐं आदमी खे ऐष्णा हंक-अधिकार देऐ थुवा।

लूका 13:17

प्रभू यीशू के ईयों बात शुणियों तिन के बादे बिरोधी संरमाँऐ गुवे; परह् ओकी बादे लोगो के सेजा चंम्तकार दे:खियों तूरंबाणच़ूंटे अरह् बादे खुशी हुऐ।

लूका 19:37

अरह् जबे से तैसी जागे दे पंईचे, जेथै शी ज़ैतून धार के ऊँदाल़्टी शुरू हों; तअ बादी लोगो की बै-शुमार भीड़, प्रभू यीशू के करे अंदे सेजै चंम्त्तकार जुण्जे तिन्ऐं आप्णी आ:खिऐ दे:खी थुऐ थिऐ, तिन्दें लई से मंगन हुऐ, अरह् जुराल़ी लेरह् माँरियों पंण्मिश्वर शे आँनन्द हऐयों खुषी का धन्यबाद अरह् बड़ियाऐ कर्दे लागे:

लूका 4:39

तबे प्रभू यीशू तियारें नंजीक खल़िऐं, अरह् तियारा ठोंह्-ऐकाँन्द्रा फिट्कारा अरह् तैख्णी तियाँरा ठोंह्-ऐकाँन्द्रा च़ूटा, अरह् से तैख्णी ऊबे बिऊजियों तिन के सेवा भगत्त कर्दे लागी।

लूका 5:26

सोभी के तूरंबाणच़ूंटे, अरह् पंण्मिश्वर के बड़ियाऐंं कर्दें लागे; अरह् बैजाऐ डरियों से बुल्दे लागे, “ऐतलो आँमें ऐजी नोंखी बात दे:खी!”

लूका 9:43

तबे पंण्मिश्वर के तियों शक्त्ति दे:खियों सोभी लोगो के तुर्बाणच़ूटे। परह् जबे बादे लोगो के तिनू काँम-काज दे:खियों तूरंबाणच़ूंटे जुण्जे प्रभू यीशू ऐं करे; तअ तबे प्रभू यीशू ऐ आप्णे चैले खे बुलो।

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 26:18

हाँव तिनकी आखी खोल्णों खे, तिनू ईनाँरे शे ज्योत्ति की ढंबै फ़ेर्णो खे; मतल्व शैतान की शक्त्ति शे दुर्के करियों; पंण्मिश्वर की ढबै कर्णो खे, ताँव तिन कैई डेयाल़ूबा; जिन्दें लंई से मुँदा बिश्वाष कर्णो के कारण आप्णें पापों की माफी पाँव, अरह् पबित्र करे अंदे भगत्तों आरी से भे मीरास पाँव।’

प्रेरितो कै काम 4:21

ईन्दें गाशी तिन्ऐं संत्त-पतरस अरह् संत्त-यूहन्ना खे धम्की देऐयों छुड़ी दित्ते; किन्देंखे के से जंन्त्ता के कारण तिनखे सजा देंणों, का किऐ दाव ने भेटो थिया; ईन्देंखे के जुण्जी घट्णा हऐ रंऐ थी, तिन्दें के कारण बादे लोग पंण्मिश्वर के बड़ियाऐं करह् थिऐ।

गलातियौं 1:24

अरह् मेरे जाँणें तिन्ऐं पंण्मिश्वर की बड़ियाऐं करी।”

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।