लूका 18:11 - Sirmouri

¹¹ यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

सिरमौरी नौवाँ नियम

¹¹ फरीसी आदमी खौड़ा हौयौ आपणै मन दै ऐजै प्रार्थना कौरदा लागा, ‘ओए रै पौरमेशवर, हांव तैरा धन्यवाद कौरु, कै हांव ओकी आदमी कै जैशणा दुष्टता कौरणौवाल़ा न्याय ना कौरणौवाल़ा औरौ ना गौलत सौमबंध बौणाणौवाल़ा, औरौ ना ही ऐसी मामला लोणो वाल़ै कै जैशणा आथी।

लूका 18:11 ပူးပေါင်းရင်းမြစ်များ

मत्ती 10:3

फिलिप्पुस, अरह् बरतुल्मै, थोमा, अरह् कंण-चूंगी लोणों वाल़ा मत्ती, हलफई का बैटा याकूब, अरह् तद्दै,

मत्ती 5:20

किन्देखे के हाँव तुँओं खे बुलू, के जे तुँवारी धार्मिक्त्ता ऋषी-मूसा खे भेटे गुऐ, अज्ञाँ-निय्म के शिखाँणों वाल़े अरह् यहूदी भाट-बाँम्णों के धार्मिक्त्ता शी बड़ियों ने हों, तअ तुँऐं स्वर्गो के राज्य दे कंद्दी भे दाखिल ने हऐ सक्दे।

मत्ती 6:5

“प्रार्थना कर्दे, बख्त्ते तुँऐं पाखंडियों लोगों जेष्णे ने बंणें, किन्देंखे के से लोगो के दे:खावे खे यहूदी-चौत्रें दे, के शड़की के मोड़ो गाशी, खह्ल़ियों प्रार्थना कर्णी तिनू आछ़ी लागो; परह् हाँव तुँओं खेे खास बात बुलू, के तिनू आप्णा प्रतिफल़ भेंटी गुवा।

मरकुस 11:25

अरह् जबे तुँऐं खड़े हऐयों प्रार्थना कर्लें तअ जे तुवाँरें सासो दा कसी खे किऐ गीला-शिकंवा हों तअ तेस्खे माफ करह्: ईन्देंखे के तुवाँरा पिता जू स्वर्गो दा असो, से भे तुँवारी गलती पाप माफ करला।”

लूका 20:47

से बिधवा के घोरऊँची खाव, अरह् दे:खावे खे बड़ी-बड़ी प्रार्थना करह्: तिनू लोगो खे बैजाऐ बड़ा कुंठूर डंन्ड-सजा भेट्दी।”

लूका 22:41

तबे प्रभू यीशू चैले शे दाँणिंक आगुड़े हुटे, अरह् घुंन्डकुँणिऐ प्रार्थना कर्दे लागे।

गलातियौं 3:10

ईन्देंखे जै-तोड़े लोग मूसा खे भेटे गुऐ अज्ञा-निय्म शा काँम-काज़ गाशी बिश्वाष थों, से बादे निरभाग असो! किन्देंखे के लिखी थो; के “जुण्जों किऐ, मूसा खे भेटे गुऐ अज्ञा-निय्म की कताबे दो लिखो अंदो असो, सेजो जे कुँऐं बादी बातो दो पुरो कर्णो खे पाक्का ने रह्दा, तअ से निरभाग असो!”

फिलिप्पियों 3:6

यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।