लूका 18:23 - Sirmouri

²³ ऐजो शुँणियों सेजा आदमी बैजाऐ दु:खी हुवा, किन्दें खे के से बैजाऐ सैठ-धंनवाँन थिया।

सिरमौरी नौवाँ नियम

²³ सै ऐजौ शोणेयो बैजाए उदास हौए गौआ, जिथुकै सै बैजाए सैठ थिया।

लूका 18:23 ပူးပေါင်းရင်းမြစ်များ

मत्ती 19:22

परह् सेजा जोवान ऐजी बात शुणियों, ऊदास गुँम-सूमं हऐयों तेथै शा आगू हुटा, किन्देखे के से बैजाऐ सेठ-धंनी थिया।

मरकुस 10:22

ईयों बात शुणियों ही तेसी आदमी के मुँहों दी छाँई ढल़ी; अरह् से तबे तेथै शा मुँढो नाऐंयो आगू हुटा। किन्देंखे के से बैजाऐ सेठ आदमी थिया।

लूका 12:15

तबे प्रभू यीशू ऐ लोगो खे बुलो, “च़ौक्क्ष रूऐ! ऐक नाँम लोभ-लाल़्च शे बंच्चै; किन्देंखे के कोसी कैई भाँव कैत्ती भे धन-संम्पत्ति हली, तबे भे तैस्के जीवन की कंम्मी तियों धन-संम्पत्ति लंई पुरी ने हंदी।”

लूका 18:22

ऐजो शुँणियों, प्रभू यीशू ऐ बुलो, “ताँव दे ऐबे भे ऐक कंम्मी असो, आप्णो बादो सब-कुछ बीकियों गरीब कंगालो खे बाँडी दे, अरह् मुँह पाछी चाल, तअ ताँव्खे स्वर्गो दो धंन भेट्लो।”

लूका 18:24

प्रभू यीशू ऐ तेसी दे:खियों बुलो, “सैठ आदमी को पंण्मिश्वर के राज्य दो ज़ाणों कैत्रों कंठीण असो!

लूका 19:8

जक्कंई सभी आदमी के सहाँम्णें खड़ा हुवा, अरह् तेने प्रभू यीशू खे बुलो; “हे प्रभू! दे:खो, हाँव आप्णी आधी घरोऊँच़ी गरीबो खे देऐ देऊँबा, अरह् जे मुँऐं कोसी कैई शो अ-नियाई करियों किऐ लऐ थुओ; तअ सेजो भे हाँव चार गुणाँ पाछू देऐ देऊँबा।”

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

लूका 8:14

जुण्जो झाल्ह-झाड़ी मुँझी पड़ो, सेजो बीज़ ऐजो असो: के जुण्जे बचन तअ शुण्णों ऐ, परह् थोड़े देसो बित्त्णों गाशी से धन-दोल्त्त अरह् जीवन के भोग-बिलास दे दब्बी ज़ाँव, अरह् तैसी बचन शुणियों तिनू तिन्दें का किऐ फ़ल़ ने भेट्दा।

इफिसियों 5:5

किन्देंखे के तुँऐं ऐजो बिलकुल जाँणों ऐ, के कोसी च़ूरी-जारी कर्णों वाल़े, के कुँऐं अशुद्ध जंण, के लोभी आदमी, जुण्जा के मुर्ती पुज्णों वाल़े के बुराबर हों; मसीया अरह् पंण्मिश्वर के राज्य दा तेस्का किऐ भे हंक-अधिकार ने हंदी।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

1 यूहन्ना 2:15

तुँऐं ना तअ संईसारी शो, अरह् ना संईसारी की कियों भी चींजो शो, पियार थुऐ। जे कुँऐं संईसारी शो पियार थंह्, तअ तैस्दो स्वर्गो के पिता को पियार ने आथी।